ایکی حاملهدارلیک آرهسیده کمیده ۲۴ آی تنفس قیلیش بوییچه علمی توصیهلر بیلن؛ بیراق سلاموطندارنینگ کابلده توقیز عیال بیلن صحبتی شونی کورستهدی، بو عیاللر توغروقلر آرهسیدهگی معیاری مصافه گه رعایه قیلمهگن. صحبت نتیجهلری شوندن دلالت بیرهدی کی، اولرنینگ اکثریتی توغروقلر آرهسیده تنفس یرهتیش اوچون ساغلیقنی سقلش خذمتلری و طبی خبردارلیک که ایگه بولگن، بیراق شونگه قرهمی بو مسئله گه اعتبار بیرمهگن. بو حالت ایسه اولرنینگ اوزلری همده فرزندلرینینگ رواجی اوچون ساغلیق و روحی عاقبتلر گه سبب بولگن.
صحبت قیلگن عیاللر ۲۴ -۳۷ یاش آرهلیغیده بولیب، اولرنینگ هر بیری اوچ نفردن ییتی نفرگچه فرزندنینگ آنهسی حسابلنهدی. اولردن ایریملری حاملهدارلیکنینگ آلدینی آلیش اصوللریدن قورققنی سببلی ایستلمهگن طرزده کیتمه-کیت توغروقلرنی باشدن کیچیرگنینی ایتهدی.
کابل یشاوچیسی ۳۳ یاشر عایشه (مستعار) تورت فرزندنینگ آنهسی ایتیشیچه، گرچی عیاللر و توغروق بوییچه متخصص شفاکارلر تامانیدن توغروقلر آرهسیده مصافهنی سقلش اصوللری حقیده معلومات آلگن بولسه-ده، دارو واسطهلری و حاملهدارلیکدن سقلنیش اصوللرینینگ ناجای تأثیرلریدن خواطر آلگنی سببلی توغروقلری آرهسیده معیاری تنفسنی سقلهی آلمهگن.
او شوندهی دییدی: «تورت بالم بار، بیر ییل آرهلریده فاصله بار، کیتمه-کیت بالهلریم بار. کسلخانهلر گه بارگن پیتده، شفاکارلر ایتر ایدیلر لوپ تشلهی، کپسول و خوشی تابلیتدن قوللنهی توغروق آرهسیده فاصله اوچون؛ بیراق مین قورقردیم ضرری بارلیگیدن.»
۳۸ یاشر روینا تورت مراتبه کیتمه-کیت توغروق قیلگن ایتیشیچه، کیتمه-کیت چقهلاق بولیش آلدینی آلیش اوچون شفاکارلر تامانیدن مصلحتلر بیریلگن؛ بیراق مصلحتلر گه اعتبار بیرمهگن او شوندهی دییدی: «کیتمه-کیت تورت بالم بار و بیرینچی توغروقده شفاکارلر پیچکاری آلیب، تابلیت یا کی کپسولدن قوللنیشنی مصلحت بیردی؛ بیراق ضرری بولیشیدن قورقدیم.»
معلوماتلر شونی کورستهدی کی، کیتمه-کیت توغروق اوشبو عیاللر و چقهلاقلر اوچون ساغلیق و جسمانی سلبی تأثیری بولگن. ۲۴یاشر رخسار اوچ باله آنهسی ایتیشیچه، کیتمه-کیت حاملهدارلیک طفیلی ضعیف چقهلاق دنیا گه کیلتیرگن و اوزی هم روحی ناخوشلیک و جسمی باسیملرنی تجربه قیلگن. اونگه کوره: «قیرق کونلیکدن سونگ حمل آلدیم، ایکی چقهلاغیم بار، خبرسیزلیک طفیلی ایکینچی مراتبه حاملهدار بولدیم. قندهارده یشهی من، چقهلاغیمنی یخشی آوقتلنتیره آلمسلیک اوچون، روحی باسیمنی تجربه قیلدیم. ایکینچی چقهلاغیم توغیلگچ جوده ضعیف ایدی، توغروقدن کیین نیچه ساعت ماشین ایچیده ایدی.»
باشقه تاماندن، ۳۶ یاشر زهره، کیتمه-کیت آلتی مراتبه توغروقنی تجربه قیلگن، توغروقلری اورتهسیده فاصلهنی رعایت قیلمسلیگی و اقتصادی معمالر سببلی، وقتینی تولدیریشدن آلدین تورت بالهسی توغیلیب و قولدن بیرگنینی معلوم قیلهدی. او حکایهسینی شوندهی بیان قیلهدی: «کیتمه-کیت بالهلریم بار؛ اقتصاد و ساغلیق قیینچیلیک بیلن دوچ بولدیم، چقهلاقلریم وقتدن آلدین توغیلدی، تورت چقهلاغیمنی قولدن بیردیم، اقتصادی احوالیمیز ضعیف. گرچی حاملهدارلیک پیتیده مراقبت اوچون کلینیکلر گه مراجعت قیلهمن؛ بیراق فایده قیلمهگن، آلتی مراتبه حاملهدار بولگن من و همهسی وقتنی تولدیرمسدن آلدین توغیلگن.»
نسایی-ولایدی متخصص شفاکارلریدن بیرقطاری، توغروقلر اورتهسیده فاصله بولمسلیکنی آنهلر و چقهلاقلرنینگ اولیم اصلی عاملی دیب بیلهدیلر.
نسایی-ولایدی شفاکاری زرغونه محبت، ترتیبلی تیریکچیلیک و ساغلام حاملهدارلیک همده آنهلر و چقهلاقلرنینگ ساغلیغی اوچون هیچ بولمسه ایکی ییل فاصله رعایت ایتیلیشی گه تأکیدلهیدی. او شوندهی دییدی: «توغروقلر اورتهسیده فاصله تورت ییل و کمیده ایکی ییل بولیشی کیرهک. بیر عیال توغروق اورتهسیده فاصلهنی رعایت قیلمهگن حالده، اوزی و چقهلاغینینگ ساغلیغی گه تأثیر قویهدی.»
افغانستان نسایی-ولادی شفاکارلر اویوشمهسی باشلیغی نجمالسما شفاجو، سلاموطندار بیلن صحبتده ایتیشیچه، توغروق اورتهسیده معیاری فاصله نظر گه توتیلمسلیگی ویتامینلر ییتیشمسلیگی، سویوکلر ضعیف بولیشی و توغروقدن سونگ قان کیتیش کبی قیینچیلیکلر گه آلیب کیلهدی و نتیجهده آنهلر و چقهلاقلرنینگ اولیمیگه سبب بولهدی. اونگه کوره: «بو فاصلهلر آز بولسه، آنه هنوزگچه بیر توغروقنینگ ویتامینلری ییتیشمسلیگینی تولدیرمهگنی اوچون قان کیتیش، کم قانلیک، سویک ضعیفلیگی، بچهدانده قیینچیلیک تاپیلیشی، بلند فشارلر کبی قیینچیلیککه دوچ بولیشی ممکن، چقهلاق یخشی کیلو آلمهیدی همده روحی و جسمانی اوسمهیدی.»
باشقه تاماندن، شفاکارلرنینگ ایتیشیچه، توغروقلر اورتهسیده فاصلهنی رعایت قیلیش بارهسیده آدملر اورتهسیدهگی ناتوغری فکرلر سبب اولر بو اصوللردن قوللنمسلیککه سبب بولگن. نسایی-ولادی متخصص شفاکارلریدن بولمیش سونیتا بهرام شوندهی دییدی: «مسلکی و ملَکهلی شفاکارلر عیاللر گه مصلحت بیرمهگن، یخشی توشونتیریلمهگن، نتیجهده توغروق اورتهسیده فاصلهنی رعایت قیلیش نتیجه بیرمهگن، شونینگ اوچون کسللرنی شفاکار گه ایشانچی کمیهدی. بو یوللر شفاکارلر تامانیدن تکلیف قیلینسه، نهفقط یخشی توشونتیریش کیرهک، بلکی اولر گه یخشی جای و محیطده و مناسب اتاقده مصلحت بیریلسه.»
اسلام امیرلیگی ساغلیقنی سقلش وزیرلیگینینگ عایلهوی مصلحت بیریش گه دایر فکر-ملاحظهسینی اورگهنیش گه اوریندیک؛ بیراق اولر جواب قیتریش گه حاضر بولمهدی. عینحالده، خلقارا ساغلیقنی سقلش تشکیلاتی افغانستان بولیمی قویاش ۱۴۰۳ ییل، ۲۱ جوزا کونیده، افغانستانده هر کونی ۲۴ و ۱۶۷ چقهلاق حاملهدار و توغروق پیتیده اوز جانلرینی قولدن بیریشینی اعلان قیلگن ایدی.
