فاریاب ولایتیده محلی منبع‌لری نینگ ایتیش‌لریچه، اوشبو ولایت نینگ اندخوی تومنیده مملکت ایکینچیلیک، سوغاریش و چاروه‌چیلیک وزیرلیگی نینگ سرپرستی عطاءالله عمری نینگ حضوری بیلن ایکی پروژه نینگ تمل تاشی قوییلگن.
اوشبو پروژه‌لر، فاریاب ولایتی اندخوی تومنیده بیر چوک و بیر دارالعلوم قوریلیشیدن عبارت دیر.
بیزلرنینگ فیسبوک صحیفه‌میزگه باش اورینگ!
فاریاب ولایتی اندخوی تومنی بلدیه‌سی عتیق‌الله کریمی نینگ ایتیشیچه، اندخوی تومنی مرکزی ده ۶۰۰ مترلیک ده بولگن اوشبو چوک، ۲۰ میلیون افغانی گه توزه‌تیلیشی تخمین ایتیلگن.
جناب کریمی گه کوره، مذکور چوک نینگ توزه‌تیلیش خره‌جتی «یما پترولیم» اسم‌لی خصوصی بیر شرکت تامانیدن توللـه نیله‌دی.
شونینگدیک، فاریاب ولایتی اندخوی تومنی شهری ده ۲۰ میلیون افغانی‌لیک بیر مدرسه نینگ قوریلیش خرجتی، خیرخواه کیشی‌لر و ایکینچیلیک وزیری تامانیدن توللـه‌نیله‌دی.
بیزلرنینگ توییترده هم تعقیب قیلینگ!
عین‌حالده، فاریاب ولایتی اندخوی تومنیده اوشبو پروژه‌لر نینگ افتتاح قیلیش مراسمیده ایکینچیلیک، سوغاریش و چاروه‌چیلیک وزیرلیگی نینگ سرپرستی گه کوره، مملکت بویلب امنیت تأمینلنگن دیر. او ملی سوداگرلردن اولکه آبادانچیلیگی اوچون کیلیب حصه قوشیش‌لرینی طلب قیلگن.
