تخار ولایتیده‌گی ناتوغری عُرف و عادت‌لر و حددن تشری مهریه اوشبو ولایت یشاوچی‌لرینی غضب‌لنتیرگن.
تخار ولایتی یشاوچیلری نینگ ایتیش‌لریچه، اوشبو ولایتده‌گی نکاح مراسمی حاضرهم خُرافات بیلن اوتکزیله‌دی.
اوشبو کیشی‌لر گه کوره، مهریه یوقاری بولگنی باعث، عایله‌لر آره‌سیده زوروانلیک واقعه‌لری یوز بیره‌دی.
انه‌شوحالده تخار ولایتی حج و اوقاف ریاست‌لیگی هم اوشبو خصوص توغری سیده واکنش کورستیب، مقدس اسلام دینی ده یمان عُرف و عادت‌لر و نامناسب فرهنگ‌لر گه اورین یوق‌لیگی اوستیده تأکید ایته‌دی.
تخار ولایتی حج و اوقاف ریاست‌لیگی نینگ نشرات مسؤلی مولوی مخلص تالقانی سلام‌وطندار گه ایتیشیچه، دین عالم‌لری نیچه مرته مسجد مُنبرلری آرقه‌لی مهریه حقیده معلومات بیرگن‌لر، لیکن خلق دین عالم‌لر سوزی گه اهمیت بیرمه‌گن‌لر.
شو حاضرده تخار ولایتی ده مهریه اینگ آز ۵۰۰ مینگ افغانی بولگن و طوی نینگ باشقه خرجت‌لری بیلن ۱ میلیون افغانی طوی ده مصرف بوله‌دی.
