معلومات و مدنیت وزیرلیگی سرپرستی محمد طاهر زهیر، کابل بلدیه‌سیدن «پارک سینماسی» نینگ تخریبی توخته‌تیلیشینی سوره‌گن.
بوگون “دوشنبه” معلومات و مدنیت وزیرلیگی سرپرستی نینگ فیسبوک صحیفه‌سیده یازیشیچه، پارک سینماسی مملکت نینگ فرهنگی، هنری و تاریخی میراث‌لریدن بیری دیر و تخریب قیلینمه‌یشی کیره‌ک.
اونینگ ایتیشیچه، پارک سینماسی نینگ ۷۰ ییل‌لیک قدمتی بار و حاضرده مملکت فرهنگی میراث‌لریدن حساب‌لنه‌دی.
معلومات و مدنیت وزیرلیگی سرپرستی نینگ ایتیشیچه، کابل بلدیه‌سی پارک سینماسی نینگ تخریب قیلینیش ریجه‌سینی حکومت گه بیرگن و کورینیشیچه، بو ریجه حکومت تامانیدن تصدیقلنگن.
جناب زهیر، کابل بلدیه‌سیدن پارک سینماسی نینگ تخریب قیلیش اوچون «صبرلی» بولیشینی سوره‌گن. او، جمهورلیک ریاستی بیرینچی اورین باسری امرالله صالح دن پارک سینماسی نینگ تخریب قیلینیشی خصوصیده آلگن قرارینی قیته‌دن تیکشیریشینی ایسته‌گن.
معلومات و مدنیت وزیرلیگی سرپرستی نینگ ایتیشیچه، پارک سینماسی نینگ تخریب قیلینیشی یشاوچی‌لر تامانیدن قبوللنمهیدی.
کابل بلدیه‌سی ایکی کون آلدین پارک سینماسی نینگ اوشبو اداره تامانیدن تخریب قیلینیشی باشلنگنیدن خبر بیرگن ایدی.
