آمریکا حربی‌لری نینگ افغانستاندن چیقیشی و کابل‌ده تخلیه قیلیش جریانی یکونله‌نیش عرفه‌سیده قرار تاپگن بیرحالده، کمیده ۱۰۰ مملکت قوشمه اعلامیه نشر قیلیب افغانستان‌لیکلرگه سفر حجتی نینگ دوام قیلیشی‌نی ایسته‌گنلر.
بیزلرنینگ فیسبوک صحیفه‌میزگه باش اورینگ!
اوتگن کیچه آمریکا تشقی ایش‌لر وزیرلیگی تامانیدن نشر ایتیلگن اعلامیه‌ده ایتیلیشیچه، مذکور مملکت‌لر خطر بیلن دوچ کیلگن و اوشبو مملکت‌لر بیلن ایش‌لگن کیشی‌لرگه سفر قیلیش اسنادی صادر قیلیش‌گه تعهدلی دیر. اعلامیه‌ده ایتیلیشیچه، اوشبو مملکت‌لر چیت‌ایللیکلر، اولر بیلن ایش‌لگن افغانستانلیکلر و خطر بیلن دوچ کیلگن کیشی‌لرنی ایرکین سفریده تعهدلی دیر.
شونینگدیک، آمریکا تشقی ایش‌لر وزیری آنتونی بلینکن نینگ تاکید قیلیشیچه، سفر تضمینی اوچون طالبان گروهی‌نی متعهد قیله‌دیلر. ایتیلیشیچه، اوشبو مملکت‌لر چیت‌ایللیکلر و رسمی حجتی بولگن افغانستان‌لیکلرگه منظم شکلده سفر قیلیش اوچون رخصت بیریش‌گه طالبان گروهی دن ایشانچ قولگه کیلتیرگن‌لر.
اوشبو اعلامیه بیرینچی‌دن آمریکا، آلبانیا، آسترالیا، بلژیک، بلیز، بلغارستان، بورکینافاسو، کیپ ورد، کانادا، جمهوری آفریقای جنوبی، کلمبیا، کاستاریکا و ساحل عاج تامانیدن نشر ایتیلگن و اوندن سونگ، کرواسی، جمهوری دموکراتیک کانگو، دانمارک، جیبوتی، جمهوری دومینیکن، السالوادور، استونیا، اسواتینی، ایالات فدرال میکرونزی، فیجی، فنلند، فرانسه، گابن، گرجستان، آلمان، غنا، یونان، گینه، گویان، هائیتی، هندوراس، ایسلند، ایرلند، اسرائیل، ایتالیا، جاپان، اردن، قزاقستان و کنیا هم اونگه قوشیلگن.
شونینگدیک، کریباتی، قرقیزستان، لبنان، لیبریا، لیبیا، لیتوانی، لوکزامبورگ، ماداگاسکار، مالدیف، مالت، جزایر مارشال، مولداوی، مونته نگرو، مراکش، نائورو، هالند، نیوزلند، نیجر، مقدونیه شمالی، ناروی، پالائو، پاپوآ گینه‌نو، لهستان، پرتگال، جمهوری قبرس، کوریای جنوبی، جمهوری کوزوو، رومانیا، رواندا، شمالی آتلانتیک، سنگال، صربستان، سیرالئون، اسلووا کیا، اسلوونیا، سومالیا، اسپانیا، سنت کیتس و نویس، سودان، سورینام، سویدن، سوئیس، باهاما، گامبیا، اروپا بیرلشمه‌سی عالی نماینده‌سی، توگو، ترینیداد و توباگو، ترکیه، اوگاندا، اوکراین، کومور بیرلشمه‌سی، بریتانیا، وانواتو، یمن و زامبیا مملکت‌لری اوشبو اعلامیه‌ده قوشیلگن‌لر.
بیزلرنینگ فیسبوک صحیفه‌میزگه باش اورینگ!
طالبان گروهی بوندن آلدین هم رسمی حجتی بولگن کیشی‌لرگه سفر قیلیش اوچون رخصت بیریش‌لرینی بیلدیرگن ایدی. کابل نینگ تخلیه قیلیش جریانی ۲۴ اسد گه باشلندی و ایرته یکونلنه‌دی. بو مدت ده کمیده ۱۲۰ مینگ کیشی افغانستان‌نی ترک قیلگنلر.
