اروپا بیرلشمه‌سی نینگ افغانستان بوییچه ایلچیسی وان برانت نینگ ایتیشیچه، اوشبو بیرلشمه ایلچی‌لری افغانستان حاضرگی وضعیتی خصوصیده آنلاین ییغین اوتکزگنلر.
بیزلرنینگ فیسبوک صحیفه‌میزگه باش اورینگ!
جناب وان برانت اوتکن کیچه(سه‌شنبه،۳- جوزا) اوز توییتر صحیفه‌سیده یازیشیچه، اوشبو ییغین‌ده افغانستانده سیاسی وضعیت نینگ یامانلشگنی و اوشبو مملکت یشاوچیلری نینگ قینچیلکلریگه حل یول تاپیش و افغانستان یشاوچیلریگه انسان‌سیورلیک یاردم ییتکیزیش خصوصیده بحث قیلگنلر.
اوشبو ییغین شونده‌ی بیرحالده، اوتکزیلگن دیر که بشر حقوقی ایاق آستی ایتیلیشی و سونگی کونلرده اسلامی امارت تامانیدن خاتین-قیزلر برابریده یره‌تیلگن چیکلاولر خلق‌ارا تشکیلاتلر نینگ خواطریگه سبب بولگن.
شونده‌ی بیرحالده بیرلشگن ملت‌لر تشکیلاتی خوف‌سیزلیک کینگش اعضالری بیر اعلامیه ترقه‌تیب، اسلامی امارت‌دن بشر حقوقینی رعایت قیلیب ،خاتین-قیزلر برابریده چیکلاو یره‌تمسلیکلرینی طلب قیلگن.
بیزلرنینگ توییترده هم تعقیب قیلینگ!
اولر اسلامی امارت تامانیدن عیاللری یوزلرینی یاپینتیریشلری خصوصیده بیریلگن بویروغ‌نی خواطرلی عنوان قیلیب، اسلامی امارت نینگ بو حرکتینی دنیا جماعه‌سی و افغانستان یشاوچیلریگه بیرگن تعهدلریگه قرشی دیر دیگنلر.
