چیگره‌سیز داکترلر تشکیلاتی، افغانستانده قیزه‌میق کسللیگی کوپه‌یشیدن خواطر بیلدیریب ایتیش‌لریچه، اوتگن نیچه آیده مذکور کسل‌لیککه چلینگن کیشی‌لر سانی کوپه‌یماقده دیر.
مذکور تشکیلات نینگ توییتر صحیفه‌سیده یازیشیچه، یالغیز هرات‌ده کونیده ۴۵ قیزه‌میق واقعه‌سی رویخط گه آلینه‌دی.
بیزلرنینگ فیسبوک صحیفه‌میزگه باش اورینگ!
چیگره‌سیز داکترلر نینگ کوپه‌یتیریش‌لریچه، کیچیک باله‌لر اینیقسه سوءتغذیه گه چیلینگن باله‌لر، قیزه‌میق کسللیگی برابریده حساس‌لر؛ چونکه اولرده کسل‌لیک نینگ شدتی کوپ دیر.
مذکور تشکیلات گه کوره، اوشبو کسل‌لیک تیز بیرشکلده یوقیشه‌دی و یالغیز واکسین بو کسل‌لیککه توسیق بولیشی ممکن.
بوندن آلدین، شونینگدیک دنیا ساغلیک تشکیلاتی افغانستانده قیزه‌میق کسللیگی نینگ کوپه‌یشیدن خواطر بیلدیرگن ایدی.
دنیا ساغلیک تشکیلاتی سوزلاوچیسی کریستین لند‌مایر، افغانستانده قیزه‌میق کوپه‌یگنی خصوصیده، یالغیز اوتگن میلادی آیده ۱۵۰دن آرتیق باله اوشبو مملکت‌ده جان بیرگنی نی ایتگن ایدی.
بیزلرنینگ توییترده هم تعقیب قیلینگ!
دنیا ساغلیک تشکیلاتی سوزلاوچیسی نینگ آگاه‌لنتیریب و اورغولشیچه، کیله‌جک هفته‌لرده اوشبو کسل‌لیک نینگ کوپه‌یشی ممکن.
گرچند عامه ساغلیک وزیرلیگی قیزه‌میق گه چلینگن کسل‌لر سانی نی اوشبو تشکیلات‌دن آز دیگن؛ بیراق تصدیق قیلیشیچه، اوشبو کسل‌لیک نتیجه‌سیده باله‌لر نینگ اولیم میزانی اوتمیش ییل‌لر گه قره‌گنده نظیری کوریلمه‌گن درجه‌ده کوپه‌یماقده دیر.
