افغانستان اسلامی امارت اعلامیه آرقهلی، آمریکا قوشمه ایالتلری جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی مصادره قیلیشی گه عاید فرمانی گه مناسبت بیلدیریب و اونی تحریک قیلووچی دیب و بو توغریده واشنگتن گه هشدار بیرگن.
« اندیپندنت فارسی» وبسایتی بیر منبعدن نقل قیلیب ایتیشیچه، پاکستان نینگ حربی استخبارات (آیاسآی) باشلیغی ندیماحمد انجم، جمعه کونی ترکیه پایتختی انقره شهریده افغانستان سیاسی حزبلر رهبرلریدن قطاری جملهدن مارشال عبدالرشید دوستم، عطامحمد نور و محمد محقق بیلن اوچرهشگن.
عربی بیرلشمه امارات ویزهسی نینگ ایستهگنلردن قطاری ویزهلری نینگ صادر بولمهگنی باعث، بوگون کابلده اعتراض قیلگنلر. اعتراضچیلردن قطاری سوداگرلر دیر، اولرنینگ ایتیشلریچه، اسلامی امارت قدرت گه ایریشمهگنیدن آلدین افغانستان گه کیلگن ایکنلر؛ بیراق ۸ آیدن بیری عربی بیرلشمه اماراتی گه کیتهآلمگنلر.
اسلامی امارت اقتصاد وزیرلیگی نینگ مسلکی معینی عبداللطیف نظری بامیان گه قیلگن سفریده، بوگون بامیانده اوتکزیلگن احتفالده اوشبو ولایت نینگ ۳۰۰دن آرتیق یشاوچیلری آره سیده نطق سوزلب، اولردن مملکت نینگ حاضرگی تیزیمی بیلن تعامل قیلیب و اوشبو تیزیم گه قرشی تورمسلیکلرینی طلب قیلدی.
لوگر امنیه قومندانلیگی مسئوللری نینگ ایتیشلریچه، اوشبو اداره پاسپورت آمریتی نینگ برچه تخنیکی قیینچیلیکلری حل ایتیلگن و پاسپورت ترقهتیش جریانی نی بوگون ینگی بیرلایحه بیلن باشله گنلر
چین تشقی ایشلر وزیرلیگی، آمریکا قوشمه ایالتلری جمهور باشلیغی جوبایدن نینگ، افغانستان مرکزی بانکی سرمایهلریدن بیر قسمی ۱۱سپتامبر هجومی قربانیلری نینگ عایلهلری گه تاوان اولهراق اجرهتیش قراری گه عکسالعمل کورسهتیب ایتیشیچه…
افغانستان مرکزی بانکی اوتگن کونی اعلامیه ترقهتیب ایتیشیچه، اوشبو مملکت گه نقدی انسان پرورلیک یاردملر دوام ایتر ایکن، باشقه ۳۲ میلیون دالر کابل گه ییتیب کیلگن.
بدخشان محلی مسئوللری نینگ ایتیشلریچه، اوتگن کونی بیرینچی مرته مملکتده سونگی سیاسی اوزگریشلردن کیین، مذکور ولایت معلومات و مدنیت ریاستیده اوتگزیلگن احتفالده نیسا مبارز اوشبو ولایت نینگ عیاللر نمایندهسی صفتیده تانیشتیریلدی.
افغانستان سوداگرلیک و سرمایهیاتقیزووچی اتاق مسئوللری آمریکا جمهور رئیسی جو بایدن نینگ افغانستان نی باغلنگن پولی ذخیرهلری آزاد بولیشی و اونینگ انسانی یاردم و ۱۱_سپتامبر هجوملریده قالگنلرگه غرامت توللش اوچون اختصاص بیریلگنی خصوصیدهگی صادر بولگن بویروغی گه عکسالعمل کورستهتیب و ایتیشلریچه، مذکور بویروغ مملکت خصوصی سکتوری گه شدتلی شکلده زیان ییتیشتیریشی ممکن.
مملکت سابق جمهور باشلیغی حامد کرزی، آمریکا قوشمه ایالتلری جمهور باشلیغی جوبایدن نینگ افغانستان داراییلریدن بیر قسمی ۱۱سپتامبر هجومی واقعهلری قربانیلری نینگ عایلهلری گه اجرهتیلیش قراریدن تنقید قیلیب ایتیشیچه، آمریکا بو قرارینی قیته تیکلشی کیرهک.
اوکراین بحرانی دوام ایتیشی و اوشبو مملکت گه روسیه نینگ حربی احتمالی هجوم قیلیشی کوچهیر ایکن، آمریکا قوشمه ایالتلری نینگ جمهور باشلیغی جوبایدن، روسیه جمهوررئیسی ولادیمیر پوتین بیلن تیلیفونی سوزلشدی.
اوتگن کون آمریکا جمهوررئیسی جو بایدن افغانستان ارزی ذخیرهلریدن ۷ میلیارد دالری نینگ آزاد بولیشی خصوصیدهگی فرمان نی امضا قیلدی. مذکور بویروغ اساسیده، ۳.۵ میلیارد دالر افغانستانده انسانی فاجعه و انساندوستلیک یاردملر نی حل قیلیش اوچون و…
افغانستان انسان حقوقی و عیاللر اوچون آمریکا خاص نمایندهسی رینا امیری، نیچه دقیقه آلدین توییتر صحیفهسیده یازیشیچه، اوتگن کون اسلامی امارت کوچلری بیر یشش اویگه هجوم کیلتیریب ۲۹ عیال شامل ۴۰ کیشی نی قولگه آلگن. او، مذکور هجوم علتی و محلی خصوصیده هیچ بیر نرسه دیمهگن.
آمریکا جمهوررئیسی جو بایدن افغانستان پولی ذخیرهلری نینگ آزاد بولیشی اساسیدهگی بویروغدن کیین، مملکت مرکزی بانکی مذکور قرار نی ناعادلانه دیب و اوشبو زمینهده فکری نی تغییر بیریش نی سورهگن. مذکور بانک بوگون بیر اعلامیه ترقهتیب ایتیشیچه…
اوکراین دهگی وضعیت کیسکینلشیدن کیین، کانادا تشقی ایشلر وزیرلیگی فقرالریدن اوشبو مملکتنی تیزلیک بیلن ترک ایتیش لرینی طلب قیلگن. آناتولی آژانسی گه کوره، کانادا تشقی ایشلر وزیرلیگی بوگون کانادالیکلردن روسیه تهدیدلری و قورالی توقنهشیش خوفی آشر ایکن اوکرایندن چیقیش بویروغینی صادر ایتگن.
آمریکا تشقی ایشلر وزیری آنتونی بلینکن، بوگون توییتریده اعلان قیلیشیچه، اوشبو مملکت جمهور باشلیغی جوبایدن نینگ اجرائی فرمانی اساسیده، افغانستان مرکزی بانکی نینگ آمریکا قوشمه ایالت لری دهگی برچه دارایی لریدن ۳.۵ میلیارد دالری افغانستان خلقی گه اجرهتیلگن.
