آمریکا بیرلشمه ایالتلر تشقی ایشلر وزیرلیگی، افغانستانده خلقارا میدیالر نینگ تلویزیونی دستورلری توختهتیلیشی خصوصیده اسلامی امارت قراریدن خواطر بیلدیریب، سرپرست حکومتدن افغانستان یشاوچیلری نینگ حقوقینی رعایت ایتیشینی سورهگن.
خلقارا کیچیریم تشکیلاتی گه کوره، عیاللرنینگ تعلیم آلیش حقیگه انکار قیلیش افغانستان نینگ اجتماعی و اقتصادی ترقیاتی گه سلبی تاثیر تشلهدیلدی و دنیا جماعهسی اسلامی امارت بیلن سوزلهشوده خاتین قیزلرحقوقینی اوز قیزیل چیزیغی اولهراق قرار بیریشی کیرهک.
باختر دولت آژانسی اوز توییتریده، اسلامی امارت امر معروف و نهی منکر وزیرلیگی نینگ اطلاعات و عامه مناسبتلر سوزلاوچیشی و باشلیغی محمدصادق عاکفدن نقل قیلیب، جناب عاکف مذکور آژانس بیلن تیلیفونی علاقهده، دولت ادارهلریده «ساقال» یا «کلهپوشی یوق» کیشیلر نینگ منع قیلیش گه عاید برنامه یا طرحلری حاضرگچه بولمهگنیدن خبر بیرگن.
اسلامی امارت استخبارات کوچلری بوگون ایرتهلب قندهارده سلاموطندار نینگ همکار رادیوسی، څانگه محلی رادیو گه هجوم قیلیب و اوشبو رادیو مسئولی نی قولگه آلگنلر. مذکور رادیو رئیسی آغاشیر منار نینگ سلاموطندار گه ایتیشیچه…
کابلده ایکی اوچ ییل آلدین مکتبلردن فارغ بولگنلردن قطاری نینگ ایتیشلریچه، معارف وزیرلیگی تامانیدن شهادتنامه بیریلمسلیگی اولرنی قیینچیلیکه روپهرو قیلگن. اولر نینگ ایتیشلریچه، ایش و تحصیلی بورسیه اوچون شهادتنامه گه نیازمندلر
کابل و ولایتلر آرهسیده قتناوچی بیر قطار یوللاوچیلر، ترانسپورت اجارهسی یوقاریلیگیدن شکایت قیلیب ایتیشلریچه، ترانسپورتی شرکتلر، یوللاوچی موترلر نینگ یول حقینی کوپهیتیرگن.
بیرلشگن ملتلر تشکیلاتی نینگ آزیق-آوقت و ایکینچیلیک تشکیلاتی (فائو)، افغانستان ایکینچیلیک بولیمی حمایت بولیشینی طلب قیلیب ایتیشیچه، ایکینچیلیک بیر مملکت اقتصادیاتی و خوفسیزلیگی نینگ اساسی دیر.
افغانستان مرکزی بانکی بوگون بیر خبرنامه ترقهتیب ایتیشیچه، افغانی پول برابریده دالر نرخینی پس توشیریش اوچون ایرته ۱۲ میلیون دالرنی لیلام شکلده ساتهدی. مذکور بانک نینگ خبرنامهسی اساسیده، اوشبو مقدار پول نینگ داوطلبلیگی ایرته (سهشنبه، ۹ حمل) یولگه قوییلیشی کوتیلهدی.
قندهارده «ملت غژ» محلی رادیوسی مسئوللری نینگ ایتیشلرچه، اسلامی امارت استخبارات کوچلری اوشبو رادیو ادارهسیگه هجوم قیلیب مذکور رادیو خادملریدن ۳ تهسینی قولگه آلگنلر.
اسلامی امارت تامانیدن افغانستانده خلقارا تلویزیونلر نینگ دستورلری توختهتیلیشیدن کیین، معلومات و مدنیت وزیرلیگی متصدیلری نینگ ایتیشلریچه، بو قرار مذکور میدیالر تامانیدن «اسلام قانون-قاعدهلری و افغانی کلتور رعایت ایتیلمسلیگی» باعث آلینگن.
بیرلشگن ملتلر تشکیلاتی خوف سیزلیک کینگشی نینگ اعضاسی اسلامی امارتدن تعلیم آلیش حقیگه حرمت قیلیب و ۶- صنفدن یوقاری قیزلر مکتبلرینی آچیلیشی توغریسیدهگی قیلگن تعهدلرینی آرتده سورمسدن، عملگه آشیریشلرینی سورهگن.
پاکستان میدیالری نینگ گزارشی اساسیده، اوشبو مملکت پارلمانی، بوگون (دوشنبه، سکیز حمل) پاکستان باش وزیری عمرانخان گه ایشانچ آواز بیریش یا بیرمسلیک اوچون آواز بیریش جریانینی باشلشی کوتیلهدی، بو جریان ییتی کونگچه دوام ایتیشی ممکن.
خلقارا میدیالر نینگ گزارشی اساسیده، اسلامی امارت افغانستان نینگ محلی تلویزیون لری گه، خلقارا تلویزیونلر جملهدن بیبیسی نینگ دستورلرینی توختهتیش بویروغینی بیرگن.
ترانسپورت و هوانوردلیک وزیرلیگی نینگ عامه مناسبتلر مسئولی امامالدین احمد نینگ سلاموطندار گه ایتیشیچه، اسلامی امارت تامانیدن قوشمه بیر هیأت اوزبیکستان سفر قیلگن. اونگه کوره، اوشبو سفردن مقصد، اوزبیکستان، پاکستان وافغانستان آرهسیده ترانزیتی یوللرنی آچیش دیر.
«آزادلیک و تینچلیک اوچون افغان عیاللری» مؤسسهسی ۶-صنفدن یوقاری قیزلر نینگ مکتبلری یاپیق قالیشی گه عاید اسلامی امارت معارف وزیرلیگی نینگ قراریدن تنقید قیلیب ایتیشلریچه، «اسلامی امارت قیزلر نینگ مکتبلرینی باغلش اوچون منطقی دلیللری یوق و قیزلر نینگ تعلیمی سیاست قربانی بولمسلیگی کیرهک.»
بوگون کابلده عیال و قیز اوقووچیلریدن قطاری، ۶ صنفدن یوقاری قیزلر گه مکتب باریش اجازهسی بیریلمسلیگی باعث اعتراض بیلدیردیلر. مذکور اعتراضچیلر، بوگون ایرتهلب کابل نینگ صدارت سرکیده ییغیلیب و عدالت سورهش شعارلری بیلن اعتراض قیلدیلر.
