ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسی‌گه چلینگنلردن ۹ ته‌سی دنیا دن اوتگن.
بوگون “چهارشنبه” ساغلیق‌نی سقلش وزیرلیگی نینگ بیر گزارش آرقه‌لی ایتیشیچه، اوتگن بیر کیچه و کندوز ده کرونا ویروسی‌گه شبهه‌لی ۱ مینگ و ۶۹۱ کیشی‌دن آلینگن نمونه‌لر سیناودن اوتکزیلگن و بو جمله‌دن ۱۰۲ ته‌سی نینگ نتیجه‌سی ایجابی تانیلگن.
اوشبو وزارت تامانیدن نشر قیلینگن گزارش‌گه کوره، انه‌شو مدتده کرونا ویروسی‌گه چلینگنلردن ۱۷۴ ته‌سی درمانلنگن و کرونا ویروسیدن ینگی ایجابی واقعه‌لر مملکت ۱۷ ولایتیده قید ایتیلگن
ساغلیق‌نی سقلش وزیرلیگی تامانیدن بیریلگن آمارلرگه کوره، مملکتده کرونا ویروسی چیقگنیدن حاضرگه‌قدر ۵۳ مینگ و ۲۰۷ کیشی بو ویروس‌گه چلینگن و بو جمله‌دن ۲ مینگ و ۲۵۳ ته‌سی دنیا دن اوتیب و باشقه ۴۲ مینگ و ۸۴۰ ته‌سی درمانلنگن دیر.
ساغلیق‌نی سقلش وزیرلیگی تامانیدن بیریلگن گزارش‌لرگه کوره، حاضرگه‌قدر مملکت بوییچه ۲۰۹ مینگ و ۲۴۴ کیشی دن آلینگن نمونه‌لر سیناودن اوتکزیلگن.
ایتیلیشیچه، حاضرگه‌قدر دنیا بوییچه ۸۶ میلیون و ۸۴۷ مینگ دن آرتیق کیشی کرونا ویروسی‌گه چلینگن و بوجمله‌دن ۱ میلیون و ۸۷۶ مینگ دن آرتیق کیشی دنیا دن اوتیب و باشقه ۶۱ میلیون و ۵۸۰ مینگ کیشی درمانلنگن.
