سی‌ان‌ان آژانسی نینگ گزارشی اساسیده، افغانستان‌دن آمریکا یشاوچیلری و خطرگه دوچ بولگن‌لرنی چیقاریش پروازلری قیته‌دن باشلنگن. سی‌ان‌ان نینگ گزارشی‌گه بناً آمریکا قوشمه ایالت‌لری تامانیدن چارتر بولگن بیر اوچاق اوتکن کونی (چهارشنبه ۶دلو) کابل نی ترک ایتکن.
بو نوامبر آی‌دن سونگ بیرینچی تخلیه پروازی دییلگن. مذکور منبع‌گه کوره، اوشبو پروازده سان‌لری نامعلوم آمریکالیک‌لر قطرگه تیگیشلی اوچاق آرقه‌لی افغانستان‌نی ترک ایتیشکن. آمریکا تشقی ایشلر وزیرلیگی حاضرگچه بو توغریده هیچ نرسه دیمه‌گن. سی‌ان‌ان آژانسی اوشبو آی اول‌لریده افغانستانده‌گی ۸۰گه یقین آمریکا فقرالری، چیقیش‌نی کوته‌یاتکن‌لری حقیده گزارش بیرگن ایدی.
بیزلرنینگ توییترده هم تعقیب قیلینگ!
ینگی لیکده آمریکا و قطر تشقی ایشلر وزیرلری، افغانستان‌دن آمریکا فقرالری و اوشبو مملکت حربی کوچلری نینگ همکارلرینی چیقاریش جریانی قیته‌دن باشله‌نیشی خصوصیده بحث ایتیش لریدن کیین تخلیه پروازلری باشلنگن.
افغانستان‌دن امریکالیک‌لر بوتکول چیقیشیدن سونگ، کابل‌دن تخلیه پروازلری قطر تامانیدن چارتر بولگن اوچاق‌لر آرقه‌لی بجریلر ایدی. بیراق ایتیلیشیچه، اوشبو پروازلر اسلامی امارت نینگ قرشی‌لیگی طفیلی توخته‌تیلگن.