فاریاب ولایتی اندخوی تومنیده تدبیر کار بیر عیال، اویی‌ده تعلیم و تحصیل‌دن محروم بولگن قیزلر گه تورلی‌خیل «قول توقیمه» اورگتیش زمینه‌سینی یره‌تگن.
اندخوی تومنیده تیکین روشده تعلیم و تحصیل‌دن محروم بولگن قیزلر گه «قول توقیمه» اورگتیش زمینه‌سینی یره‌تگن سلیمه نینگ سلام‌وطندار گه ایتیشیچه، تعلیم‌دن محروم بولگن قیزلر اوزلرینی اوزی تأمینلش اوچون بو ایشنی ایجاد ایتگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو قیزلر گه تیکووچیلیک، خامک تیکیش، کروشنل تیکیش و بیگز دوزلیک نی اورگته‌دی.
سلیمه نینگ کوپه‌یتیریشیچه: «قیزلر گه قرآن‌کریم و ریاضی اورگته من و بونگه قوشیمچه قول توقیمه صناعتی رواجلنیشینی ایسته‌یمن. اوی‌ده قول توقیمه صناعتینی تیارلب و سوداسی بیلن عایله‌م نینگ خرجتینی تأمینله‌یمن. بو ییرده قریب ۱۰ کیشی تورلی‌خیل قول توقیمه ایشلری بیلن مصروف و اورگه‌نیش‌لریدن کیین اوزلری و عایله اعضالری نینگ خرجتینی تأمینلش‌لری ممکن.»
عین‌حالده، قول توقیمه ایشلری بیلن مصروف قیزلردن بیرقطاری، تیکین روشده یولگه قوییلگن اوشبو ایش‌دن خورسندلیک قیلیب، ایش‌سیزلیک و روحی قیینچیلیک‌لردن قوتیلیب و اورگه‌نیش‌لریدن کیین اقتصادی احوال‌لری یخشی‌لنیب و خودکفا بولیش گه امیدوارلر.
بیر ییل‌دن بیری «کروشنل» تیکیش ایشلری بیلن مصروف «مستعار اسملی» حمیده گه کوره: «عایله‌میزده هیچ کیم مکتب بارمه‌یدی و مکتب باریش گه حقی‌میز یوق، بو ییرده قول توقیمه نی اورگه‌نیش گه علاوه قرآن‌کریم هم اوقیمن، آتیم نی یازیش گه موفق بولگنیمدن جوده هم خورسند بولدیم چونکه سوادلی بولیشنی ایسته‌ی من.»
بیزلرنینگ «ایکس» ترماغی ده هم تعقیب قیلینگ!
عین‌حالده، قول توقیمه ایشلری بیلن مصروف قیزلردن بیرقطاری، حاضرگی قلتیس شرایط‌ده قیزلر نینگ خودکفالیگی اوچون اوی‌لرده تیکین روشده بو کبی ایش‌لر یولگه قوییلیشینی سوره‌یدیلر.
ایتیش کیره‌ک که، مملکت بویلب سونگی سیاسی اوزگریش‌لردن کیین بیر قطار ولایت‌لر اینیقسه شمالی ولایت‌لرده خاتین قیزلردن بیرقطاری، تیکووچیلیک، خامک تیکیش، زر تیکیش، یاقه تیکیش و چرمه دوزلیک بیلن اوزلری و عایله اعضالری نینگ خرجت‌لرینی تأمینلب کیلماقده‌لر.