کابل شهری «چهارراه صدارت» ده اسلام امیرلیگی کوچلری تامانیدن بیر ییگیت کلتکله‌نیش ویدیوسی ترقه‌لیشیدن کیین، پایتخت یشاوچیلریدن قطاری، یشاوچیلر بیلن اسلام امیرلیگی کوچلری نینگ ناتوغری یانده‌شووی دن شکایت قیلیب ایتیشلریچه، اسلام امیرلیگی کوچلری بعضاً اولرنی حقارت قیله‌دی.
کابل شهری چهارراه صدارت یشاوچیسی صالح‌محمد گه کوره، نیچه کیچه آلدین ایناغه‌سی بیلن بیرگه خیرخانه «پنج‌صدفامیلی» منطقه‌سیده سرک ده قدم اوروش چاغیده، اسلام امیرلیگی کوچلری زوردن ایناغه‌سی نینگ تیلیفونینی تیکشیرگن.
او نینگ ایتیشیچه: «نیچه کیچه آلدین پنج‌صدفامیلی منطقه‌سیده مین و ایناغم نی توخته‌تیب و ایناغم نینگ تیلیفونینی آلیب اوستیگه قلفینی آچتیردی، ایناغم تیلیفون ده شخصی نرسه‌سی بارلیگینی ایتدی، لیکن اولر اعتبار بیرمه‌ی و عایله عکسی و باشقه شخصی نرسه‌لرنی کوردی.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری حمیرا گه کوره، نیچه مرته شهرده عیاللر بیلن اسلام امیرلیگی کوچلری نینگ ناتوغری یانده شووی گه گواه بولگن.
او نینگ کوپه‌یتیریشیچه: «کهنه فروشلیککه ایشیم بار ایدی. اسلام امیرلیگی کوچلری بیر عیال گه قره‌ب، چادرینگنی توغری یامیل دیب ایتدیلر، مین بو احوال نی کوریب جوده افسوس‌لندیم. برچه عیاللر اوی ده روحی کسل‌لیککه چلینگنلر.»
شونینگدیک، بلخ مرکزی مزارشریف شهری ده امر معروف و نهی منکر ریاستی خادمی، بیر تکسی هیداوچینی یولاوچی عیال نی انتقال بیریش سبب کلتکله‌گن.
امر معروف و نهی منکر وزیرلیگی سوزلاوچیسی عاکف مهاجر نینگ سلام‌وطندار گه ایتیشیچه، اوشبو خادم تکسی هیداوچینی حقارت قیلگنی سبب قولگه آلینگن.
عاکف مهاجر گه کوره: «بلخ ده‌گی واقعه گه دایر بیز گه معلومات بیریلیشی بیلن، امر معروف و نهی منکر وزیرلیگی رهبریتی تامانیدن، یشاوچیلر بیلن یامان مناسبت قیله‌دیگن خادم قولگه آلینیش بویروغی بیریلدی، یشاوچیلر نینگ امنیتی کوچلردن شکایت‌لری بولگن حالده، امر معروف و نهی منکر وزیرلیگی نینگ شکایت‌لرنی تینگلش کمیسیونی گه مراجعت قیلیب و شکایت‌لرینی ثبت ایته آله‌دیلر.»
اولکه یشاوچیلری بیلن اسلام امیرلیگی کوچلری نینگ ناتوغری یانده‌شووی دن شکایت‌لر بولسه ده، بیراق ایچکی ایشلر وزیرلیگی سوزلاوچیسی عبدالنافع تکور یشاوچیلرنی آزار و اذیت قیلیش اوچون هیچ کیم گه رخصت بیرمسلیک‌لریدن ایشانچ بیره‌دی.
بیزلرنینگ توییترده هم تعقیب قیلینگ!
ایچکی ایشلر وزیرلیگی سوزلاوچیسی عبدالنافع تکور نینگ ایتیشیچه: «اولکه یشاوچیلرینی بیزاوته قیلگن کیشی‌لر، اسلام امیرلیگی کوچلری تامانیدن قولگه آلینگن، بو کیشی نظامی بولسه یا ده عادی کیشی، اسلام امیرلیگی هیچ کیمگه بونده‌ی ایشنی قیلیش گه رخصت بیرمه‌یدی.»
عین‌حالده، اجتماعی ایش بیلرمان‌لر نینگ ایتیشلریچه، اولکه یشاوچیلری بیلن اسلام امیرلیگی کوچلری نینگ ناتوغری یانده‌شوولری، حکومت و اهالی آره‌سیده فاصله گه سبب بولیب و ایچکی بحران نی کوچه‌یتیره‌دی.
ایتیش کیره‌ک که، انده_سنده قتناو یوللر و چیک پاینت‌لرده اسلام امیرلیگی کوچلری نینگ اهالی بیلن ناتوغری یانده‌شوولری حقیده گزارش بیریلگن.
