ننگرهار ساغلیق مسئوللری نینگ ایتیش‌لریچه، بوگون (دوشنبه، ۱۴-سنبله) ایرتنگ چاغی یوز بیرگن زلزله عاقبتیده یره‌لنگن ۳۰ کیشی، اوشبو ولایت مرکزی جلال‌آباد حوزوی کسل‌خانه‌سی گه انتقال تاپگن.
جلال‌آباد حوزوی کسل‌خانه سوزلاوچیسی گل‌زاده سنگر نینگ سلاموطندار گه ایتیشیچه، مذکور زلزله‌ده یره‌لنگن ۳۰ کیشی درمان اوچون اوشبو کسل‌خانه گه انتقال بیریلگن که یره‌دارلر آره‌سیده ۴ عیال هم شامل دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، یره‌دارلردن ۲۴ ته‌سی درمان‌دن کیین مرخص بولگن؛ بیراق اولردن ۶ ته‌سی حاضرگچه درمان آستیده قرار تاپگنلر دیر.
یره‌دارلردن کوپ قطاری نی ننگرهار بیلیم یورت طلبه‌لری تشکیل بیره‌دی که زلزله‌دن قورقیش باعث، اوزلری نی کلکین‌دن تشلب و یره‌لنگنلر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، بوگون ایرتنگ چاغی یوز بیرگن زلزله نتیجه‌سیده، شونینگدیک کنر ولایتی نورگل تومنیده ۱۵ کیشی هلاک و یره‌لنگن و کنر ولایتی نینگ چوکی تومنیده هم یشش اویلردن قطاری تخریب بولگن دیر.
