بوگون “سه‌شنبه” سمنگان ولایتیده برشنا شرکتی نینگ ایشلاوچی‌لری حقوقلری توللنمه‌گنی سبب، اعتراض بیلدیرگنلر. اعتراضچیلر «برشنا ایشلاوچی‌لری نینگ معاش‌لری بیریلسین» شعاری بیلن ۳ آی دن بویان معاش آلمه‌گن‌لرینی ایتگنلر.
سمنگان ولایتیده برشنا شرکتی نینگ اداری بولیمی ایشلاوچی‌سی نجیب نینگ ایتیشیچه، بو اداره ایشلاوچی‌لریدن کوپراغی دکاندارلردن قرضدار دیر و ۳ آی دن بویان معاش آلمه‌گنلر.
بیزلرنینگ فیسبوک صحیفه‌میزگه باش اورینگ!
اوشبو اداره ایشلاوچی‌لریدن باشقه بیری رسا نینگ ایتیشیچه، قیش موسومی ییتیب کیلماقده و دستلبکی ماده‌لر بهاسی یوقاری کیتگن، لیکن اولرنینگ حقوقلری توللنمه‌یدی.
شونینگدیک، برشنا شرکتی ایشلاوچی‌لریدن باشقه بیری خان‌علی نینگ ایتیشیچه، فرزندی کسل دیر و درمان‌لش اوچون پولی یوق. او، اسلامی امارت مسوول‌لریدن حقوقلری بیریلیشی‌نی سوره‌یدی.
اعتراضچی‌لرنینگ آگاه‌لنتیریش‌لریچه، حقوقلری توللنمه‌گن صورتده، ایش اعتصابی‌گه قول اوره‌دیلر.
اولرنینگ ایتیش‌لریچه، نیچه مرته رسمی ییغین و مکتوب آرقه‌لی، حقوقلری نینگ توللنیشی‌نی ایسته‌گنلر، لیکن مسوول‌لر، مرکزی دفتر سرنوشتی بیللی بولمهگن صورتده، حقوقلری بیرلمسلیگی‌نی بیلدیرگنلر.