فاریاب ده اوتگن ییل‌لرده‌گی اوروش باعث بوزیلگن ۲۶ ساغلیک مرکز، یونیسف دفتری نینگ مالی یاردمی بیلن (MMRCA) یا صحتمندلیک پروژه تامانیدن قیته‌دن قوریلیب و فایده‌لنیشگه تاپشیریلگن.
فاریاب ده MMRCA ولایتی دفتر باشلیغی عبدالخیل نایل نینگ ایتیشیچه، اوتگن ۶ ده اوشبو ولایت نینگ مرکزی و تومن‌لریده ۲۶ ساغلیک مرکز بناسی که اوتگن اوروش‌لر طفیلی بوزیلگن ایدی، صحتمندلیک پروژه چوکاتیده مذکور دفتر تامانیدن قیته‌دن قوریلیب فایده‌لنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
جنابل نایل نینگ ایتیشیچه، صحتمندلیک پروژه قیته‌دن تمدید قیلگن تقدیرده، اوتگن ییل‌لرده‌گی اوروش‌لر باعث بوزیلگن برچه ساغلیک مرکزلر نینگ بنالرینی قیته قوریب و اهالی گه ساغلیک خدمت‌لر یخشی طرزده عرضه ایتیله‌دی.
فاریاب ساغلیق‌نی سقلش باشلیغی عجب‌خان حمیدی گه کوره، اوتگن اوروش‌لر باعث بوزیلگن مذکور ساغلیک مرکزلرنینگ بنالری، خورسندلیک بیلن صحتمندلیک دفتری تامانیدن قیته‌دن قوریلگن.
جناب حمیدی نینگ کوپه‌یتیریشیچه، اوشبو مدت ایچیده اهالی تورلی خیل قیینچیلیکلر بیلن روپه‌ره بولگن.
بیزلرنینگ توییترده هم تعقیب قیلینگ!
فاریاب ساغلیق‌نی سقلش باشلیغی، ساغلیک بولیم‌لرینی حمایت قیلووچی نهادلردن، ساغلیک مرکزلرده مراجعتچیلر نینگ سوو نقطه‌ی نظردن بولگن قیینچیلیکلری حلی اوچون دقت قیلیش‌لرینی طلب قیله‌دی.
فاریاب ساغلیق‌نی سقلش مسئوللری نینگ ایتیشلریچه، فاریاب بویلب ۶۷ ساغلیک مرکز موجود که اولر ارا ۳۴ مرکز بناسیز دیر و ساغلیک خدمت‌لر کوپراق اجاره اوی‌لرده عرضه ایتیله‌دی.
