ارزگان‌ده بیر قطار خصوصی مکتب‌لر و تعلیمی مرکزلر مسئوللری نینگ ایتیش‌لریچه، سونگی اوزگریشلر و اقتصادی وضعیت نینگ قیین‌لنیشی بیلن، اوشبو مرکزلردن قطاری یاپیلیب و شونینگدیک بیر قطاری ایسه یاپیلماقده دیر.
ذبیح‌الله ارزگان‌ده تعلیمی مرکزلردن بیری نینگ مسئولی دیر. اونینگ سلام‌وطندار گه ایتیشیچه، اوقووچیلر نینگ کمه‌یگنی، کرایه نینگ توللنمه‌گنی و اوقیتووچیلر نینگ معاشی بیریلمه‌گنی باعث، تعلیمی مرکزی نینگ یاپماق گه مجبور بولگن.
بیزلرنینگ فیسبوک صحیفه‌میزگه باش اورینگ!
شونینگدیک محمدداوود درانی ارزگان مرکزی ترینکوت شهری‌ده بیر ییتیم‌خانه و خصوصی بیر مکتبی بار. اونینگ سلام‌وطندار گه ایتیشیچه، سونگی سیاسی اوزگریشلردن کیین، هیچ بیر اویشلاوچیسی معاش آلمه‌گن و شونینگدیک مذکور ایکی مرکز بناسی نینگ کرایه‌سی توللنمه‌گن. اونینگ کوپه‌یتیریشیچه، اوقووچیلر سانی کمه‌یگن و انه‌شوو سبب تعلیمی مرکزی نینگ فعالیتی نی توخته‌تیشی ممکن.
شونده‌ی بیرحالده، خصوصی تعلیمی مرکزلر‌ده‌گی اوقووچیلریدن قطاری نینگ ایتش‌لریچه، اقتصادی قیین‌چیلیک باعث، تعلیم نی ترک قیلیب و پول تاپیش اوچون ایش قیلیش گه زورلنگنلر.
بوندن آلدین درس اوقیب و حاضر ایسه تیکووچیلیک بیر دکان‌ده ایش قیله‌دیگن سمیع‌الله نینگ ایتیشیچه: «خصوصی مکتب نینگ کوپ فیس آلیشی اوچون درس نی ترک قیلدم. حاضر ایسه عایله‌م اوچون ایش قیله‌من. تعلیمی مرکزلردن آز فیس آلیشلری نی ایسته‌یمین.»
بیزلرنینگ توییترده هم تعقیب قیلینگ!
شونده‌ی بیرحالده، ارزگان معلومات و مدنیت ریاست رئیسی محمد آصف، اوشبو ولایت‌ده‌گی خصوصی مکتب‌لر و تعلیمی مرکزلری نینگ اقتصادی قیین‌چیلیکلری نی قبول قیلیب بیراق ایتیشیچه، بوندن آلدین یشاوچیلر باله‌لری نی ناتینچ‌لیک سبب خصوصی مکتب‌لر گه شامل قیله‌ر ایدیلر و حاضر ایسه امنیت برقرار بولگن و اوقووچیلردن قطاری دولتی مکتب‌لر گه مراجعه قیله‌دیلر.
مسئوللر نینگ معلوماتی اساسیده، بوندن آلدین ارزگان‌ده کمیده ۵۰ الی ۶۰ خصوصی تعلیمی مرکزلر فعالیت قیله‌ر ایدی؛ بیراق حاضر ایسه اوشبو ولایت‌ده یاپیلگن و فعالیت قیله‌دیگن تعلیمی مرکزلر سانی بیللی ایمس.
