آمریکا مدافعه وزیری لوید آستین، افغانستان ده اوروش و زوروانلیک یکونله‌نیشی و سیاسی بیر کیلیشووگه قول تاپیش اوچون خلقارا باسیم نی سوره‌گن. آمریکا مدافعه وزیری نینگ ایتیشیچه، بوتون دنیا بو باسیم نینگ دوامی اوچون یاردم بیره آله‌دی. او، اوشبو خلقارا باسیم نینگ قنده‌یلیگی توغریسیده تفصیلات بیرمه‌گن.
اوروش میدانی گه بارگن قندهار حاکمی روح‌الله خان‌زاده و بو ولایت پولیس قومندانی محمدسالم احساس خبرچیلر بیلن صحبت اوتکزیب ایتیش‌لریچه، بوگون ایرته‌لب قندهار شهری و بو ولایت مرکزی قماقخانه‌سی نینگ نظارت گه آلیش هجوم اویوشتیرگن طالبان جنگریلری شهردن تشقری هیدلگن.
هرات تومن‌لریدن قطاری طالبان نظارتی گه اوتگنیدن کیین، حاضر جهادی سابق رهبری محمداسماعیل خان، یوزلرچه طرفداری بیلن امنیتی و مدافعه کوچلردن اوز حمایت‌لرینی بیلدیریب و طالبان گه قرشی توریش‌لرینی اعلام قیلگن.
آمریکا جمهوررئیسی جو بایدن نینگ ایتیشیچه، افغانستان حکومتی سقوط قیلمه‌یدی و تیزیم نی سقلش اوچون ییترلیچه حربی و حربی جهازلر بار دیر. جناب بایدن، اوتگن کیچه آق سرای ده یولگه قویگن خبری بیر ییغینده بونده‌ی بیانات بیرگن. آمریکا جمهوررئیسی بیر خبرچی نینگ سوراغی گه جواب قیتریب ایتیشیچه، افغانستان حکومتی نینگ ۳۰۰ مینگ قوراللی حربیسی بار، بیراق طالبان جنگریلری نینگ سانی ۷۵ مینگ کیشی گه ییتیشه‌دی.
افغانستان ملی کنگره حزب باشلیغی عبداللطیف پدرام، بوگون کابل ده خبری بیر ییغین اوتکزیب ایتیشیچه، مملکت خوفلی و پیچیده بیر وضعیت گه قرار تاپگن. جناب پدرام گه کوره، شمال تومنلری نینگ سقوط قیلیشی نی پرده آرقه‌سیده، دولت تامانیدن داعش نینگ جایلشتیریش برنامه‌سی بار.
طبیعی حادثه‌لرگه قرشی کوره‌ش ایشلری بوییچه دولت وزیرلیگی مسئوللری کابل ده خبری بیر ییغین اوتکزیب ایتیش‌لریچه، سونگی بیر آیده مملکت ۲۵ ولایتیده ۳۲ مینگ عایله بدرغه بولگن.
بلخ حاکمی محمدفرهاد عظیمی نینگ اوشبو همایشده یشاوچی‌لرنی امنیتی و دفاعی کوچلردن حمایت قیلیش‌لری اورنی‌ده ایتیشیچه، مزارشریف شهریدن طالبان‌گه قرشی ۵ مینگ مردمی کوچ بسیج بولیب امنیتی کوچلر یانیده قرار تاپگن.
هرات حاکمی عبدالصبور قانع اوتگن “سه‌شنبه” کونی خبری بیر ییغین اوتکزیب سلما توغانی‌گه قرشی امنیتی تهدید بولگنی‌نی رد قیلیب و اوشبو توغان‌ده ییترلیچه حربی موجود بولگنی‌نی ایتیب و نیاز بولگن صورتده، کمکی کوچلر یوباریلیشی‌نی بیلدیرگن ایدی.
دین عالم‌لرنینگ ایتیش‌لریچه، طالبان کروهی افغانستانده چیت‌ایللیک کوچلرنینگ حضوری‌گه بهانه قیلیب تینچ اهالی‌نی اولدیره‌ریدی؛ بیراق چیت‌ایللیک کوچلرنینگ چیقیش جریانی باشلنگنیدن سونگ، اولرنینگ زوروانلیک‌لری ایکی برابر بولگن.
بادغیس حاکمی حسام‌الدین شمس نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگن و بو گروه جنگریلری بادغیس مرکزی قلعه‌نو شهری گه داخل بولگن. شونینگدیک بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعه‌نو شهری گه ییتیشتیرگن.
هرات حاکمی عبدالصبور قانع نینگ ایتیشیچه، اوشبو ولایت نینگ چشت تومنیده جایلشگن امنیتی کوچلرنی یخشی شکلده سازمان بیریش اوچون بو تومن نینگ ایکینچی بولیمی‌گه انتقال بیرگنلر. هرات حاکمی نینگ سلما توغانی‌گه قرشی بولگن امنیتی تهدیدلرنی رد قیلیب ایتیشیچه، سلما توغانی‌گه قرشی امنیتی تهدیدلر بولگن مش‌مشلر ناتوغری دیر.
ملی اسلامی جنبش حزبی رهبری مارشال عبدالرشید دوستم، افغانستان اسلامی وحدت حزبی رئیس محمد محقق و اسلامی جمیعت حزبی نینگ اجره‌لگن شاخه‌سی رئیسی عطامحمد نور جهاد سابق قومندانلری و طرفدارلریدن طالبان‌گه قرشی بسیج بولیش‌لرینی سوره‌گنلر.
بدخشان ولایتی کینگش عضوی طلب‌الدین قادری نینگ سلام‌وطندارگه ایتیشیچه، اوشبو ولایت نینگ واخان، زیباک، اشکاشم و شغنان تومن‌لریده آتیشمه یوز بیرمه‌گن و طالبان جنگریلری تومن‌گه کیلمسدن آلدین امنیتی کوچلر مذکور تومن‌لرنی ترک قیلگن‌لر.
قندهار امنیتی مسئوللری نینگ ایتیش‌لریچه، بوگون توشدن کیین پارتلش ماده‌دن تولیق بولگن بیر موتر، قندهار شهری نینگ ۷- خوفسیزلیک حوزه‌سیده پارتله‌گن. قندهار پولیس قومندانلیگی سوزلاوچیسی نینگ سلام‌وطندارگه ایتیشیچه، بو پارتلش عاقبتیده بیر پولیس هلاک و بیر پولیس و ۲۰ تینچ‌اهالی شامل ۲۱ کیشی ایسه یره‌لنگن.
تاجیکستان جمهوررئیسی امام‌علی رحمان بو مملکت مدافعه وزیرلیگی گه، ۲۰ حربی نی افغانستان بیلن بولگن چیگره‌ده جایلشتیریشی خصوصیده بویروغ بیرگن. مملکت شمال و شمال‌شرقی ده آتیشمه‌لر کوپه‌یگنی باعث تاجیکستان بونده‌ی بیر قرار آلگن. سونگی پیت‌لرده طالبان گروهی بدخشان، قندوز و بلخ ولایت‌لریده هجوم‌لرینی کوپه‌یتیرگن.
بریتانیا سابق رسمی‌لری نینگ ایتیش‌لریچه، چیت‌ایللیک کوچلرنی افغانستاندن چیقیشی تروریستی شبکه‌لر اینیقسه القاعده نینگ قیته‌دن کوچلی بولیب و فعالیتگه باشله‌شی‌گه سبب بوله‌دی.
