قربان هییت بیرمی عرفه‌سیده، کابل شهری ده بیرقطار یاشلر سلام‌وطندار بیلن اۉتکزگن صحبت‌لریده، هییت کونلرینی اېنگ یخشی طرزده اورتاق‌لری و یقین-قرینداش‌لری بیلن اۉتکزیش اوچون قرار قیلگنلرینی اېته‌دیلر. بو گزارش ده ۲۰ ییگیت و قیز بیلن صحبت اۉتکزیلگن اولر ارا ۱۸ نفری هییت اوچون کییم تیارلش، قوروق و تازه میوه ساتیب آلیش، قربانلیک قیلیش گه قۉشیمچه اورتاق‌لری و یقین-قرینداش‌لری بیلن بیرقطار ولایت‌لر گه سفر قیلیشنی ریجه‌لشتیرگنلر.
کابل یشاوچیسی سیدمحب‌الله نینگ ایتیشیچه، قربانلیک قیلیش و اورتاق‌لری بیلن دم‌آلیش مکان‌لر گه باریش، هییت نینگ مهم ریجه‌لریدن دیر.
اونینگ کوپه‌یتیریشیچه: «هییت یقینلشی بیلن آدم‌لر گه یخشی تویغو تاپیله‌دی. هییت بیرینچی کونیده قربانلیک قیلیش بیلن مصروف بوله‌من و ایکّینچی کونیده مهمانی‌میز بار و چیت‌ایل دن کېله‌دیلر و هییت اوچینچی کونیده اورتاق‌لریم بیلن پغمان و باغ بالا باریب و کاغذپران‌لیک قیله‌میز.»
کابل یشاوچیلریدن باشقه بیری ماصوا احمدی، بیر هفته دن بېری هییت نی نشانلش اوچون تیارگرلیک کورماقده‌لیگینی اېته‌دی.
اونینگ ایتیشیچه: «هییت نی نشانلش اوچون اوینی تمیزلش و اوی بویوم‌لرینی اۉزگرتیریش بیلن مصروف من. ایکّی کون هییت ده اوی ده و اوچینچی کونینی اورتاق‌لر و قرینداش‌لرنیکیگه باریش گه قرار قیلگن من. یخشی تویغو تاپیلگن؛ چونکه هییت کون‌لریده اورتاق‌لرنی یقیندن کوره‌من.»
بیزلرنینگ فیسبوک صحیفه‌میزگه باش اورینگ!
پایتخت کابل یشاوچیلریدن باشقه بیری زحل، تیکووچیلیک آرقه‌لی نیازلرینی تأمینله‌یدی ایتیشیچه، هییت کون‌لری اورتاق‌لر و قرینداش‌لرنی کوریش اوچون بیر فرصت دیر. «هییت یېتیب کېلماقده و هییت یېتیب کېلیشی بیلن ایشلریمیز کوپ بوله‌دی؛ انده-سنده چرچه‌یمیز و انده-سنده ایشیمیز اوچون یخشی تویغو تاپیله‌دی. هییت کون‌لریده دم‌آلیش گه قرار قیلگن من؛ چونکه هییت دن آلدین ایش کوپ و فرصت آز، شونی اوچون اۉزیمگه فرصت اجره‌تیش گه اورینه‌من.»
تلویزیون‌لردن بیری نینگ خادمی لیزا عمری، هییت نی نشانلش گه قۉشیمچه ایشلری گه ایریشیش اوچون ریجه توزگنینی معلوم قیله‌دی.
اونینگ کوپه‌یتیریشیچه: «قیینچیلیک‌لر گه اعتبار بیرمسدن هییت اوچون کییم ساتیب آلگن من، اوینی تمیزلب و هییت اوچون میوه تیارله‌گن من؛ بیراق اۉزیم یشاوچیلر خذمتی اوچون ایشگه باریشیم کېره‌ک.»
بیزلرنینگ «ایکس» ترماغی ده هم تعقیب قیلینگ!
یاشلردن بیرقطاری، اقتصادی قیینچیلیک طفیلی هییت کونلرینی اېستک‌لر کبی نشانله‌ی آلمسلیک‌لرینی اېته‌دیلر.
کابل یشاوچیسی انوش حیدری گه کوره، کمبغل‌لیک باعث هییت اوچون تیارگرلیک کوره آلمه‌گن.
اونینگ کوپه‌یتیریشیچه: «هییت اوچون هېچ تویغو و خورسندلیگیم یوق؛ اقتصادی قیینچیلیک سبب اۉتگن هییت ده هم و بو هییت اوچون هم کییم تیارله‌گن یوق‌میز حتا بیر جوره جراب آلگنیمیز یوق شونی اوچون هییت کون‌لریده اوی ده قالیش گه قرار قیلگن‌میز.»
کابل یشاوچیلریدن باشقه بیری شمایل موسوی گه کوره: «اگر خورسندمیز دیسم، احتمال توغری اېتگن بولمه‌سم؛ هییت اوچون علیحده ریجه‌م یوق؛ چونکه پارک‌لر باغلیق؛ یالغیز اورتاق‌لر و قرینداش‌لرنی کوریش گه باره‌من.»
باشقه تاماندن روان‌شناس‌لردن بیرقطاری یاشلر خواطرلری گه چېک قوییش و انگیزه‌لری اوچون هییت نی یخشی فرصت دیېدیلر.
روان‌شناس هیبت‌الله ابراهیم‌خیل نینگ ایتیشیچه: «افسرده‌لیکّه چلینگن یاشلریمیز کوپ؛ امیدسیز بولیب و قیینچیلیک‌لری کوپ دیر؛ هییت کېلیشی یاشلر نینگ روحیه‌سیگه مثبت تأثیر قیله‌دی؛ برچه قیینچیلیک‌لر گه قره‌مسدن ینگی کییم توزه‌تیب و اورتاق‌لرنی کورگنی بارسه‌ی، یاشلر نینگ روحیه‌سیگه مثبت تأثیر قیله‌دی.»
اجتماعی مسئله‌لر بیلرمانی راشد صدیقی، هییت نی نشانلش یاشلر نینگ اجتماعی مناسبت‌لری کوچه‌یشی گه سبب بولیشی گه ایشانه‌دی.
اونینگ کوپه‌یتیریشیچه: «بیر کیشی خورسند بولسه باشقه‌لر بیلن مناسبتینی مستحکم‌لش و خورسندلیگینی شریک قیلیش گه اورینه‌دی؛ انسان‌لر نینگ خورسندلیگی اوچون دلیل‌لر کوپ بو دلیل‌لردن بیری هییت دیر انسان‌لر اۉرته‌سیده مناسبت مستحکم‌لنیشی و خورسندلیک‌لری گه سبب بوله‌دی.»
افغانستان یشاوچیلری هر ییلی هییت نی خورسندلیک بیلن کوتیب آله‌دیلر. هییت کون‌لریده ینگی کییم کییش، مهمان‌لرنی یخشی کوتیب آلیش اوچون تازه و قوروق میوه تیارلش مملکت اهالیسی نینگ اېسکی عنعنه‌لریدن سنله‌دی.
