فاریاب ولایتی نینگ المار تومنی «قرایی» منطقه‌سی «بند یخک» قیشلاغیده جایلشگن تاش کومیر کانینی قازیب چیقریش ایشی اوتگن کونی باشلندی.
اوشبو کان‌نی قازیب چیقریش مسئولیتینی آلگن «مهر خاتم‌الانبیا» شرکت باشلیغی اکبر سلیمی نینگ ایتیشیچه، حکومت مذکور شرکت گه یاردم بیرگن تقدیرده، آیی ده ۵۰۰ مینگ تُن تاش کومیر اوشبو کاندن قازیب چیقریشی ممکن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، فاریاب مرکزی میمنه شهری دن ۸۰ کیلومتر اوزاق ده جایلشگن اوشبو کان‌نی قازیب چیقریش اوچون ۱۵ میلیون افغانی حکومت بیلن قرارداد باغله‌گن، بیراق حکومت درآمد کوپه‌یشی مقصدیده، مذکور کان اوستیگه ۵۰ میلیون افغانی سرمایه یاتقیزیشی کیره‌ک.
فاریاب کان‌لر و پترولیم باشلیغی امان‌الله شیدایی اوشبو کان آچیلیشی مراسمیده ایتیشیچه، مذکور خصوصی شرکت آلدین ایران ده فعالیت قیلر ایدی که اسلامی امارت سرپرست حکومتی نینگ سعی و حرکتی طفیلی اولکه گه قیتیب و بیر کان‌نی قازیب چیقریش مسئولیتینی آلگن.
بیزلرنینگ توییترده هم تعقیب قیلینگ!
جناب شیدایی، مملکت نی ترک ایتگن خصوصی برچه شرکت‌لردن اولکه گه قیتیب و مملکت ترقیاتی و آبادانچیلیگی اوچون حصه قوشیش‌لرینی طلب قیلدی.
حکومت مسئوللری نینگ ایتیشلریچه، المار تومنی کانی گه قول تاپیش قیین دیر، یوللر تیگیس‌لنگن حالده، ۳ مینگ کیشی ایش بیلن تأمینلنه‌دی.