فاریاب ولایتی محلی مسئوللری گه کوره، اوشبو ولایت نینگ اندخوی تورتله تومنیده بیر چوک توزه‌تیلیب و فایده‌لنیشگه تاپشیریلگن.
اولر نینگ ایتیشلریچه، اوشبو چوک بیر سوداگر تامانیدن ۲۰ میلیون افغانی عوضی گه قوریلگن و دوشنبه کونی، ۱۱-جدی، ایکینچیلیک، سوغاریش و چاروه‌چیلیک وزیرلیگی سرپرستی و محلی مسئوللر نینگ حضوری گه فایده‌لنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
ایکینچیلیک وزیرلیگی سرپرستی عطاءالله عمری، بو چوک ایشی یکونلنیب و فایده‌لنیشگه تاپشیریلیشینی مملکت ترقیاتی و اقتصادی خود کفالیک اوچون مهم آدیم عنوان قیلگن.
عمری جنابلری، مملکت ده ترقیاتی و آست قورمه لایحه‌لر عملگه آشیریلیشی اوستیگه تاکیدلب و شهرلر نینگ سیمالری اوزگریلیشی و آبادانچیلیگی اوچون سوداگرلر نینگ حصه قوشیش‌لرینی سوره‌گن.
ایکینچیلیک وزیرلیگی سرپرستی نینگ کوپه‌یتیریشیچه: «حاضر اوروش و توقنشوو زمانی گه چیک قوییلگن و حکومت اویغون‌لیگی بیلن مملکت نینگ ترقیاتی و قیته قوریش زمینه‌سی یره‌تیلگن.»
بیزلرنینگ «ایکس» ترماغی ده هم تعقیب قیلینگ!
فاریاب اندخوی تومنی اهالیسی، شهر گوزه‌للیگی اوچون بو کبی لایحه‌لر عملگه آشیریلیشینی مهم دیسه‌لرده، بیراق ایچیملیک سوو ییتکیزیب بیریلیشی، ایش زمینه‌لری یره‌تیلیشی، تعلیم و ساغلیک امکانیت‌لردن فایده‌لنه آلیش‌لرینی، اساسی احتیاج‌لریدن بیان قیلگنلر.
اندخوی تومنی یشاوچیلریدن عزت‌الله نینگ ایتیشیچه: «یشاوچیلر نینگ کوپراق ایچیملیک سوو، ایش و ترقیاتی لایحه‌لر عملگه آشیریلیشی گه احتیاج‌لری، حکومت دن بوتوغریده کوپراق دقت قیلیشینی ایسته‌یمیز.»
مملکت شمالی ده، اندخوی تورتله تومنی فاریاب ولایتی نینگ بویوک تومن‌لریدن حسابلنیب و معلومات‌لر اساسیده اندخوی تورتله تومنیده قریب ۵۰۰ مینگ کیشی تیریکچیلیک قیلیب کیلماقده.
