فاریاب ده تیلنچی‌لرنی ییغیش کمیسیون مسئوللری نینگ ایتیشلریچه، اسلام امیرلیگی رهبری نینگ بویروغی و مذکور ولایت محلی رسمی‌لری نینگ قراری گه بناً، ییتتی نهاد جمله دن ولایت مقامی، امنیه قوماندان‌لیگی، ساغلیق‌نی سقلش، شهیدلر و ناگران‌لر، ایش و اجتماعی ایشلر ریاست‌لری همده میمنه بلدیه‌سی و افغان قیزیل آی جمعیتی شامل تیلنچی‌لر نی ییغیش کمیسیونی شکللنگن. اولر گه کوره، فاریاب ده اوتگن هفته دن بیری تیلنچی‌لرنی ییغیش جریانی باشلنگن و تورت کون ایچیده میمنه شهری نینگ تورلی بورچک‌لریدن ۱۳۰ تیلنچی ییغیلیب و تعیین‌لنگن مکان گه انتقال بیریلگن.
فاریاب ده تیلنچی‌لرنی ییغیش کمیسیون باشلیغی احمدطاهر نینگ سلام‌وطندار گه ایتیشیچه، تیلنچی‌لر بایومتریک بولیش دن کیین ایش قیلیش توانی بولگن‌لر گه فاریاب ایش و اجتماعی ایشلر و میمنه بلدیه‌سی تامانیدن ایش زمینه‌لری یره‌تیله‌دی، ناگران تیلنچی‌لر شهیدلر و ناگران‌لر اداره‌سی گه ثبت بوله‌دی، کسل و بنگی‌وار ماده‌لر گه چلینگن‌لر ساغلیق‌نی سقلش ریاستی تامانیدن دوالنه‌دی و هر آی افغان قیزیل آی جمعیتی تامانیدن مستحق و سرپرست‌سیز کیشی‌لر گه بیش مینگ افغانی توله‌نیله‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «حاضرگچه میمنه شهری نینگ تورلی بورچک‌لریدن ۱۳۰ تیلنچی ییغیلگن، اولردن ۴۰ کیشی کیکسه ایرکک‌لر دیر، ۳۰ ته‌سی باله‌لر و قالگنی ایسه عیاللر دیر. اوچ تور تیلنچی بار، مستحق تیلنچی‌لر گه قیزیل آی جمعیتی تامانیدن هر آی بیش مینگ افغانی آی‌لیک بیریله‌دی، سازماندهی بولگن تیلنچی‌لر محکمه گه تانیشتیریله‌دی و کسبی بولگن تیلنچی‌لر گه بلدیه تامانیدن ایش زمینه‌سی یره‌تیله‌دی.»
فاریاب مرکزی مینه شهری دن ییغیلگن تیلنچی‌لردن بیرقطاری نینگ ایتیشلریچه، سرپرست‌لری یوق، فرزندلری و عایله اعضالری نینگ نفقه‌سینی تامینلش اوچون تیلنچی‌لیک قیله‌دیلر.
میمنه شهری نینگ تورلی بورچک‌لریدن ییغیلگن بادغیس ولایتی بالامرغاب تومنی اصلی یشاوچیسی فاطمه گه کوره: «مین تورت کیشی‌لیک عایله سرپرستی من، تیلنچی‌لیک قیلیش گه مجبور من، مجبور بولمسم تیلنچی‌لیک قیلمه‌ی من.»
بیزلرنینگ «ایکس» ترماغی ده هم تعقیب قیلینگ!
فاریاب ولایتی کوهستان تومنی یشاوچیسی قمرگل نینگ ایتیشیچه: «عایله‌م گه تورت دانه نان آلیب باریش اوچون تیلنچی‌لیک قیله‌یپمن، پول بولسه تیلنچی‌لیک قیلمه‌ی من، مجبورلیک دن تیلنچی‌لیک قیله‌من.»
فاریاب غورماچ تومنی یشاوچیسی عصمت‌الله نینگ کوپه‌یتیریشیچه: «آته-آنه‌م یوق، خاله‌م نینگ اوی گه تیریکچیلیک قیله‌من، جاییم یوق حکومت بیز گه یاردم بیرسین مکتب باریشنی ایسته‌ی من.»
ایتیش کیره‌ک که، اوتگن ییلی اسلام امیرلیگی پایتخت کابل و مملکت نینگ بیر قطار ییریک شهرلریده تیلنچی‌لرنی ییغیش جریانینی باشله‌دی. معلومات‌لر گه بناً، تعیین‌لنگن کمیسیون تامانیدن کابل و باشقه بیر قطار ولایت‌لردن حاضرگچه مینگلب تیلنچی ییغیلگن.
