کیریش
اوشبو سوراو افغانستاننینگ ۳۰ ولایتیدن ۱۰۲۰ دهقان اشتراکیده اوتکزیلیب، مملکتنینگ قیشلاقلیک حدودلریده قورغاقچیلیکنینگ تیریکچیلیک، آزیق-آوقت خوفسیزلیگی و اجتماعی برقرارلیککه کینگ کولملی تاثیرینی انیق و آگاهلنتیرووچی طرزده عکس ایتیرهدی. مذکور سوراودن قولگه کیلگن معلوماتلرگه کوره، قورغاقچیلیک یالغیز اقلیمی قیینچیلیک ایمس، بلکیم مملکتنینگ ایکینچیلیک حیاتینی تهدید قیلووچی، اقتصادی، اجتماعی و ایکولوژیک عاقبتلرگه ایگه بولگن نیچه قتلملی انقراض دیر.
اساسی تاپیلمهلر:
- دهقانلردن ۸۰ فایزدن آرتیغی قورغاقچیلیکنینگ مستقیم تاثیرینی گزارش بیرگن.
- ۹۰ فایز تاثیرلرنینگ کوچهیشی حقیده خواطر بیلدیرگن.
- ایکینزارلردن ۹۱ فایزی حاصللر کمهیشی یا-ده بوتونلی قوروقچیلیک بیلن روپهره بولگن.
- عایلهلردن ۷۰ فایزدن آرتیغی درآمدلرینینگ جدی شکلده کمهیشی بیلن روپهره بولیشگن.
- سوو منبعلریدن ۷۰ فایزدن آرتیغی کمهیب یا-ده قوریگن.
سوراو مقصدلری
عمومی هدف: افغانستان دهقانلریگه قورغاقچیلیکنینگ کینگ قمراولی تاثیرینی تیکشیریش و اونگه قرشی کورهش یوللرینی انیقلش.
اختصاصی مقصدلر:
- قورغاقچیلیکدن دهقانلرنینگ تاثیر کوریش درجهسینی اولچش؛
- بحرانی ولایتلر و منطقهلرنی انیقلش؛
- اقتصادی و اجتماعی عاقبتلرینی بهالش؛
- دهقانلرنینگ ماسلشوو اقداملرینی تیکشیریش؛
- سیاستی توصیهلرنی بیریش؛
تدقیقات اصوللری
تدقیقات دایرهسیدهگی کیشیلر: افغانستاننینگ ۳۰ ولایتیدهگی فعال دهقانلردن برچهسی
نمونه آلیش اصولی: نیچه باسقیچلی نمونه آلیش
- بیرینچی باسقیچ: ایکینچیلیک اهمیتی اساسیده ولایتلرنی تنلش
- ایکینچی باسقیچ: هر بیر ولایتده نمونه شکلده تومنلرنی تنلش
- اوچینچی باسقیچ: هر بولیمده دهقانلرنی تصادفی تنلش
نمونه حجمی:
- عملگه آشیریلگن نمونه: ۱۰۲۰ دهقان
معلومات ییغیش واسطهلری
توزیلگن سوراونامه قوییدهگیلردن عبارت دیر:
- دموگرافیک خصوصیتلری (۵ سوراق)
- قورغاقچیلیک تاثیرلری (۸ سوراق)
- اقتصادی عاقبتلری (۶ سوراق)
- ماسلشوو اقداملر (۷ سوراق)
- حمایتلردن فایدهلنیش (۴ سوراق)
تدقیقات مدتی: ۲۰۲۵-ییل، اپریل دن اگست آییگچه
نشر وقتی: ۱۴۰۴-ییل، اسد آیی
قورغاقچیلیک تعریفی: ایکینچیلیک محصوللرینینگ سیزیلرلی درجهده کمهیشیگه سبب بولهدیگن، یاغینگرچیلیکنینگ سیزیلرلی درجهده کمهیشی، سطحی سوو منبعلرینینگ قوریشی و ییر آستی سوولر سطحی کمهیشیگه قورغاقچیلیک دییلهدی.
تدقیقات چیکلاولری
- جغرافیایی موقعیت و وقت چیکلاولری سبب اوزاق منطقهلردن بیر قطاریگه آزارق قول تاپیش؛
- مکمل تاریخی معلوماتلرگه ایگه بولمسلیک؛
- برچه تومنلرنی تولیق قمرهب آلیش اوچون منبعلر بوییچه چیکلاولر؛
- برچه منطقهلر اوچون انیق اقلیمی معلوماتلرینینگ یوقلیگی؛
افغانستان دهگی قورغاقچیلیک سوراویدن کینگ قمراولی خلاصه
سوراو خلاصهسی
مذکور سوراو افغانستاننینگ ۳۰ ولایتیدن ۱۰۲۰ دهقان اشتراکیده اوتکزیلیب، مملکتنینگ قیشلاقلیک حدودلریده قورغاقچیلیکنینگ تیریکچیلیک، آزیق-آوقت خوفسیزلیگی و اجتماعی برقرارلیککه کینگ کولملی تاثیرینی انیق و آگاهلنتیرووچی طرزده عکس ایتیرهدی. قولگه کیلگن معلوماتلرگه کوره، قورغاقچیلیک یالغیز اقلیمی قیینچیلیک ایمس، بلکیم مملکتنینگ ایکینچیلیک حیاتینی تهدید قیلووچی، اقتصادی، اجتماعی و ایکولوژیک عاقبتلرگه ایگه بولگن نیچه قتلملی انقراض دیر.
اساسی تاپیلمهلر:
دهقانلردن ۸۰ فایزدن آرتیغی قورغاقچیلیکنینگ مستقیم تاثیرینی گزارش بیرگن و ۹۰ فایز، تاثیرلرینینگ کوچهیشی حقیده خواطر بیلدیرگن. اینگ کوپ زیاننی مملکتنینگ اصلی محصولی بولگن بوغدای کوریب و ایکینزارلردن ۹۱ فایزی حاصللر کمهیشی یا-ده بوتونلی قوروقچیلیک بیلن روپهره بولگن.
بو انقراضنینگ اقتصای عاقبتلری چقور دیر؛ عایلهلردن یریمیدن آرتیغی درآمدنینگ جدی شکلده کمهیشی و قریب تورتدن بیری ایسه درآمدلرینینگ بوتونلی کیسیلیشی بیلن دوچ بولگن. شونینگدیک سوو کملیگی انقراضی هم تورلیخیل قیینچیلیکنی یرهتگن که، سوو منبعلریدن ۷۰ فایزی کمهیب یا-ده قوریگن و اینگ کوپ زیاننی سووغاریلهدیگن ییرلر کورگن.
ولایتلرهگی تیکشیروولرگه کوره، بادغیس، لوگر و قندوز ولایتلری فوقالعاده آغیر انقراض وضعیتی، فاریاب و میدانوردک آغیر سطح و بدخشان ایسه آزراق زیان کورگن ولایتلر آرهسیده دیر. جغرافیایی نقطهی نظریدن، مرکزی ولایتلر یوقاری مهاجرت و ییرنینگ قوریشی، شمالی ولایتلر تولید کمهیشی و شرقی ولایتلر ایسه آز عکسالعمللر بیلن روپهره دیر.
بو بحران گه جواب اولهراق، یالغیز دهقانلردن قطاری قودوق قازیش و محصول تورینی اوزگرتیریش کبی اقداملرنی قولگه آلگنلر. کابل کوپینچه ایجابی اقداملرنی ثبت قیلگن؛ بیراق تخار هیچ قندهی چاره-تدبیر کوریلمهگن ولایت دیر. دهقانلردن یریمی هیچ قندهی یاردم قولگه کیلتیرمهی و قالگن باشقه یریمی ایسه کیرهکلی تعلیملرنی آلمهگنلر.
اوشبو سوراو، آستقورمهلر، حمایتی، تعلیمی و ماسلشوو بولیملریده مکمل و شاشلینچ اقداملر کیرهکلیگیگه تاکید قیلهدی. فایدهلی ریجهلشتیریش بولمهگنی صورتده، قورغاقچیلیک افغانستاننینگ ایکینچیلک و آزیق-آوقت خوفسیزلیگیده آلدی آلینمهیدیگن بحرانگه اوزگریشی ممکن.
افغانستان ده قورغاقچیلیکنینگ عمومی منظرهسی
گزارش خلاصهسی
سونگی ییللرده قورغاقچیلیک افغانستاننینگ اینگ جدی اقلیم انقراضلریدن بیری صفتیده، دهقانلرنینگ حیاتیگه چقور تاثیر کورستگن. اوشبو سوراو مملکت ۳۰ ولایتیده ۱۰۲۰ دهقان اشتراکیده اوتکزیلیب، مذکور واقعهنینگ اقتصادی، اجتماعی و ایکولوژیک جهتلری حقیده انیق و خواطرلی تصویرنی بیرهدی.
جواب بیرگنلردن کوپینچهسینی ایرککلر تشکیل بیریب؛ بیراق عیاللرنینگ ۱۹٪ حضوری، اولرنینگ گرچند آز بولگنی بیلن، ایکینچیلیکده فعال حصه قوشیشلرینی کورستهدی. اینگ کته یاش گروهی-۲۰ دن ۲۵ یاشگچه بولگن یاشلر- نینگ ایکینچیلیک بیلن شغللنیشی مملکتدهگی یاشلر آرهسیده کینگ ترقهلگنلیگینی کورستهدی و اوشبو نسلنینگ تیریکچیلیگی همده کیلهجگی مستقیم شکلده اقلیمی اوزگریشلرگه باغلیق دیر.
دهقانلردن ۸۰ فایزدن آرتیغی ییرلر و محصوللریگه مستقیم شکلده قورغاقچیلیکنینگ سلبی تاثیرینی گزارش بیرگنلر. مذکور تاثیرنینگ کوچلی بولگنی سبب اولردن قریب ۹۰ فایزی، محصوللرینینگ جدی شکلده زیان کورگنی یا-ده کمهیگنینی بیان قیلگنلر. بو آرهده، بوغدای افغانستانلیک عایلهلرنینگ اصلی آوقتی صفتیده، ۵۵.۵٪ زیان بیلن اینگ کوپ ضررنی کورگن که بو موضوع کینگ کولملی آزیق-اوقت خوفسیزلیگی عاقبتلریگه سبب بولهدی.
انقراضنینگ اقتصادی بولیملری هم جودهیم سیزیلرلی دیر. عایلهلردن ۷۰ فایزدن آرتیغیده، درآمدنینگ کیسکین کمهیشی یا-ده بوتونلی کیسیلیشی، دهقانلر تیریکچیلیگی شرایطلرینینگ توزیلمهسیدهگی قشاقلیک و ضعیفلشوونی کورستهدی. بو وضعیت چاروهلرنینگ قولدن بیریش یا-ده جبری مهاجرت یانیده، مملکت قیشلاقلرینینگ اقتصادی و انسانی صلاحیتلرینی استه-سیکین یوقالیشی حقیده تولیق تصویر بیرهدی.
زراعتی آستقورمهلر بولیمیده، دهقانلردن کوپ قطاری سطحی سوو منبعلریگه تیگیشلی دیر؛ بیراق قریب ۷۰ فایزنینگ ایتیشیچه، اولرنینگ سوو منبعلری کمهیگن یا-ده بوتونلی شکلده قوریگن. برقرار بولمهگن منبعلریگه یوقاری درجهده تیگیشلی بولیش و سوودن فایدهلنیشنینگ جدی شکلده کمهیشی، دهقانلر کیلهجگینی باشقه وقت گه قرهگنده کوپراق تهدید قیلهدی.
بحران گه جواب اولهراق، یالغیز دهقانلردن بیر قطاری عملی چارهلر جملهدن قودوق قازیش، محصوللرنی اوزگرتیریش یا-ده ایشینی تغییر بیریش کبی تدبیرلرنی عملگه آشیره آلگن. اوچدن بیری هیچ قندهی چاره کورمهگن که بو ایسه، قشاقلیک، امیدسیزلیک یا-ده نهادلر آرقهلی حمایتلر یوقلیگی نشانهسی دیر.
بو تشلهب قوییلگنلیک حسی، جواب بیرگنلرنینگ ۷ فایزدن کمراغی فایدهلی یاردم آلگنی، اولردن یریمی هیچ قندهی یاردم آلمهگنی و قالگنلری ایسه فقط وعدهلردن باشقه هیچ نرسه ایشیتمهگنلیگینی کورستهدیگن تاپیلمهلر بیلن کوچهیهدی. بوندهی شرایطلر انسانلرنینگ عاجل نیازلری بیلن حکومت و خلقارا تشکیلاتلرنینگ جوابگرلیگی آرهسیده کته تفاوتنی یرهتهدی.
بولرگه علاوه، قورغاقچیلیک انقراضی مدیریت بولیشی توغریسیده دهقانلر آگاهیلیگینینگ کملیگی، زیانلر کمهیشی اوچون باشقه بیر توسیق دیر. دهقانلردن قریب یریمی بو توغریده هیچ قندهی تعلیم کورمهگنلر. بو حالت کینگ قمراولی تعلیمی و قوللب-قوتلاوچی دستورلرنی ایشلب چیقیش و عملگه آشیریش ضرورلیگینی تاکیدلهیدی.
یکونده، جواب بیرگنلر سووغاریش سیستملرینینگ زمانهویلشتیریش، تعلیم و مالی حمایت کبی ییچیملرنینگ اویغونلشتیریش ضرورلیگینی تاکیدلب، بحراننینگ نیچه قتلملی جهتلریدن انیق توشینگرلیکلرینی نمایان ایتشهدی. بو سوراودن قولگه کیلگن نتیجهلرگه کوره، قورغاقچیلیک بیلن قرشی کورهش، کینگ قمراولی، کوپ یونهلیشلی و محلی جماعهلرنینگ مستقیم اشتراکیگه اساسلنگن یاندهشوونی طلب قیلهدی؛ عکسی حالده، قشاقلیک، اجتماعی ثباتسیزلیک و ایچکی مهاجرتلر ینهده کینگهیهدی.
گزارش تفصیلاتی:
جواب بیرگنلرنینگ دموگرافیک خصوصیتلری:
اوشبو سوراو ۳۰ ولایتده ۱۰۲۰ دهقان آرهسیده اوتکزیلگن که جواب بیرگن ۱۰۲۰ کیشیدن، ۸۲۹ تهسی (۸۱ فایز) ایرکک و ۱۹۱ کیشی (۱۹فایز) عیال دیر. بو ایسه اشتراک قیلگن دهقانلرنینگ اکثریتی ایرکک ایکنلیگینی کورستهدی.
دهقانلر ۳۰ ولایتدن بو سوراو گه شرکت قیلگن. اولردن کوپینچهسی کابل (۱۵۱ کیشی)، بدخشان (۸۷ کیشی)، قندوز (۷۶ کیشی)، تخار (۷۳ کیشی) و بادغیس (۶۹ کیشی) دن ایکن. سرپل، زابل، دایکندی، بغلان و نیمروزدن ایسه، اوچدن کمراق کیشی شرکت قیلگن.
جواب بیرگنلردن کوپینچهسی ۲۰-۲۵ یاش (۲۹۸ کیشی، ۲۹ فایز) آرهسیده بولیب، کیین ۳۰-۳۵ یاش (۲۱۷ کیشی، ۲۱ فایز)، ۲۵-۳۰ یاش (۲۰۷ کیشی، ۲۰ فایز) و ۳۵ یاشدن یوقاری (۲۲۳ کشی، ۲۲ فایز) گروهلریده قرار تاپگن. بونگه کوره، ایکینچیلیک کوپراق یاشلر آرهسیده رواجلنگن.
ایکینچیلیک توغریسیده قورغاقچیلیک تاثیری
جواب بیرگنلردن ۸۱ فایزدن آرتیغی، سونگی بیر-ایکی ییلده قورغاقچیلیک ایکینچیلیک محصوللریگه تاثیر قیلگنینی تصدیقلهگنلر. شرکت قیلگنلردن یالغیز ۱۹ فایزدن آزراغی، تاثیرینینگ کورمهگنلرینی ایتگنلر.
دهقانلردن قریب ۹۰ فایزینینگ ایتیشیچه، قورغاقچیلیک محصوللریگه جدی یا-ده بیراز کوپراق تاثیر قیلگن. فقط بیر فایزیگه کوره، تاثیرینی بیلمهگنلر.
قورغاقچیلیکنینگ مستقیم عاقبتلری
شرکت قیلگنلردن ۹۱ فایزی، قوروقچیلیک طفیلی ایکینچیلیک ییرلرینینگ قوریگنی و حاصللری کمهیگنیدن خبر بیریب و قالگن ۹ فایزیگه کوره، قوروقچیلیک سبب چاروهلرینی قولدن بیریب یا-ده منطقهلریدن کوچیشگه مجبور بولگنلر.
مذکور سوراو ده اینگ خواطرلنتیرووچی معلومات، بوغداینینگ ۵۵.۵ فایزدن کوپراق زیان کورگنی دیر؛ چونکه بوغدای افغانستان ده اساسی آوقتلنیش مادهسی دیر. میوه و سبزهوات هم کیینگی بولیمده ترتیبگه قرار تاپهدی.
قورغاقچیلیک جدی بیر شکلده عایلهلر اقتصادیگه اثر قویگن. ۵۶.۴ فایزنینگ درآمدی جدی شکلده کمهیب و ۱۸.۵ فایزنینگ درآمدی مکمل شکلده کیسیلگن. یالغیز ۴.۶ فایزنینگ ایتیشیچه، اونچهلیک تاثیرنی حس قیلمهگنلر. بو معلوماتلر قورغاقچیلیک طفیلی کینگ شکلده قشاقلیکنی عکس ایتیرهدی.
ییر توری و اونینگ جبرلنیشی
دهقانلردن قریب یریمی (۴۸.۱ فایز) سووغاریلیش ییرلرگه ایگه دیر؛ شوندهی بیرحالده، ۳۷.۱ فایزنینگ سووغاریلیش و للمی ییرلری بولیب و یالغیز ۱۴.۷ فایز ایسه فقط للمی ایکیشگه تیگیشلی دیر.
جواب بیرگنلردن (۴۵.۵ فایز)، اینگ کوپ زیاننینگ سووغاریلیش ییرلری حاصلاتیدن کورگنینی بیلدیرگنلر. شوندهی بیرحالده، اولردن اوچدن بیر قسمی (۳۲.۴ فایز)، هر ایکی توردهگی ییرلرنینگ ضرر کورگنینی بیان قیلگنلر.
سووغاریش اوچون سوو اوزگریشلری و منبعلر
شرکت قیلگنلردن یریمیدن آرتیغی (۵۱.۴ فایز)، سطحی سوولرگه تیگیشلی دیر که شوندهی بیرحالده، ۲۵.۸ فایز چقور و یریم چقور بولگن قودوقلردن فایدهلنهدی و یالغیز ۱۷فایز ایسه یامغیر سوولریگه قناعتلری بار.
قریب ۷۰ فایزنینگ گزارش بیریشیچه، سووغاریش منبعلری جدی شکلده کمهیب یا-ده بوتونلی شکلده قوریگن.
جواب بیرگنلرنینگ عکسالعمللری و اقداملری
جواب بیرگنلردن ۳۷.۵ فایزی قودوق قازیشگه یوز کیلتیرگنلر. باشقه اوچدن بیر قسمی ایسه احتمالی شکلده مالی امکانیت یا-ده آگاهیلیکلری یوقلیگی طفیلی هیچ قندهی چاره-تدبیر کورمهگن. محصول تورینی اوزگرتیریش و ایش ساحهسینی تغییر بیریش هم عکسالعمللردن باشقه بیری بولگن.
جواب بیرگنلر قریب یریمی هیچ قندهی یادم قولگه کیلتیرمهگنلر. ۲۲.۷ فایز بینتیجه وعدهلردن خبر بیریب و یالغیز ۶.۴ فایز فایدهلی یاردملردن فایدهلنگنلر. بو وضعیت، نیازلر و مسئول نهادلر جوابی آرهسیده چقور نامتناسبلیکنی افادهلهیدی.
۴۸ فایزدن آرتیق کیشینینگ ایتیشیچه، بو توغریده هیچ قندهی تعلیم کورمهگنلر. یالغیز ۷.۳ فایز تعلیم کوریب و قریب ۴۴ فایز فقط نسبی شکلده یا-ده ییتکرمهلر آرقهلی آگاهیلیک آلگنلر. بو موضوع تعلیمی برنامهلر کیرهکلیگیگه تاکیدلهیدی.
قورغاقچیلیک اثرلری کمهیشی اوچون پیشنهادی ییچیملر
شرکت قیلگنلردن یریمدن آرتیغی (۸۵ فایزی)، پیشنهاد بولگن ییچیملردن برچهسی (زمانهوی سووغاریش، تعلیم و مالی حمایت)نینگ عملگه آشیریلیشی نیاز بولگنیگه تاکید قیلگنلر. اوشبو جواب، اهالی تامانیدن انقراضنینگ جهتلری و نیچه قتلملی ییچیملر نیازلیگینینگ دقیق درک بولگنینی کورستهدی.
ولایتلرنی مقایسهلش؛ اولویتلرنی تانیش
مذکور سوراوده مملکتنینگ تورلی زونلریگه منسوب بولگن ۱۱ ته ولایت، هر بیری ۴۵ دن ۲۰۰گچه اشتراکچیگه ایگه بولیب و مقایسهای شکلده تیکشیریلگن. اوشبو ولایتلر بادغیس، لوگر، قندوز، فاریاب، میدانوردک، بلخ، هرات، کابل، کاپیسا، تخار و بدخشان دن عبارت دیر. بادغیس ۹۷ فایز تاثیرلنیش و ۹۹ فایز یوقاری شدت بیلن اینگ کوپ زیان کورگن که شوندهی بیرحالده، بدخشان ۶۷ فایز تاثیرلنیش بیلن اینگ آز زیان نی تجربه قیلگن.
- بادغیس اینگ انقراضلی ولایت صفتیده بیللی بولگن؛
- کابل اینگ یوقاری ماسلشوو ظرفیتیگه ایگه؛
- تخار اینگ یوقاری حرکتسیزلیک درجهسیگه ایگه؛
قورغاقچیلیکنینگ کوچی و کینگلیگی
سوراو نتیجهسیگه کوره، بادغیس ۹۷ فایز تاثیرلنیش بیلن جبرلنگن ولایتلر رویخطینینگ بیرینچی اورنیده بولیب و انقراضلی وضعیتگه دیر. لوگر ۹۴.۱۲ فایز و قندوز ۹۲ فایز بیلن کیینگی اورینلرده جایلشیب، یوقاری درجهدهگی قورغاقچیلیک بیلن روپهره دیر. اونینگ برابریده بدخشان ایسه ۶۷ فایز بیلن، اینگ آز تاثیرلنگنینی گزارش بیرگن. توپلم شکلده مذکور ولایتلرده قورغاقچیلیکدن تاثیرینینگ اورتهچهسی ۸۳.۹۹ فایز بولیب، مملکت بویلب انقراضنینگ کینگلیگینی کورستهدی. تاثیرلنیش میزانینینگ اینگ یوقاری و اینگ قویی آرهسیدهگی ۳۰ فایزلیک فاصله، قورغاقچیلیکنینگ نامتناسب تقسیملنیشینی تاکیدلهیدی.
قورغاقچیلیک تاثیرینینگ کوچی بوییچه اینگ یوقاری میزان بادغیس و کابل گه تیگیشلی گزارش بیریلیب، ۹۹ فایز ایکن که شوندهی بیرحالده، کاپیسا ایسه ۴۵ فایز بیلن اینگ کم تاثیر کوچینی کورستهدی. سوراو قیلینگن ۱۱ ولایتدن ۸ تهسیده دهقانلردن ۸۵ فایزدن آرتیغی قورغاقچیلیکنینگ یوقاری درجهسیدهگی تاثیرینی بیلدیرگن؛ بو ایسه نسبتا کم تاثیر کورستگن حدودلرده هم قورغاقچیلیکنینگ چقور و جدی عاقبتلرینی کورستهدی.
ایکینچیلیک و اقتصادی عاقبتلری
قورغاقچیلیکنینگ اصلی عاقبتلریدن بیری، ایکینچیلیک حاصللری کمهیشی بولگن. بلخ ۷۰.۲۱ فایز بیلن، عمومی تاثیر کوریش درجهسی کمراق بولسهده، اینگ کوپ کمهیشنی گزارش بیرگن. بادغیس ۶۴ فایز بیلن ایکینچی بولیم قرار تاپیب و لوگر ۲۰.۹ فایز بیلن، اینگ آز کمهیش نی کورستهدی. اوشبو نتیجهلرگه کوره، حاصللر کمهیشی یالغیز تاثیرلنیش درجهسیگه تیگیشلی بولمهی، ایکیش توری و محلی عامللری تعیین قیلووچی اورینگه ایگه دیر.
ایکینچیلیک ییرلرنینگ قوریشی بولیمیده، لوگر ۶۲.۶۹ فایز بیلن باشده قرار تاپگن. میدانوردک ۵۴.۹ فایز و کابل ۵۳.۶ فایز بیلن ایکینچیلیک ییرلریدن یریمیدن آرتیغی قوریگن. اونینگ برابریده، بلخ ۲۱.۲۸ فایز بیلن ییر قوریشی میزانینینگ کمراق بولگنی گزارش بیریلگن. بو معلوماتلرگه قرهگنده، مرکزی ولایتلرده ییرلرنینگ قوریشی اصلی قیینچیلیک دیر؛ شوندهی بیرحالده، مملکت شمالیده حاصللر کمهیشی غالب قیینچیلیک حسابلنهدی.
باشقه بیر تاماندن، ولایتلردن قطاریده قورغاقچیلیک مهاجرت درجهسی کوپهیگنی گه سبب بولگن. میدانوردک ۱۷.۶۵ فایز و لوگر ۱۶.۴۲ فایز بیلن، قورغاقچیلیک طفیلی اینگ یوقاری مهاجرت درجهسیگه ایگه دیر. شونینگدیک هرات ۹.۶۸ فایز و قندوز ۸ فایز بیلن، بو مسئلهنینگ اورته سطحده بولگنی گزارش بیریلگن. اساسا مهاجرتلر مرکزی ولایتلرده یوز بیریب، بو حالت کوپ احتمال بیلن شهر مرکزلریگه یقینلیک و ییرلشیش امکانیتلریدن فایدهلنیشگه باغلیق دیر.
جبرلنیش و ایکیش توری
ایکینچیلیک ییرلرینینگ تورلری تیکشیریشیگه کوره، کابل ۸۳.۴۶ فایز بیلن سووغاریلیش ییرلرگه کوپراق تیگیشلی دیر. بدخشان ۳۹ فایز للمی ایکین غالبیتی بیلن یگانه ولایت دیر که شوندهی بیرحالده، تخار و فاریاب کبی ولایتلرده، سووغاریلیش و للمی بوییچه ترکیبی ایکیلیش نمونهسی موازنتلی کوریلهدی.
ایکیش توری اساسیده، جبرلنیش میزانی توغریسیدهگی معلوماتلر گه کوره، ولایتلردن برچهسیده سووغاریلیش ییرلر زیان کورووچیراق دیر. کابل ده ۸۰.۹۵ فایز سووغاریلیش ییرلر زیان کورگن. حتا للمی ایکیش غالب بولگن بدخشان ده ییرلردن ۵۷ فایزی زیان کورگن. بو حالت ایکیلیشنینگ تورلریدن برچهسیده وضعیتنینگ یامانراق بولگنینی کورستهدی.
سوو منبعلری و اوزگریشلر
سوو منبعلریگه تیگیشلی بولیش بولیمیده، بادغیس و فاریاب ولایتلری کوپراق یامغیر گه تَینهدی که بو حالده، تخار و کاپیسا اساساً سطحی سوولردن فایدهلنهدی. شونینگدیک لوگر و هرات هم چقور قودوقلردن فایدهلنیشگه یوز کیلتیرگن.
سوو منبعلری کمهیشی خصوصیده اینگ کوپ کمهیش (۸۰دن آرتیق فایز) قندوز و بدخشان ده گزارش بیریلگن. شونینگدیک کابل ۷۹/۲ فایز بیلن خواطرلنتیرووچی وضعیتده قرار تاپگن. فقط لوگر ۷۵ فایزدن کمراق سوو منبعلری کمهیشی میزانینی گزارش بیرگن. بو معلوماتلرگه کوره، سوو منبعلری کمهیشی قیینچیلیگی عمومی قیینچیلیک لیکن فرقلی شدت بیلن دیر.
ماسلشوو و قرشی کورهش چاره-تدبیرلر
قورغاقچیلیک بیلن قرشی کورهش اوچون ولایتلردن قطاری ینگی قودوق قازی کبی چاره-تدبیرلرنی قولگه آلگنلر. کابل ۸۴ فایز بیلن اینگ کوپ حرکتنی قیلگن که، بلخ ۵۹.۵۷ فایز و هرات ۵۴.۸۴ فایز بیلن اورته سطح و بادغیس ایسه ۲۶ فایز بیلن، اینگ کمراق اقدام سطحیده بولگنینی کورستگن.
ایکینچیلیک محصول تورینی تغییر بیریش توغریسیده، لوگر ۵۶.۹۲ فایز و میدانوردک ۵۳.۸۵ فایز بیلن ینگی شرایطلرگه اینگ یوقاری درجهده ماسلشگن. تخار ۱۹.۳۰ فایز و بادغیس ۱۷ فایز بیلن اینگ آز درجهده اوزگریشنی گزارش بیرگن.
بو بولیمده خواطرلنتیرووچی نکته، ولایتلردن قطاریده هیچ قندهی چاره کوریلمهگنلیک درجهسی دیر. تخار ۶۱.۴۰ فایز، کاپیسا ۵۷.۵۰ فایز و بدخشان ایسه ۴۸ فایز بیلن ماسلشوو چارهلرینی عموما کورمهگن ولایتلر اورتهسیده باش اورینده قرار تاپگن. بو موضوع مملکتنینگ شرقی ولایتلریدن عاجل شکلده حمایت بولیشیگه نیاز بولگنینی بیللی قیلهدی.
چقور شکلده نظر؛ سوراوگه اینگ یوقاری اشتراک درجهسیگه ایگه بولگن ولایتلرنینگ تفصیلاتی.
بادغیس
- قورغاقچیلیک تاثیری: اینگ کوپ جواب بیرگنلر (۹۷ فایز)، محصوللریگه قورغاقچیلیکنینگ تاثیر قیلگنینی تصدیق قیلگنلر.
- ایکیش توری: دهقانلردن ۹۳ فایزی للمی یا-ده سووغاریش و للمی ییرلرگه ایگه بولیب؛ یالغیز ۷ فایزنینگ ایکینچیلیک ییری بوتونلی سووغاریلیش دیر.
- حاصللری زیانی: ۴۳ فایزنینگ ایتیشیچه، هر ایکی تورلی ییرلری زیان کوریب و ۵۰ فایز خاص شکلده للمی ییرلرگه اشاره قیلگنلر.
- تاثیر کوچی: ۹۹ فایزنینگ ایتیشیچه، قورغاقچیلیک «اینگ کوپ یا-ده کوپ» تاثیر قیلگن و یالغیز بیر کیشی اونینگ تاثیرینی «آز» دیگن.
- قورغاقچیلیک طفیلی قیینچیلیکلر: ۶۴ فایز حاصللری کمهیشیدن شکایت قیلیب و قریب ۲۸ فایز ایسه ییرلرنینگ قوریگنیدن گزارش بیرگن.
- سووغاریلیش منبعسی: دهقانلردن یریمی یامغیر سوویگه تیگیشلی بولیب و ۳۶ فایزی سطحی سوولر. قودوقلر اینگ آز رول گه ایگه دیر.
- سووغاریلیش منبعسی اوزگریشی: ۶۴ فایزنینگ ایتیشیچه، سوو منبعسی جدی شکلده کمهیب و ۲۰ فایزنینگ اعلام قیلیشیچه، منبعلری بوتونلی قوریگن.
- قورغاقچیلیک بیلن قرشی کورهش اقداملری: فقط قریب ۲۶ فایز قودوق قازیشگه اقدام قیلگنلر و شونینگدیک ۱۷ فایز محصوللری تورینی تغییر بیرگنلر.
بدخشان
- قورغاقچیلیک تاثیری: بدخشان ده دهقانلردن قریب ۶۷ فایزی قورغاقچیلیکنی فایدهلی دیگنلر؛ بیراق بادغیس گه نسبت آزراق فایزده زیان کورگن
- ایکیش توری: دهقانلردن ۴۴ فایزی هم سووغاریش ییر و هم للمی ییرگه ایگه دیر؛ یالغیز آبی ایکینچیلیک قریب ۱۷ فایزنی تشکیل بیرهدی.
- حاصللر زیانی: ۵۷ فایزنینگ ایتیشیچه، للمی حاصلاتی کوپراق زیان کروگن و ۲۱ فایز ایکی تورلی ییرنینگ زیان کورگنینی ایتگن.
- تاثیر کوچی: قریب ۵۵ فایز تاثیرنی «جوده کوپ» دیب؛ بیراق قریب ۱۰ فایزنینگ ایتیشیچه، تاثیری آز یا-ده هیچ تاثیر قیلمهگن.
- قورغاقچیلیک طفیلی قیینچیلیکلر: قریب ۵۰ فایزنینگ حاصللری کمهیگن و ۴۲ فایز ییرلرینینگ قوریگنینی ایتگن. شونینگدیک مهاجرت هم گزارش بیریلگن.
- سووغاریلیش منبعسی: یامغیر و سطحی سوولر، اصلی ایکی منبع دیر. قودوقلر رولی ۸ فایز بیلن نسبتاً آز دیر.
- سووغاریش منبعسی اوزگریشی: ۸۰ فایزدن آرتیق کیشینینگ ایتیشیچه، سوو منبعلری کمهیگن یا-ده قوریگن.
- قورغاقچیلیک بیلن قرشی کورهش اقداملری: دهقانلردن قریب یریمی (۴۸ فایز)، هیچ قندهی چاره-تدبیر کورمهگن. ۲۳ فایز ینگی قودوق قازیب و بیر قطاری هم ایش یا-ده محصولنی تغییر بیرگن.
بلخ
- ایکینچیلیک محصوللرگه قورغاقچیلیکنینگ تاثیری: دهقانلردن ۸۳.۶۴ فایزینینگ ایتیشیچه، اوتگن بیر-ایکی ییلده محصوللریگه قورغاقچیلیک تاثیر قیلگن که شوندهی حالده، فقط ۱۶.۳۶ فایز بو تاثیر نی حس قیلمهگن.
- ییرلرنینگ ایکیلیش توری: بلخ دهگی ایکینچیلیک ییرلردن کوپینچهسی (۶۱.۷۰ فایزی) آبی شکلده ایکیلهدی. فقط ۱۰.۶۴ فایز للمی بولیب و ۲۷.۶۶ فایزی ایکی تورده ایکیلهدی.
- قورغاقچیلیک طفیلی حاصلاتنینگ اینگ کوپ ضرری: دهقانلردن ۵۱.۰۶ فایزینینگ ایتیشیچه، اینگ کوپ زیاننی آبی محصوللری کورگن و ۲۵.۵۳ فایزگه کوره، هم آبی و همده للمی زیان کورگن.
- قورغاقچیلیک تاثیری درجهسی: جواب بیرگنلردن یریمدن آرتیغی (۵۱.۰۶ فایز)، قورغاقچیلیکنی «جوده کوپ» و ۴۴.۶۸ فایز اونی «بیراز کوپ» تاثیر قیلووچی دیگن.
- قورغاقچیلیک عاقبتلری: ۷۰.۲۱ فایز حاصلات کمهیشینی، اینگ اصلی قیینچیلیک دییگن. ۲۱.۲۸ فایز ایسه ییرلرنینگ قوریشی و ۸.۵۱ قایز هم چاروهلرینینگ قولدن بیرگنیگه اشاره قیلگن.
- ییرلرنینگ سووغاریش منبعسی: دخقانلردن کوپینچهسی اوچون سووغاریلیش اصلی منبعسی سطحی سوولر (۴۴.۶۸ فایز) و چقور و یریم چقور بولگن قودوقلر (۳۶.۱۷ فایز) ایکن.
- سونگی ییللرده سووغاریلیش منبعلرینینگ اوزگریشلری: دهقانلردن ۶۱ فایزدن آرتیغیگه کوره، اولرنینگ سوو منبعلری جدی شکلده کمهیگن و ۲۹.۷۹ فایزینینگ ایتیشیچه، بیراز کمهیگن.
- قورغاقچیلیک برابریده چاره-تدبیرلر: دهقانلردن ۵۹.۵۷ فایزی ینگی قودوقلرنی قازیش بیلن قورغاقچیلیککه قرشی کورهش اوچون سعیوحرکت قیلگن؛ بیراق ۲۳.۴۰ فایز ایسه هیچ قندهی چاره-تدبیر کورمهگن.
تخار
- ایکینچیلیک محصوللریگه قورغاقچیلیکنینگ تاثیری: دهقانلردن ۶۰ فایزی ایکینچیلیک محصوللریگه قورغاقچیلیکنینگ تاثیری نی تصدیق قیلگنلر؛ ۲۷.۴۰ فایزی ایسه تجربه قیلمهگن.
- ییرلرنینگ ایکیش توری: دهقانلردن ۵۶.۱۴ فایزی آبی و للمی ایکین ییرلریگه ایگه بولیب و ۲۶.۳۲ فایزینینگ ییری ایسه بوتونلی شکلده آبی دیر.
- قورغاقچیلیک سبب حاصللرگه ییتیشگن اینگ کوپ زیان: ۸۶ فایزنینگ ایتیشیچه، هم سووغاریش همده للمی حاصللری زیان کورگن. ۳۳.۹۳ فایز ایسه یالغیز للمی محصوللریگه اشاره قیلگنلر.
- قورغاقچیلیک تاثیری درجهسی: ۵۹ فایز قورغاقچیلیکنی جودهیم کوپ و ۴۶.۵۵ فایز ایسه بیراز کوپ دیگن. ۸.۶۲ فایز گه کوره، قورغاقچیلیکنینگ هیچ قندهی تاثیری یوق ایکن.
- قورغاقچیلیک عاقبتلری: حاصللر کمهیشی (۵۱.۷۲ فایز) و ییرلر قوریشی (۳۶.۲۱ فایز) اینگ اونملی قیینچیلیک گزارش بیریلگن. بیر قطار کیشی ایسه مهاجرت یا-ده چاروهلرینینگ قولدن بیریشگه اشاره قیلگن.
- ییرلرنینگ سووغاریلیش منبعسی: تخار دهگی دهقانلردن ۷۰.۱۸ فایزی اریق و دریا کبی سطحی سوولردن فایدهلنهدیلر. یالغیز ۱.۷۵ فایز ایسه چقور قودوقلردن فایدهلنهدی.
- سونگی ییللرده سووغاریلیش منبعلرینینگ اوزگریشلری: ۴۳.۸۶ فایزگه کوره، سوو منبعلری بیراز کمهیگن و ۳۶.۸۴ فایز هم جدی شکلده کمهیگنینی گزارش بیرگن. ۱۰.۵۳ فایزنینگ ایتیشیچه، منبعلری بوتونلی قوریگن.
- قورغاقچیلیک برابریده چاره-تدبیر: دهقانلردن یریمیدنآرتیغی (۶۱.۴۰ فایز)، قورغاقچیلیک برابریده هیچ قندهی تدبیر کورمهگن. فقط ۱۹.۳۰ فایز محصوللرینینگ تورینی تغییر بیریب و ۱۰.۵۳ فایز قودوق قازگن.
فاریاب
- ایکنچیلیک محصوللریگه قورغاقچیلیک تاثیری: فاریاب دهگی دهقانلردن ۹۱.۳۰ فایزی، اوتگن بیر-ایکی ییلده قورغاقچیلیکنینگ محصوللریگه تاثیر قیلگنی و یالغیز ۸.۷۰ فایزی اونینگ تجربه قیلمهگنی نی ایتگن.
- ییرلرگه ایکیش توری: جواب بیرگنلردن ۵۴.۳۵ فایزی، سووغاریش و للمی ییرلرگه ایگه دیر. للمی ییرلر ۲۶.۰۹ و سووغاریش ییرلر ایسه ۱۹.۵۷ فایزنی تشکیل بیرهدی.
- قورغاقچیلیک سبب حاصللرگه ییتیشگن اینگ کوپ زیان: ۴۵.۶۵ فایزنینگ ایتیشیچه، هر ایکی تورلی ییرلری زیان کورگن. للمی حاصللر ۲۳.۷۸ فایز و آبی حاصللر ۱۹.۵۷ فایز زیان کورگن.
- قورغاقچیلیک تاثیری درجهسی: قورغاقچیلیک فاریاب دهگی ۴۳.۴۸ فایز دهقان گه «جوده کوپ» و ۴۱.۳۰ فایز گه «بیراز کوپ» تاثیر قیلگن. فقط ۱۵.۲۲ فایز اونینگ تاثیرینی کمراق دیگن.
- قورغاقچیلیک عاقبتلری: گزارش بیریلگن اینگ کوپ عاقبت، حاصلات کمهیشی (۵۴.۳۵ فایز) و کیین ایکینچیلیک ییرلر قوریشی (۳۴.۷۸ فایز) دییلگن. بیر قطار کیشی هم مهاجرت یا-ده چاروهلرینینگ قولدن بیریش گه اشاره قیلگن.
- ییرلرنینگ سووغاریش منبعسی: یامغیز سووی و سطحی سوولردن هربیری ۳۷.۷۸ فایز دهقاننینگ اصلی منبعسی دیر. ۱۷.۷۸ فایز قودوقدن فایدهلنهدی و ۶.۶۷ فایزنینگ بیللی منبعسی یوق.
- سوو منبعلرینینگ تغییر بیریش: دهقانلردن قریب یریمی (۴۶.۶۷ فایزی) سوو منبعلرینینگ جدی شکلده کمهیگنینی گزارش بیرگن. ۳۱.۱۱ فایزگه کوره، منبعلری بوتونلی قوریگن.
- قورغاقچیلیک برابریده چاره-تدبیر: فاریاب ده ۳۵.۵۷ فایز هیچ قندهی چاره-تدبیر کوریلمهگن؛ بیراق ۳۳.۳۳ فایز قودوق قازیش و شونینگدیک بیر قطار ایش یا-ده محصول تورینی تغییر بیرگن.
کابل
- ایکینچیلیک محصوللرگه قورغاقچیلیک تاثیری: کابل ده دهقانلردن ۸۱.۴۶ فایز قورغاقچیلیک تاثیری نی تصدیقلهگن و ۱۸.۵۴ فایزی ایسه تاثیری بولمهگنی نی ایتگن.
- ییرلرگه ایکیش توری: کابل ده زراعتی ییرلردن کوپینچهسی (۸۳.۴۶ فایزی) آبی دیر و للمی ییرلر کوپ آز (۲.۳۶ فایز) و ترکیبی ایسه (۱۴.۱۷ فایز) گزارش بیریلگن.
- قارغاقچیلیک طفیلی حاصللرگه ییتیشگن اینگ کوپ زیان: اینگ کوپ زیان سوغاریلیش ییرلرگه تیگیشلی دیر (۸۰.۹۵ فایز). فقط للمی ییرلردن ۲.۳۸ فایزی زیان کوریب و ۱۶.۶۷ فایزنینگ ایتیشیچه، ایکی تور ییرهم زیان کورگن.
- قورغاقچیلیک تاثیری درجهسی: ۷۴.۴۰ فایز «جوده کوپ» و ۲۴.۸۰ فایزی «بیراز کوپ» دیگن. یالغیز ۰.۸۰ فایز «آز تاثیر» دیب گزارش بیرگن.
- قورغاقچیلیک عاقبتلری: کابل ده ۴۶.۴۰ فایز حاصلات کمهیگنی و ۵۳.۶۰ فایز ییرلر قوریگنی، کابل ده قورغاقچیلیک اصلی عاقبتلری دیر.
- ییرلرنینگ سووغاریلیش منبعسی: دهقانلردن کوپینچهسی ۶۰ فایز سطحی سوولر و ۳۶ فایز قودوق و یالغیز ۴ فایز یامغیز سوولرده فایدهلنگن.
- سوو منبعلریده تغییر: سوو منبعلری وضعیتی جدی شکلده انقراضلی دیر. ۵.۴۰ فایزنینگ ایتیشیچه، منبعلری بوتونلی قوریگن و ۲۸.۸۰ فایز ایسه جدی شکلده کمهیگنیدن گزارش بیرگن.
- قورغاقچیلیک برابریده چاره-تدبیر: دهقانلردن ۸۴ فایزی قودوق قازیب قورغاقچیلیک بیلن قرشی کورهشگن. آزراق فایز ایش و محصولنی اوزگرتیرگن و ۱۰.۴۰ فایز هیچ قندهی اقدام قیلمهگن.
لوگر
- ایکینچیلیک محصوللرگه قورغاقچیلیک تاثیری: دهقانلردن ۹۴.۱۲ فایزنینگ ایتیشیچه، قورغاقچیلیک محصوللریگه تاثیر قویگن و ۵.۸۸ فایز هیچ قندهی تاثیرنی حس قیلمهگن.
- ییرلرنینگ ایکیش توری: ۷۰.۱۵ فایز سووغاریش ییر دیر. ۲۶.۸۷ فایز سووغاریش و للمی ییر و فقط ۲.۹۹ فایز للمی دیر.
- قورغاقچیلیک طفیلی حاصللرگه ییتیشگن اینگ کوپ زیان: دهقانلردن ۶۰ فایزگه کوره، محصوللری «کوپ زیان» کورگن. ۲۹.۲۳ فایزنینگ ایتیشیچه، هر ایکی تور محصوللری زیان کورگن.
- قورغاقچیلیکنینگ تاثیری درجهسی: ۷۰.۱۵ فایز قورغاقچیلیک تاثیرینی «بیراز کوپ» و ۲۳.۸۷ فایز تاثیرینی «جوده کوپ» دیگن. فقط ۲.۹۹ فایز تاثیرینی آز دیگن.
- قورغاقچیلیک عاقبتلری: ایکینچیلیک ییرللرنینگ قوریشی (۶۲.۶۹ فایز) اینگ اونملی عاقبت دییلگن. حاصللر کمهیشی (۲۰.۹۰ فایز) و مهاجرت یا-ده یشش محلینی تغییر بیری (۱۶.۴۲ فایز) گزارش بیریلگن.
- ییرلرنینگ سووغاریش منبعسی: چقور یا-ده یریم چقور قودوقلر، ۵۴.۲۴ فایز دهقاننینگ اصلی منبعسی و ۳۷.۳۱ فایز سطحی سوولردن فایدهلنگن. فقط یامغیر سووی ۲.۹۹ فایزنینگ اصلی منبعسی ایکن.
- سوو منبعلریده تغییر: ۶۹ فایز سوو منبعلرینینگ جدی شکلده کمهیگنی و ۱۰.۴۵ فایز بوتونلی قوریگنینی ایتگن.
- قورغاقچیلیک برابریده چاره-تدبیر: دهقانلردن ۵۹.۹۲ فایز ایکینچیلیک محصوللری تورینی تغییر بیرگن. ۲۳.۰۸ فایز ایش و ۱۵.۳۸ فایز ینگی قودوق قازگن.
هرات
- ایکینچیلیک محصوللریگه قورغاقچیلیک تاثیری: دهقانلردن ۸۳.۳۳ فایزی قورغاقچیلیک تاثیرنی حس قیلگن و اولردن ۱۶.۶۷ فایزی تاثیرسیز دیگن.
- ییرلرنینگ ایکیش توری: هرات ده ترکیبی (سووغاریش و للمی) ایکیش کوپراق دیر (۴۶.۱۵ فایز). سووغاریش ییرلر ۴۳.۵۵ فایز و للمی ایسه یالغیز ۱۵.۳۸ فایز دیر.
- قورغاقچیلیک طفیلی حاصللرگه ییتیشگن اینگ کوپ زیان: آبی حاصللر (۴۱.۹۴ فایز) اینگ کوپ زیاننی کورگن؛ بیراق ۳۰.۶۵ فایزگه کوره، ایکی تور محصول زیان کورگن.
- قورغاقچیلیک تاثیری درجهسی: جواب بیرگنلردن ۶۱.۲۹ فایزی، قورغاقچیلیک تاثیری نی «بیراز کوپ» و ۳۲.۲۶ فایز ایسه «جوده کوپ» دیگن.
- قورغقچیلیک عاقبتلری: حاصللر کمهیشی (۵۶.۴۵ فایز) ایکن. ۳۳.۸۷ فایز ییرلر قوریشی و ۹.۶۸ فایز ایسه مهاجرتنی تجربه قیلگن.
- ییرلرنینگ سووغاریش منبعسی: دهقانلردن (۵۳.۲۳ فایز) چقور و یریم چقور قودوقلردن فایدهلنگن. سطحی سوو منبعلری ۳۲.۲۶ فایز و یامغیر ۱۲.۹۰ فایز دیر.
- سوو منبعلرینی تغییر بیریش: ۵۸.۰۶ فایز نینگ ایتیشیچه، سوو منبعلری جدی شکلده کمهیگن. ۱۴.۵۲ فایز سوو منبعلرینینگ بوتونلی کمهیگنینی ایتگن.
- قورغاقچیلیک برابریده چاره-تدبیر: هرات ده دهقانلردن ۵۴.۸۴ فایزی ینگی قودوق قازگن. یالغیز آز فایز ایشی یا-ده محصولی نی تغییر بیرگن و ۲۰.۹۷ فایز هیچ قندهی چاره-تدبیر کورمهگن.
میدانوردک
- ایکینچیلیک محصوللرگه قورغاقچیلیک تاثیری: دهقانلردن ۸۵.۲۵ فایزنینگ ایتیشیچه، قورغاقچیلیک محصوللری گه تاثیر قیلگن و ۱۴.۷۵ فایز بو کبی تاثیرنی تجربه قیلمهگن.
- ییرلرنینگ ایکیش توری: ۶۹.۲۳ فایز آبی ییرلر دیر و ۳۹.۷۷ فایز ترکیبی شکلده ایکیلهدی. للمی ییرلر توغریسیده یالغیز بیر شکلده معلومات ثبت بولمهگن.
- قورغاقچیلیک طفیلی حاصللرگه ییتیشگن اینگ کوپ زیان: اینگ کوپ زیاننی آبی ییرلر کورگن (۷۳.۰۸ فایز)، ۲۶.۹۲ فایزنینگ ایتیشیچه، هر ایکی تور محصول زیان کروگن.
- قورغاقچیلیک تاثیری درجهسی: ۷۴ فایزنینگ ایتیشیچه، قورغاقچیلیک تاثیری «بیراز کوپ دیر. ۱۶ فایز اونینگ «جوده کوپ» و ۱۰ فایز ایسه «آز» دیگن.
- قورغاقچیلیک عاقبتلری: ایکینچیلیک ییرلرنینگ قوریشی اینگ اونملی قیینچیلیک دییلگن (۵۴.۹۰ فایز). حاصلات کمهیشی ۲۸.۴۹ فایز و مهاجرت یا-ده یشش محلنی اوزگرتیریش ۱۷.۶۵ فایز دیر.
- ییرلرنینگ سووغاریش منبعسی: دهقانلردن ۵۴.۹۰ فایزی چقور یا-ده یریم چقور قودوقلردن فایدهلنگن و ۴۱.۱۸ فایز سطحی سوولر و فقط ۱.۹۶ فایز یامغیر یا-ده نابیللی منبعدن قوللنگن.
- سوو منبعلرینی تغییر بیریش: دهقانلردن ۵۷.۶۹ فایزی سوو منبعلرینینگ جدی کمهیگنیدن شکایت قیلگن. ۲۸.۸۳ فایز اورتهچه کمهیگنی و ۱۳.۴۶ فایز سوو منبعلرنینگ بوتونلی قوریگنیدن گزارش بیرگن.
- قورغاقچیلیک برابریده چاره-تدبیر: ۵۳.۸۵ فایز محصوللری تورینی تغییر بیرگن. ۲۱.۱۵ فایز ینگی قودوق قازگن . فقط ۷.۶۹ فایز هیچ قندهی چاره-تدبیر کورمهگن.
کاپیسا
- ایکینچیلیک محصوللریگه قورغاقچیلیک تاثیری: دهقانلردن ۷۶.۱۹ فایزینینگ ایتیشیچه، قوروقچیلیک تاثیر قیلگن. ۲۳.۸۱ فایز بو تاثیرنی حس قیلمهگن.
- ییرلرنینگ ایکیش توری: ییرلردن کوپینچهسی آبی دیر (۶۸.۲۹ فایز). للمی ییرلر ۱۲.۲۰ فایز و ترکیبی ییرلر ایسه ۱۹.۵۱ فایز گزارش بیریلگن.
- قورغاقچیلیک طفیلی حاصللرگه ییتیشگن اینگ کوپ زیان: ۶۲.۵۲ فایزنینگ ایتیشیچه، آبی حاصللر کوپراق زیان کورگن. ۲۲.۵۰ فایز هر ایکی تور محصولنینگ زیان کورگنینی ایتگن.
- قورغاقچیلیک تاثیری درجهسی: دهقانلردن ۴۰.۴۸ فایز تاثیرینی «بیراز کوپ» و ۴.۷۶ فایز اونینگ تاثیرینی «جوده کوپ» دیگن. ۱۱.۹۰ فایز تاثیرینی «آز» دیب گزارش بیرگن.
- قورغاقچیلیک عاقبتلری: اینگ اونملی عاقبتی حاصللر کمهیشی (۵۰ فایز) و ییرلر قوریشی (۴۵ فایز) ایکن. فقط ۵ فایز مهاجرت گه اشاره قیلگن.
- ییرلرنینگ سووغاریش منبعسی: دهقانلردن ۷۲.۵۰ فایز سطحی سوولر و ۱۵ فایز ایسه چقور و یریم چقور قودوقلردن فایدهلنهدی.
- سوو منبعلرینی تغییر بیریش: دهقانلردن ۷۰ فایزگه کوره، منبعلری جدی شکلده کمهیگن و ۷.۵۰ فایزنینگ ایتیشیچه، منبعلری بوتونلی قوریگن.
- قورغاقچیلیک برابریده چاره-تدبیرلر: کاپیساده ۵۷.۵۰ فایز قورغاقچیلیک برابریده تدبیر کوریلمهگن. فقط آز فایز ایش و محصول تورینی تغییر بیریش یا-ده قودوق قازیشگه یوز کیلتیرگن..
کندز
- ایکینچیلیک برابریده قورغاقچیلیک تاثیری: دهقانلردن ۹۲ فایزینینگ ایتیشیچه، قورغاقچیلیک محصوللریگه تاثیر قیلگن.
- ایکینچیلیک ییرلر توری: ییرلردن ۵۱ فایزی هم آبی و هم للمی دیر. آبی ۴۰ فایز و للمی یاغیز ۱۰ فایز دیر.
- زیان کورگن حاصللر: ۴۳ فایزنینگ ایتیشیچه، هر ایکی تور حاصل زیان کورگن. ۳۶ فایز آبی و ۲۰ فایز للمی.
- قورغاقچیلیک تاثیری کوچی: دهقانلردن ۵۵ فایزی تاثیرینی «بیراز کوپ» و ۳۲ فایز ایسه «جوده کوپ» دیگن.
- قورغاقچیلیک عاقبتلری: ۶۱ فایز حاصلات کمهیشینی تجربه قیلگن. ۲۴ فایز ییرلری قوریشی و ۸ فایز مهاجرت قیلگن.
- سوو منبعلری: ۷۴ فایز سطحی سوولردن فایدهلنگن. فقط ۸ فایز قودوققه ایگه دیر و ۵ فایزنینگ بیللی منبعسی یوق.
- سوو منبعلریده تغییر: ۸۴ فایزنینگ ایتیشیچه، سوو منبعلری کمهیگن یا-ده قوریگن.
- قورغاقچیلیک برابریده چاره-تدبیر: ۳۶ فایز هیچ چاره-تدبیر کورمهگن. ۳۶ فایز ینگی قودوق قازگن و ۲۱ فایز محصول تورینی تغییر بیرگن.
نهایی نتیجه
افغانستاننینگ ۳۰ ولایتیدن ۱۰۲۰ دهقان اشتراکیده اوتکزیلگن قورغاقچیلیک بوییچه ملی سوراو نتیجهلری، قورغاقچیلیکنینگ ایکینچیلیک، تیریکچیلیک و اجتماعی برقرارلیککه نیچه قتلملی تاثیرینی کینگ قمراولی، انیق و آگاهلنتیرووچی طرزده ارائه قیلهدی. اوشبو سوراوگه کوره، قورغاقچیلیک عادی اقلیمی واقعه دایرهسیدن چیقیب، اقتصادی، اجتماعی و انسانی عاقبتلرگه ایگه ملی انقراضگه اَیلنگن.
دهقانلردن ۸۰ فایزدن آرتیغی، قورغاقچیلیکنینگ مستقیم تاثیرنی تجربه قیلیب و ۹۰دن آرتیق فایزی اونینگ یوقاری کوچینی گزارش بیرگن. افغانستان اهالیسیینگ اصلی قوتی صفیده بولگن بوغداینینگ استراتژیک محصولی، جدی زیان بیلن روپهره بولیب و آزیق-آوقت خوفسیزلیگی، قشاقلیک و درآمدنینگ جدی شکلده کمهیشی کبی عاقبتلر بیلن، ایکینچیلیک ییرلرنینگ خراب بولیشی و کینگ شکلده مهاجرت گه آلیب بارگن.
کینگ ضررلر یانیده، سوراو نتیجهلری گه قرهگنده، عکسالعمللر و حمایتلر ییترلی بولمهگن. دهقانلردن یریمیدن آرتیغی هیچ یاردم آلمهی و باشقه قریب یریمی قورغاقچیلیکنی مدیریت قیلیش توغریسیده هیچ قندهی تعلیم کورمهگن. ماسلشوو اقداملر قویی سطحده بولیب و انقراضگه قرشی کورهشده منطقهوی تینگسیزلیک هم بیللی شکلده کوریلهدی.
بو اساسده، افغانستان ده قورغاقچیلیک بیلن قرشی کورهش، کینگ قمراولی، بولیملر بیلن هماهنگلیک و اشتراکچیلیککه اساسلنگن یاندهشوو گه نیازی بار. سووغاریش سیستملرینی قیته توزهتیش، دهقانلردن مالی حمایت، برقرار سوو منبعلرینی رواجلنتیریش، ایکینچیلیک جمعیتیگه تعلیم بیریش و ایچکی و خلقارا نهادلر مشارکتی بیلن ملی هماهنگلیکنینگ اولویت گه بولیشی کیرهک.
عاجل، تیزیملی و مقصدلی ارهلشوو بولمهگنیده، قورغاقچیلیک افغانستاننینگ زراعت و آزیق-آوقت خوفسیزلیگی ساحهسیده کنترول بولمهیدیگن انقراضگه اَیلهنیشی ممکن.
