افغانستان یشاوچیلریدن کوپقطاری دواملی اوروشلر سبب، ایشانچلی شکلده تیریکچیلیک قیلیش اوچون مملکتنی ترک قیلیب باشقه مملکتلرگه مهاجر بولگنلر. اوشبو مهاجرلر نامنظم یوللر آرقهلی مهاجرلیککه اقدام قیلگنلر و یولده کوپینچه قیینچیلیکلر بیلن روپهره بولگنی چیککهسیده، مقصدلریگه ییتیشگنیدن سونگ، تیریکچیلیک دن نامید بولگنلر.
کرونا ویروسی نینگ دنیا گه ترقهلگنیدن کمیده بیر ییل اوتماقده؛ بو مسله چیتایللیک مملکتلرده بولگن افغانستانلیک مهاجرلر اوستیگه سلبی تاثیر قوییگن.
پاکستانده تیریکچیلیک قیلهدیگن بیرقطار افغانستانلیک مهاجرلرنینگ ایتیشلریچه، بوندن آلدین هم کوپینچه قیینچیلیکلر بیلن روپهره ایدیلر، لیکن کرونا ویروسی ترقهلگنیدن سونگ، قیینچیلیکلری نیچه برابر بولگن.
پاکستانده تیریکچیلیک قیلهدیگن مهاجرلردن بیری ذولفقار خان نینگ سلاموطندارگه ایتیشیچه، اوشبو مملکتده کرونا ویروسی ترقهلگنیدن بویان، افغانستانلیک مهاجرلر ساغلیک و اقتصادی قیینچلیکلر بیلن روپهره بولگنلر.
سلاموطندار اوزبیک بولیمینی فیسبوکده تعقیب قیلینگ!
ذولفقار نینگ ایتیشیچه: «دکانلرده ایش قیلهمیز. دکانلرنی یاپیق قولمهیشی لازم و دکانلر یاپیلگن صورتده، بیز شغللریمیزنی قولدن بیرهمیز.»
شونینگدیک، نظرمحمد و مجاهدخان هم پاکستانده تیریکچیلیک قیلهدی. اولرنینگ ایتیشلریچه، افغانستانلیک مهاجرلردن کوپ قطاری روزمزد ایشلهیدی، کرونا ویروسی ترقهلگنی سبب، شغللرینی قولدن بیرگن.
نظرمحمد نینگ ایتیشیچه: «اهالی نینگ وضعیتی یمان دیر، اهالی کم بغل و روزمزد ایشلهیدی. دکانلر یاپیق و اهالی قیینچیلیک بیلن روپهره بولگن.»
شونینگدیک، مجاهدخان نینگ ایتیشیچه« کرونا ویروسی اولرنینگ ایشلری اوستیگه سلبی تاثیر قوییگن، دکانلر کوپراق وقتلر یاپیق بولهدی. مهاجرلردن ۸۰% روزمزد ایش قیلهدی، انهشوو سبب، اولر کوپینچه قیینچیلیک بیلن روپهره بولگنلر.»
پاکستانده تیریکچیلیک قیلهدیگن افغانستانلیک مهاجرلرنینگ ایتیشلریچه، اولرگه هیچقندهی مالی یاردم صورت تاپمهیشی چیککهسیده، درمانلنیش و کرونا واکسینی دن فایدهلنیش دن هم محروم دیرلر. اولرنینگ ایتیشیچه، کرونا ویروسیگه چلینگن مهاجلر سنتی شکلده درمانلنهدیلر.
- افغانستان تینچلیگی حقیده ترکیهده یشهیدیگن افغانستانلیک مهاجرلرنینگ توشونچهسی
- مهاجرلیک؛ مقصد یا-ده اولیم گه آلیب بارهدیگن یول
- امیدلری امیدسیزلیککه اوزگرگن مهاجرلرنینگ حکایهلری
پشاور ده افغانستانلیک مهاجرلر نینگ رهبرلیک عضوی ملک اولخان نینگ ایتیشیچه، پاکستانلیکلر کرونا ویروسیگه توسیق بولیش اوچون چیکلاو تعیین قیلگن و بو موضوع مهاجرلرگه قرشی قیینچیلیکلرنی کوپهیتیرگن.
اونینگ کوپهیتیریشیچه، افغانستانلیک مهاجرلردن ۸۰% کم بغل دیر و قول کراچیلری آرقهلی هزینهلرینی تامین قیلهدی، لیکن حاضرده ایشلری توختهتیلگن.
ملک اولخان نینگ ایتیشیچه، افغانستانلیک مهاجرلرنینگ قیینچیلیکلرینی نیچه مرته پاکستان دولتی و خلق ارا یاردم بیرووچی نهادلر بیلن شریک قیلگنلر، لیکن هیچقندهی دقت قیلینمهگن.
عینحالده، افغانستان بوییچه مهاجرلیک و باشپناه ایزلاوچیلر وزیرلیگی نینگ مطبوعاتی بولیمی مصلحتچیسی سیدعبدالباسط انصاری نینگ ایتیشیچه، افغانستان یشاوچیلریدن مینگلرچهسی دنیا بوتون مملکتلریگه مهاجر بولگنلر و اولرنینگ هربیریگه خذمت ییتیشتیریش ممکن ایمس. بیراق اونینگ ایتیشیچه، پاکستانده بولگن افغانستانلیک مهاجرلر وضعیتی خصوصیده خلق ارا نهادلر بیلن صحبت اوتکزیلگن و اولرنینگ قیینچیلیکلرینی حل قیلیش اوچون سعی و حرکتلرنی دوامی بار.
افغانستان و پاکستان مهاجرلری بوییچه بیرلشگن ملتلر تشکیلاتی نینگ عالی کمیسارلیگی یا-ده «UNHCR» دفتری مسوولی میرمیاخیل نینگ سلاموطندارگه ایتیشیچه، پاکستانده کرونا ویروسی ترقهلگنیدن سونگ، افغانستانلیک مهاجرلرگه نقدی یاردملر صورت تاپگن، بیراق اوشبو نهاد نینگ باشقه بولیملرگه تمرکزی بولگنی سبب، یاردملر سطح کمهیگن.
اونینگ ایتیشیچه: « ۱۰۰ مهاجر جملهسیدن ۵۰ مهاجرگه یاردم بیریلیشی ممکن. حاضرده کوپراق دقتلر سوریه، لیبیا و باشقه مملکتلرگه دیر.»
رسمی آمارلرگه کوره، کمیده ۲.۵ میلیون افغانستانلیک مهاجر پاکستان، ایران و باشقه مملکتلرده یمان وضعیتده تیریکچیلیک قیلهدی. اوروش و افغانستانده ایش زمینهسی بولمهگنی سبب، اوشبو مملکت یشاوچیلری منظم و نامنظم شکلده باشقه مملکتلرگه مهاجر بولگنلر.
