غزه ده اسرائیل و حماس اۉرته‌سیده قانلی اوروش دوام اېتماقده اېکن، اروپالیک اوچ مملکت فلسطین نی مستقل مملکت صفتیده تن آلیش‌لرینی اعلام قیلگنلر.
ناروی، ایرلند و اسپانیا، قۉشمه طرزده فلسطین نی مستقل مملکت صفتیده تن آلیش گه قرار قیلگنلر؛ اولر نینگ بو حرکتی بیرقطار مملکت‌لر جمله دن تورکیه و قطر تامانیدن خوش قرشی‌لنگن.
بیراق اسرائیل اروپالیک اوشبو اوچ مملکت نینگ بو حرکتیدن تنقید اېتگن. اسرائیل باش وزیری بنیامین نتانیاهو، بو حرکت گه مناسبت بیلدیریب اولر نینگ بو ایشی غزه ده‌گی اوروش گه چېک قوییلیشی گه سبب بولمسلیگیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
برچه‌سی بیلن، ایش بیلرمان‌لر نینگ ایشانچی گه کوره، غزه ده اسرائیل نینگ حرکتی و غرب مملکت‌لری نینگ بو توغریدهگی باسیم‌لری، اسرائیل گه باسیم کېلتیریش اوچون فلسطین نی مستقل مملکت اوله‌راق تن آلیش گه مجبور قیلگن.
خلق‌ارا مناسبت‌لر ایش بیلرمانی اجمل زرمتی نینگ سلام‌وطندار گه ایتیشیچه: «بولر توپلم طرزده فلسطین نی تن آلیشنی اېسته‌یدیلر. حاضرگچه ۱۴۳ مملکت فلسطین نی تن آلگن؛ غزه ده‌گی اوروش گه چېک قوییلیشی اوچون دیپلماتیک باسیم‌لر دوام تاپیشی گه امید بیلدیره‌من.»
ناروی، ایرلند و اسپانیا غزه و کرانه باختری ده‌گی کېسکین‌لیک‌لر گه چېک قوییش اوچون اسرائیل و فلسطین ایکّی مملکت اوله‌راق تشکیل اېتیلیشینی یگانه یېچیم یول عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، ایش بیلرمان‌لردن بیرقطاری حربی هجوم‌لر آلدینی آلیش اوچون فلسطین مستقل بیر مملکت صفتیده تانیلیشینی جدی نیاز بیله‌دیلر.
خلق‌ارا مناسبت‌لر ایش بیلرمان‌لریدن باشقه بیری ولی فروزان گه کوره: «فلسطین مستقل مملکت صفتیده تانیلگن حالده طبیعی که اسرائیل اوستیگه کوپ باسیم کېلتیریله‌دی، غزه و کرانه باختری ده اېستک‌لرینی عملی اېته آلمه‌یدی.»
ایتیش کېره‌ک که بوندن آلدین بیرلشگن ملتلر تشکیلاتی نینگ عمومی مجمعه‌سی نیچه مراتبه آواز بیریش بیلن، کوپ آواز بیلن فلسطین نی بو تشکیلات نینگ بوتون اعضاسی اوله‌راق قبول قیلگن اېدی.
