فراه ولایتی یشاوچیلریدن قطاری نینگ سلام‌وطندار گه ایتیش‌لریچه، دولتی برق نینگ کیسیلگنی اولر نی کوپینچه قیین‌چیلیک بیلن روپه‌ره قیلگن و انه شوو سبب، یوقاری هزینه بیلن سولر، بتری یا-ده کم مصرف جنراتور‌لر نی ساتیب آلگنلر.
اولر برشنا شرکتی مسئوللری تامانیدن اوشبو قیین‌چیلیک نینگ حل بولینیشی نی ایسته‌گنلر.
فراه ولایتی یشاوچیلریدن عبدالسمیع نینگ ایتیشیچه: «برقی‌میز یوق، کوپینچه قیین‌چیلیک بیلن روپه‌ره میز. هوا هم ایسیق دیر، هوا ایسیق‌لیگی سبب سولر و بتری ساتیب آلدیک. دولتی رسمی‌لردن فراه ولایتیده‌گی یشاوچیلر گه برق مهیا بولیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک فراه ولایتی نینگ یشاوچیلریدن باشقه بیری فریده نینگ ایتیشیچه: «اقتصادی یخشی بولگن عایله‌لر بلکیم سولر ساتیب آلیش بیلن قیین‌چیلیک‌لری نی حل قیلیب بیلسه‌لر، لیکن حقیقتا بعضی قشاق عایله‌لر هم بار که برق اورنیده باشقه نرسه‌دن استفاده قیلسه‌لر. پس فراه ولایتیده تیزلیککه برق خصوصیده‌گی قیین‌چیلیک نینگ حل بولیشی نی ایسته‌یمیز.»
شونده‌ی بیرحالده، فراه ولایتی یشاوچیلریدن بیرقطاری نینگ ایتیش‌لریچه، اولر دولتی برق نینگ هر کیلوواتی اوچون ۲۵ افغانی توله‌یدیلر. اولر نینگ تاکید قیلیش‌لریچه، حکومت فراه یشاوچیلری گه برق نینگ تامین قیلینیشی خصوصیده مسئول دیر.
بیزلرنینگ توییترده هم تعقیب قیلینگ!
فراه یشاوچیلریدن احمد نوید نینگ ایتیشیچه: «سابق‌ده هم ۲۴ ساعت‌ده یالغیز ۳ ساعت برق بار ایدی و برق نوبتی شکلده ایدی. فراه ولایتیده هر کیلوواتی اوچون ۲۰ الی ۲۵ افغانی پرداخت بوله‌دی و انه شوو سبب کوره‌سیزلر که اهالی‌دن کوپ قطاری سولر یا-ده جنراتور‌دن قوللنه‌دیلر. حاضر ایسه اهالی‌دن کوپ قطاری نینگ اقتصادی وضعیتی یخشی ایمس و برق‌لری یوق.»
شونده‌ی بیرحالده، فراه‌ده برشنا شرکتی مسئوللری برق کیسیلگنی نی تیل یوقلیگی و اهالی تامانیدن برق خصوصیده‌گی قرض‌لر نینگ توللنمسلیگی دیب و ایتیش‌لریچه، اولر اوشبو ولایت برقی نی قیته فعال قیلیش اوچون سعی و حرکت قیله‌دیلر.
شونینگدیک فراه ولایتی برشنا شرکت مسئوللری نینگ ایتیش‌لریچه، اولر نینگ دیزلی جنراتورلری اهالی نیازلری نی حل قیله آلمه‌یدی و انه شوو سبب، اوشبو ولایت یشاوچیلری گه بیر کیچه کیین برق ترقه‌تیش گه مجبورلر.
