اسلام امیرلیگی حاکمیتیدن کېین، افغانستانده اوچینچی مراتبه کانکور سیناوی اۉتکزیلدی و سۉنگی ایکّی سیناو قیزلر نینگ حضورسیزلیگی بیلن اۉتکزیلگن. سلام‌وطندار نینگ بوتوغریده‌گی معلوماتی اساسیده سۉنگی اۉزگریش‌لر و قیزلر نینگ تعلیمی گه یره‌تیلگن چېکلاولر باعث کانکور سیناوی ده اشتراک اېتگنلر نینگ سانی سېزیلرلی درجه ده کمه‌یگن. ۱۳۹۹-ییلده کانکور سیناوی ده ۲۴۰ مینگ اوقووچی اشتراک اېتگن اېدیلر و اولر نینگ قریب ۱۶۰ مینگینی ییگیت‌لر تشکیل بیرر اېدی. بو رقم ۱۴۰۰-ییلده ۱۸۰ مینگ و ۱۴۰۱-ییلده ۱۲۵ مینگ و ۱۴۰۲-ییلده ۸۵ مینگ گه کمه‌یگن.
پایتخت کابل شهری ده کانکور اوچون تیارگرلیک کوریش کورس اوقیتووچیلری، اوقووچیلر نینگ کانکور سیناوی گه علاقه‌سی کمه‌یگنینی بیلدیریب، کانکور ده اشتراک اېتگنلر نینگ رقمی کمه‌یشی گه قۉشیمچه تعلیمی مرکزلرده هم کانکور سیناوی اوچون تیارگرلیک کوره‌دیگن اوقووچیلر نینگ سانی سېزیلرلی درجه ده کمه‌یگنینی معلوم قیله‌دیلر.
روفی تعلیمی مرکز ده کانکور سیناوی اوچون تیارگرلیک کوریش صنف استادی واجد رادفر نینگ ایتیشیچه: «جمهوریت توزومی بیلن قیاس له‌گن حالده که ۱۳۹۹-ییل گه تېنگ دیر، سۉنگی رقمی ۲۴۰ مینگ اېدی و بو رقم دن قریب ۸۵ دن ۹۰ مینگ اوقووچی قیزلر اېدی، بونی منفی قیلسه‌ی یا که قیز اوقووچیلر نینگ یوز مینگ نظر گه آلسه‌ی تخمیناً ۱۴۰ مینگ نفری ییگیت‌لر بوله‌دی و حاضرگی کونده یریم بولگن.»
رادفر، کانکور سیناوی اوچون تیارگرلیک کوریش صنف ده اوقووچیلر نینگ کمه‌یشی خصوصیده بونده‌ی دیېدی: «جمهوریت توزومیده تیارگرلیک کوریش صنف‌لرده ۴۲۰ اوقووچی جذب قیلردیک حاضر صنف ده ۱۷۰ دن ۱۸۰ اوقووچی جذب بوله‌دی، بو معنا ده کانکور سیناوی اوچون اوقووچیلر نینگ علاقه‌سی یریم بولگن.»
کانکور سیناوی اشتراکچیلری اۉرته‌سیده رقابت بیر اصل دیر و بو اصل هر ییلی اشتراکچیلر اۉرته‌سیده سېزیله‌دی، بیراق اوشبو ییل کانکور سیناوی اشتراکچیلری رقابت یوق‌لیگیدن سۉز یوریته‌دیلر.
کانکور سیناوی ده اشتراک اېتگنلردن مدثر گه کوره: «جمهوریت توزومی گه نسبتن حاضر اوقووچیلر نینگ علاقه‌سی کمه‌یگن و اۉتمیش کبی رقابت حاضر یوق.»
بیزلرنینگ فیسبوک صحیفه‌میزگه باش اورینگ!
شونینگدیک، کانکور سیناوی ده اشتراک اېتگنلردن باشقه بیری عبدالهادی نینگ ایتیشیچه: «بو ییل کانکور سیناوی اشتراکچیلری آز اېدی و اۉتمیش ییللر گه نسبتن بو ییل رقابت یوق اېدی، بوتون اشتراکچیلر اۉرته‌سیده رقابت بولیشنی کوتردیک، لېکن افسوس بیلن یوق اېدی.»
تعلیم و تربیه بوییچه ایش بیلرمان جمال‌الدین سلیمانی، کانکور سیناوی اشتراکچیلری نینگ رقمی کمه‌یشی خصوصیده بونده‌ی فکر-ملاحظه بیلدیره‌دی.
اونینگ کوپه‌یتیریشیچه: «تحصیل گه علاقه کمه‌یش عامللری ایش یوق‌لیگی و افغانستانده تخصص یوق‌لیگی دیر، افسوس بیلن یاشلر اداره‌لرده اۉزلری نینگ حضورلری یوق‌لیگینی سېزه‌دی بو هم تحصیل گه علاقه کمه‌یش عاملی دیر.»
اوشبو تعلیم و تربیه ایش بیلرمانی، کانکور سیناوی اشتراکچیلری کمه‌یشی عاقبتیدن آگاه‌لنتیریب ایتیشیچه، تحصیل گه نسبتن یاشلر نینگ علاقه‌سی کمه‌یشی یامان عاقبتی بولیشی ممکن. اونگه کوره: «۱۳۹۹-ییلدن حاضرگه قدر کانکور سیناوی اشتراکچیلری سانی کمه‌یش گواهی‌میز و بو حقیقتن فاجعه‌لی دیر و احوال شونده‌ی دوام تاپگن حالده، افسوس بیلن توپلم مهاجرت و جرم سانی آشیشی گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
افغانستانده اسلام امیرلیگی حاکمیتی بیرینچی ییلیده، قیزلر بولیم تنلاوی ده یره‌تیلگن چېکلاولر بیلن کانکور سیناوی گه اشتراک اېتگنلر اېدیلر. قیزلر نینگ تعلیمی گه چېکلاو یره‌تیلیشی کانکور سیناوی گه سلبی تأثیر قوییب و ییگیت‌لر نینگ حضوری کمه‌یشی گه سبب بولگن.
اوقیشدن محروم بولگن سانیا گه کوره: «مکتب بارمه‌گنی‌میزدن قریب اوچ ییل اۉتماقده. باشقه قیزلر کبی کانکور سیناوی گه اشتراک اېتیب و شفاکار بولیشنی اېستر اېدیم؛ افسوس بیلن اسلام امیرلیگی مکتب‌لر ایشیگینی یاپدی و جوده هم جگرخون من.»
اوقیش دن محروم بولگن قیزلردن باشقه بیری عفت نینگ ایتیشیچه: «سیناو گه اشتراک اېتیب و بیلیم یورت اوقیشنی اېستر اېدیم. یالغیز ییگیت‌لر نینگ اشتراکینی کوریب جوده هم افسوس قیله‌من. گرچند اولر اوچون خورسند من اۉزیم و باشقه قیزلر اوچون افسوس ده من نیگه که بیز امتحان بیره آلمه‌یمیز.»
کانکور سیناوی ده اشتراکچیلر نینگ سانی سېزیلرلی درجه ده کمه‌یب و کابل شهریده کانکور سیناوی اوچون تیارگرلیک کوریش عالی درگاه‌لر اوقووچیلر نینگ علاقه‌سی کمه‌یگنیدن خبر بیرسه‌لرده، لېکن کانکور نمره‌لری سۉنگی تورت ییلگه نسبتن آشگن.
معلومات‌لر اساسیده، ۱۳۹۹-ییل کانکور سیناوی ده اېنگ یوقاری نمره ۳۵۳ نمره اېدی و «شمسیه» اسملی بیر قیز آلگندی. شونینگدیک ۱۴۰۰-ییل کانکور سیناوی نمره‌سی ۳۵۲ اېدی و «سلگی» اسملی قیز آلگن اېدی؛ بیراق استادلر کانکور تیارگرلیک کوریش کورس‌لرده اوقووچیلر نینگ علاقه‌سی کمه‌یگنیدن خبر بیرسه‌لرده، بو ییل بیر ییگیت کانکور سیناوی نمره‌سی ۳۵۹.۶۱ اېدی، قریب آلیش گه اولگورگن.
عالی درگاه‌لردن بیرقطاری نینگ مسئوللری و استادلری، نمره‌لر یوقاری بولیش سببینی کانکور سوال‌لری اۉزگریشی عنوان قیلیب ایتیشلریچه، امتحان‌لر ملی اداره‌سی شرایط نی درک قیلیب و سوال‌لرنی «ساده و قولی» تیارله‌گن.
کابل ده روفی عالی درگاه ده کانکور سیناوی اوچون تیارگرلیک کوریش بولیم استادی واجد رادفر گه کوره: «نمره‌لر یوقاری کېتیش سببی انیق دیر، اۉتگن ییللر گه نسبتن سیناو سوال‌لری قولی بولیب و اسلوبی اۉزگرگن دیر. آلدین سواللر قیین و رقابتی اېدی سۉنگی ییللرده بونده‌ی اېمس؛ چونکه امتحان‌لر ملی اداره‌سی وضعیت نی درک قیلیب و علاقه‌مندلر سانی کمه‌یشینی سېزگن.»
کابل ده روفی عالی درگاه کانکور سیناوی اوچون تیارگرلیک کوریش بولیم استادلریدن باشقه بیری محمدطارق نور محمدی نینگ کوپه‌یتیریشیچه: «سواللر اۉزگرگن؛ بعضی فرم‌لر اۉزگرگن، سواللر قولی بولیب و تعادلی یوق دیر.»
برچه قیینچلیک‌لر بیلن، اسلام امیرلیگی امتحان‌لر ملی اداره‌سی مسئوللری، اوشبو ییل کانکور سیناوی ده شفافیت تأمین اېتیلگن‌لیگیدن ایشانچ بیریب، کوپینچه اوقووچیلر عالی و یریم عالی تحصیلات‌لر گه یول تاپگنینی معلوم قیله‌دیلر.
امتحان‌لر ملی اداره‌سی سرپرستی عبدالباقی حقانی، ۱۴۰۳ییل کانکور نتیجه‌سینی اعلام قیلیش مراسمیده کانکور جریانینی «اهالی امانتی» اته‌گن. اونگه کوره: «بو ییل کانکور سیناوی اشتراکچیلری یخشی اېدی و پروسه هم شفاف اېدی. ۴۱ مینگ ۲۹۳ کیشی عالی تحصیلات و ۲۱ مینگ ۴۴ کیشی یریم عالی گه یول تاپگن. بیر مینگ ۳۰۱ کیشی دینی مدرسه گه یول تاپگن؛ ایکّی مینگ ۴۳۹ کیشی واجد شرایط دیر و ۱۷ مینگ ۷۲۱ اوقووچی هم نتیجه‌سیز قالگنلر.»
ایتیش کېره‌ک، ۱۴۰۳-ییل کانکور سیناوی ۸۷ مینگ کیشی و قیزلر نینگ حضورسیزلیگی بیلن اۉتکزیلدی؛ اۉتگن ییللرده اشتراک اېتگنلر نینگ سانی ۱۵۰ مینگ دن آرتیق بولگن.
