غور-کابل قتناوی یولیده قارگه بند قالگن یوللاوچیلردن قطاری نینگ سلام وطندار گه ایتیشلریچه، اولر بوگون ایرته‌لب‌دن حاضرگچه «بکک» کوتلی‌ده آغیر قار و بوران باعث بند قالیشگن و تیز یاردم گه محتاج‌لر.
اولر گه کوره، عیال‌لر، باله‌لر و کسل‌لر شامل سان‌لری ۸۰ کیشی دیر. قارگه بند قالگن مذکور یوللاوچیلر، اولر نینگ قوتقریش اوچون تیزلیک بیلن اقدام ایتیلمه‌گن تقدیرده، انسانی فاجعه یوز بیریشیدن آگاه لنتیره‌دیلر.
بیزلرنینگ توییترده هم تعقیب قیلینگ!
اوشبو یوللاوچیلردن قاسم احمدی و عبدالعزیز نینگ سلام وطندار گه ایتیشلریچه، اولر نیچه مراتبه مسئوللر صحبت قیلگن و اولر همکارلیک قیلیش وعده‌سینی بیرگن؛ لیکن حاضرگچه اولر قوتقریلمه‌گن.
عین‌حالده، غور معلومات و مدنیت ریاست آمری محمد حماس، اوشبو ولایت فواید عامه ریاستی مسئول‌لریدن نقل قیلیب ایتیشیچه، اوشبو یول هیداوچیلری مسئوللر بیلن هماهنگ بولمسدن کابل‌دن غور تامان حرکت قیلیب و «بکک» داوانی (کوتل) ده بند قالیشگن.
بیزلرنینگ فیسبوک صحیفه‌میزگه باش اورینگ!
غور معلومات و مدنیت ریاست آمری گه کوره، فواید عامه ریاستی نینگ تیم‌لری محل گه جونه‌تیلگن و مسافرلرنی قوتقریش مقصدیده یول‌نی آچیش اوچون سعی-حرکت قیلماقده‌لر.
بامیان ولایتی بیلن چیگره‌داش «بکک» داوانی هردایم قار و یامغیر یاغیشی باعث یوللاوچیلر و ترافیک یوزی گه یاپیله‌دی.
