تورکیه دولت رهبری رجب طیب اردوغان، شنبه کیچه، ۱۳ جوزا/۳ جون، اوشبو مملکت پارلمانی ده آنت ایچیش مراسمیدن کیین، ینگی کابینه اعضالرینی تانیشتیردی.
بیزلرنینگ فیسبوک صحیفه‌میزگه باش اورینگ!
جودت ییلماز جمهور باشلیغ اورین باسری، هاکان فیدان تشقی ایشلر وزیری، یاشار گولر مدافعه وزیری، محمدشیمشک مالیه وزیری، ییلماز تونچ عدلیه وزیری، ماهی‌نور اوزدمیر گوکتاش عایله و اجتماعی خذمت‌لر وزیری، ودات ایشیک‌حان ایش و اجتماعی ایشلر وزیری، علی‌یرلی مملکت وزیری، محمد اوزهاسکی اطراف محیط، شهرلرنی رواجلنتیریش و اقلیم اوزگریش وزیری، آلپ ارسلان بایراکتار طبیعی منبع‌لر و سوو و برق وزیری، عثمان آشکین‌باک یاش‌لر و سپورت وزیری، محمد فاتح کاجیر صناعت و فنلر وزیری، ابراهیم یوماکلی ایکینچیلیک و اورمان‌لر وزیری، عمر بولات سوداگرلیک وزیری، عبدالقادر اورال‌اوغلو ترانسپورت و آست‌قورمه‌لر وزیری، یوسف تکین معارف وزیری، فخرالدین کوجا ساغلیق‌نی سقلش وزیری، محمدنوری سیاحت و کلتور وزیری ایتیب تعینلنگنلر.
تورکیه دولتی نینگ ۱۸ کیشی‌لیگ ینگی کابینه‌سی ارا یالغیز بیر عیال (ماهی‌نور اوزدمیر گوکتاش) عایله و اجتماعی خذمت‌لر ایشلری بوییچه وزیر اوله‌راق ایتیب تعینلنگن.
بیزلرنینگ توییترده هم تعقیب قیلینگ!
رجب طیب اردوغان، اوتگن کونی اوچینچی مراتبه تورکیه جمهور باشلیغی اوله‌راق، مذکور مملکت نینگ پارلمانی عمومی ییغیلیشیده وفادارلیک قسم یادله‌دی.
ایتیش کیره‌ک که، جناب اردوغان میلادی ۲۰۰۳_ییل دن ۲۰۱۴_ییل گه قدر تورکیه باش وزیری و ایکی دوره جمهور باشلیغ صفتیده وظیفه بجریب کیلگن.
