مملکت جمهور رییسی محمداشرف غنی نینگ ایتیشیچه، امنیتی کوچلر افغانستان یشاوچیلری تامانیدن حمایت ایتیله‌دی، بیراق طالبان گروهی قدرت‌نی قولگه کیلتیریش اوچون اوروشه‌دی و دولت سیاسی حل یولگه حاضر دیر.
بوگون “شنبه” جناب غنی نینگ ملی مدافعه وزیرلیگی‌ده عسکر ملی ایامی‌دن نشانلش اوچون یولگه قوییلگن مراسمده ایتیشیچه، مملکت امنیتی کوچلری، باشقه مملکت‌لرده ۲۰ ییل طی ایتیله‌دیگن یول‌نی اوتگن ۶ ییلده طی قیلگن.
اونینگ امنیتی کوچلر ظرفیتی‌گه اشاره قیلیب ایتیشیچه، افغانستان امنیتی کوچلری اهالی تامانیدن کینگ شکلده حمایت ایتیله‌دی و امنیتی کوچلر اوتگن ۱۴۰ ییلده بونده‌ی حمایت‌گه گواه بولمه‌گن ایدی.
جمهور رییس غنی نینگ تاکید قیلیشیچه، یالغیز افغانستان خوفسیزلیگی‌نی تامین‌لش مسوولیتی امنیتی کوچلر بوینیگه ایمس، بلکم اولر دنیا خوفسیزلیگی‌نی تامین‌لشدن مسوول دیر، بیراق حاضرده دهشت تشلاوچی‌لرگه قرشی عملیات‌لردن ۹۰% ملی خوفسیزلیک، ملی اردو و ملی پولیس کوچلری تامانیدن صورت تاپه‌دی.
اوشبو مراسمده ملی مدافعه وزیرلیگی بیرینچی اورین باسری نینگ ایتیشیچه، طالبان نینگ قوییب یوباریلگن اعضالری تعهدلریگه قرشی افغانستان یشاوچی‌لریگه وضعیت‌نی یمان قیلگن.
ملی مدافعه وزیرلیگی اورین باسری شاه‌محمود میاخیل نینگ اوشبو وزارت ده عسکر ملی ایامی مناسبتی اوچون یولگه قوییلگن احتفالده صحبت اوتکزیب ایتیشیچه، تینچلیک جریانی اوچون طالبان جنگریلریدن ۵ دن باشلب ۶ مینگ عضوی آزاد ایتیلگن، لیکن اولر تعهدلریگه قرشی اوروش میدانیگه باریب وضعیت‌نی یمان قیلگن.
جناب میاخیل نینگ ایتیشیچه، مذکور محبوس‌لر اوروش میدانیگه بارمه‌یشلری اوچون تعهد قیلگن ایدیلر، لیکن وعده‌لریگه عمل قیلمه‌گن.
اونینگ تاکید قیلیشیچه، طالبان نینگ آزاد ایتیلگن اعضالری افغانستان یشاوچی‌لریگه یمان ییل‌نی تحمیل قیلگن، بیراق امنیتی کوچلر اوروش میدان‌لریگه طالبان نینگ هجومی‌گه قرشی جواب قیتیرگن.
