بادغیس یشاوچیلریدن قطاری، اوشبو ولایت حسابات و معلومات ریاستی تامانیدن کیم‌لیکلرنی تصدیقلش برابریده پول آلینیشیدن شکایت قیلیب سلام وطندار گه ایتیشلریچه، بادغیس حسابات و معلومات ریاستی مسئول‌لری، کیم‌لیک لرنی تصدیقلش اوچون اولردن پول آله‌دی.
بادغیس یشاوچیلری گه کوره، اولر هر بیر کیم‌لیکنی تصدیقلش اوچون ۱۰۰ افغانی توللش گه مجبورلر که حاضرگی شرایط ده اوشبو مقدار پول‌نی توللـه‌ی آلمه‌یدیلر.
بیزلرنینگ فیسبوک صحیفه‌میزگه باش اورینگ!
بادغیس یشاوچیلری نینگ ایتیشلریچه، اوشبو جریان سابق دولت زمانیده یوق ایدی. اولر اسلامی امارت متصدی‌لریدن کیم‌لیکلرنی تصدیقله‌نیشیدن پول آلمسلیکلرینی طلب قیله‌دیلر.
بادغیس یشاوچیلریدن بیری احمد رحیمی گه کوره: «پاسپورت آلیش اوچون کیم‌لیکنی تصدیقله ماقچین ایدیم میندن ۱۰۰ افغانی آلدیلر که سابق دولت‌ده بونده‌ی ایمس ایدی. حاضرگی اقتصادی قیین شرایط‌ده اهالی اوچون ظلم دیر. دولت‌دن پول آلمسلیکلرینی طلب قیله‌میز.»
شونینگدیک بادغیس حسابات و معلومات ریاستی مسئول‌لری، کیم‌لیکلرنی تصدیقلش برابریده پول آلینیشینی قبول قیلیب ایتیشلریچه، دولت درآمدی‌نی کوچه‌یتیریش اوچون مرکزی رسمی‌لر نینگ مصلحتی اساسیده، هر بیر کیم‌لیکنی تصدیقلش برابریده ۵۰ افغانی‌دن ۱۰۰ افغانی آلینه‌دی.
بیزلرنینگ توییترده هم تعقیب قیلینگ!
بادغیس حسابات و معلومات ریاستی متصدیلری نینگ کوپه‌یتیریشیچه، قریب ایککی آی‌دن بویان اوشبو جریان باشلنگن و اوشبو ولایتده کیم‌لیک لرنی تصدیقلش و فورم ساتیش‌دن ۲۰۰ مینگ افغانی در آمد ییغگن‌لر.