جمهور رئیس بیرینچی اورین باسری امرالله صالح، ملی خوفسیزلیک ریاستیدن نقل قیلیب ایتیشیچه، طالبان گروهی افغانستان نینگ بویوک شهرلریده‌گی مدنی فعاللرنی هدف آلیش گه قرار قیلگن. اونینگ کوپه‌یتیریشیچه، طالبان نینگ توشونچه‌سیگه کوره، جماعه تویغولری و مهربانلیگی نی اولدیریش، خلق نینگ حکومتدن ناراض بولیشگه سبب بوله‌دی.
جناب صالح بوگون (چهارشنبه ۲۱- عقرب) فیسبوک صحیفه‌سیده یازیشیچه: “ملی خوفسیزلیک ریاستی، طالبان گروهی افغانستان بویوک شهرلرده‌گی مدنی جماعه فعاللرینی ترور قیلیشده قرار آلگنیدن خبر بیرگن”.
جناب صالح گه کوره، اوشبو خبرنی ترقه‌تیشدن هدف اولردن قورقیش ایمس، “بلکیم استخباراتی معلومات لرگه کوره دشمن نینگ اصلیتی نی خلققه کورسه‌تیش و بیلدیریش دیر”.
جمهور رئیس بیرینچی اورین باسری، افغانستان مدنی جماعه فعاللریدن، طالبان گروهی و حمایتچی‌لریگه قرشی بیرلیکده حرکت قیلیش بیلن، اولرگه ترور خلق نینگ بیلی نی سیندیره آلمسلیگی نی کورسه‌تیش‌لری نی سوره‌گن.
عین‌حالده صالح جنابلری، مکتب‌لر خصوصیده اجتماعی صحیفه‌لردن قورقینچلی خبرلرنی نشر قیلیش گه عیبلنگن کیشیلر اوشلب آلینگنی نی ایتیب و اولرنینگ آت‌لری یقیین کونلرده نشر بولیشی نی بیلدیرگن.
جناب صالح نینگ ایتیشیچه، مکتب‌لرنی تهدید قیله‌دیگن شبکه‌لردن بیری “همگام باکانکور” دیر و زرغونه مکتبیده تروریستی مش‌مش‌لرنی اوقوچیلرنینگ آره‌سیده ترقه‌تگن اوقوتوچی هم تثبیت قیلینگن.
جناب صالح نینگ ایتیشیچه، مملکت معلومات و مدنیت وزیرلیگیدن “تاریخی میراث نامیده” نام‌لنگن اینیقسه کابل شهریده‌گی تاریخی بنالرنینگ رویخطی یورباریشی نی سوره‌گن.
اونگه کوره، اگر اولرنینگ بونده‌ی بیر رویخط‌لری بولمسه معلومات و مدنیت وزیرلیگی کابینه ییغینی یولگه قوییلیشیدن آلدین پارک سینماسی خصوصیده بیلدیرگن فکرینی اصلاح قیلیشی کیره‌ک.
صالح جنابلری، حکومت‌نینگ بیر سیسی بولیشی اوستیگه تاکید قیلگن.
صالح جنابلری‌‌‌نینگ ایتیشیچه، برچه‌گه ۱۱ کون وقت بیریب اعلان قیلگن کیم پارک سینماسی کهنه بولگن و اونینگ قیته قوریلیشی نی امکانی یوق و شو یوزه‌دن اونینگ تخریب قیلگن. اونگه کوره، مذکور محل ده سینما شامل فرهنگی بیر مرکز قوریله‌دی و مذکور سینمانینگ تاریخی بیر اثر بولگنی حقیده هیچ کیم بیر سند کورستمه‌گن.
اونینگ ایتیشچه، پارک سینماسی کابلی‌لرنینگ یالغیز فلم کوریش خاطره‌لری‌نینگ ییری دیر و بیر تاریخی اثر ایمس.
معلومات و مدنیت وزیرلیگی سرپرستی محمد طاهر زهیر، کابل بلدیه‌سیدن پارک سینمانینگ بوزمه‌سلیکلرینی سوره‌گن ایدی.
زهیر جنابلری فیسبوک صحیفه‌سیده یازیشیچه، پارک‌سینماسی تاریخی، فرهنگی و هنری بیر اثر دیر و اونینگ تخریب بولمه‌سی کیره‌ک.
ایکی کون آلدین کابل بلدیه‌سی، جمهورلیک ریاست بیرینچی اورین باسری امرالله صالح‌نینگ بویروغی اساسیده مذکور ییرنی تخریب قیلدی.
