بدخشان ایکینچیلیک، سووغاریش و چاروهچیلیک ریاستی، بیر قطار موسسهلر همکارلیگی بیلن محروم منطقهلرده برقرار درآمد قولگه کیلیش فرصتلری یرهتیلیشی مقصد، قیشلاق عیاللری آرهسیده تاووق ترقهتیش بیلن عایلهلر اقتصادی یخشیلنیشی و اولرنینگ خودکفالیگی اوچون امکانیت یرهتیلیشی خصوصیده سعیوحرکت قیلگن.
بدخشان ایکینچیلیک ریاستی چاروهچیلیک آمریتی سرپرستی و رواجلنتیریش مدیری فرشید فرهمندنینگ سلاموطندار گه ایتیشیچه، اوشبو ولایتده تاووقلرنینگ ترقهتیلگنیدن مقصد، قیشلاقلرده قشاقلیک کمهیشی و عایلهلرنینگ اقتصادی وضعیتی یخشیلنیشی دیر.
اونینگ کوپهیتیریشیچه: «تاووقچیلیک صناعتی بیر فرهنگ گه اوزگرسین. بو یخشی آزیق-آوقت منبعسی دیر و بیر یومورتقهده بیلهسیزلر که قنچه انرژی و قنچه کالریسی بار. شونینگدیک آزیق-آوقتده اساسی اورینگه ایگه دیر. توییب آوقتلنمسلیک آلدینی آلهدی و عایلهلر اقتصادی وضعیتی یخشیلنیشی اوچون دیر.»
بیزلرنینگ «ایکس» ترماغی ده هم تعقیب قیلینگ!
مذکور برنامهدن فایدهلنگن بدخشان دهگی قیشلاق عیاللریدن بیری خالدهنینگ سلاموطندار گه ایتیشیچه: «مینگه ۲۰ ته تاووق بیردیلر. بو اقدام درآمد منبعسینی یرهتیشگه علاوه، عایلهمنینگ آوقتلنیشی توغریسیده هم فایدهلی بولگن. ترقهتیلگن تاووقلر یخشی تاووقلر نسلیدن دیر. باشده نیچه تهسی اولدی؛ بیراق یخشیراق سوو و آوقت بیرگنیمدن کیین، هر کونی تخم قویهدی. جودهیم راضیمیز.»
تاووق ترقهتیلمهگنیدن آلدین اقتصادی قیینچیلیک بیلن روپهره بولگن بدخشان دهگی عیاللردن باشقه بیری نازیگل، حاضر حیاتینینگ اوزگرگنی توغریسیده ایتیشیچه: «شکر حیاتیمیز کوپ یخشی بولگن، اوشبو تاووقلر ترقهتیلگنی بیزلرگه کوپ یاردم بیردی و نیازلریمیزنینگ بو یول آرقهلی حل قیله آلهمیز.»
شوندهی بیرحالده، بدخشان ده تاووقچیلیک بوییچه ایش بیلرمان اجمل احمدینینگ سلاموطندار گه ایتیشیچه، تاووقلر ترقهتیلگنی بالهلر کته بولیشی و ساغلیگی اوچون یخشی اورینگه ایگه بولیب و اوزون مدتده، قیشلاقده حیات کیچیرهدیگنلرنینگ یشش سطحینی یخشیلشتیره آلهدی.
اونینگ کوپهیتیریشیچه: «بو ایش اویده بولگن عیاللر گه ایش فرصتینی یرهتهدی. اویده بولگن عیاللر گه بیر مصروفیت بولیب و شونینگدیک اویده قالگن نرسهلر تاووقلرگه آوقت بولهدی یعنی تشقریدن نرسه آلیب اولتیرمهیمیز. بالهلر و اوسمیرلر هم بو توغریده همکارلیک قیله آلهدیلر که بو تاووق ییتیشتیریشنینگ فایدهلریدن دیر.»
بیزلرنینگ فیسبوک صحیفهمیزگه باش اورینگ!
باشقه بیر تاماندن، اقتصادی مسئلهلر بیلرمانی عبدالبصیر یونسینینگ ایتیشیچه، بو دستورلر عایلهلر اقتصادی وضعیتی یخشیلنیشیگه یاردم بیریب و شونینگدیک کیچیک ایش زمینهسینی یرهته آلهدی.
اونینگ کوپهیتیریشیچه: «حقیقتا اونچه تاثیری یوق؛ بیراق کوپینچه کیشی ایشسیز دیر و قیشلاقدهگی عایلهلردن قطاری قشاق و نیازمند دیر. بو ایش عایلهلردن کوپ قطاریده قشاقلیکنی کمهیتیرهدی. بیر آیده بلکیم ۴-۵ مینگ افغانی درآمدلری بولسه که بو قیشلاقلرده قشاقلیکنی کمهیتیریش اوچون یخشی دیر.»
ایتیش کیرهک که، بدخشان ولایتیده قیشلاق یشاوچیلریدن کوپ قطاری اقتصادی چیکلاولر بیلن روپهره بولگنی بیرحالده، تاووق ترقهتیلیشی نهفقط عایلهلردن قطارینینگ آوقتلنیشی یخشیلنیشی، بلکیم بو اقدام محروم عیاللر اوچون ایش زمینهسی، خودکفالیگی و یشش امکانیتلری کوچهیشیگه سبب بولگن.
