افغانستان بوییچه آمریکا ایلچیخانهسی نینگ سرپرستی یان مککری، مملکتده کوکنار و برچه نشهلی مخدره مادهلر ایکیلمسلیگی خصوصیده اسلامی امارت رهبری هبتالله آخوندزاده نینگ بویروغینی خوش قرشیلهگن.
کابل شهری دهگی عمده ساتوووچیلردن قطاری نینگ ایتیشلریچه، روسیه و اوکراین اوروشی ییگولیک مادهلر قیمتی اوستیگه تاثیر قیلیب و قریب ایکی هفتهدن بویان آزیق-اوقت نرخی آشگن. اولر نینگ ایتیشلریچه، اون، یاغ، شکر و برنج قیمتی ۲۰۰ دن ۳۰۰ افغانی گه آشگن.
بیرلشگن ملتلر تشکیلاتی، افغانستان خلقینی قوللب قوتلش اوچون کوچلی ریجه بولمسه، انسانی بویوک بحراننی آلدینی آلیش قیین دیب آگاهلنتیرگن.
بنگوار مادهلرنی ایکیش و قاچاقی منع ایتیلیشیدن بیر کوندن کیین، مملکت نینگ جنوبی ولایتلرده بنگومار مادهلر نینگ نرخی کوزگه کورینرلی درجهده آشگن. ارزگان و قندهار ولایتلریده تریاک ایشلری بیلن مصروف بولگنلردن قطاری نینگ سلاموطندار گه ایتیشلریچه، تریاک نرخی اوتمیش گه نسبتن ایکی برابر بولگن.
اسلامی امارت مالیه وزیرلیگی بوگون بیر بیانیه ترقهتیب ایتیشیچه، کابینه و اقتصادی کمیسیون نینگ قراری اساسیده، کیچیک تجارتلر مالیهلری ۱.۵ فایزدن ۰.۵ فایز کمهیتیریلگن.
افغانستان مرکزی بانکی بوگون بیر خبرنامه ترقهتیب ایتیشیچه، افغانی پول برابریده دالر نرخینی پس توشیریش اوچون ایرته ۱۲ میلیون دالرنی لیلام شکلده ساتهدی. مذکور بانک نینگ خبرنامهسی اساسیده، اوشبو مقدار پول نینگ داوطلبلیگی ایرته (سهشنبه، ۱۶ حمل) یولگه قوییلیشی کوتیلهدی.
پاکستانده سیاسی قرمهقرشی لیکلر اوج آلیب و اوشبو مملکت پارلمانی عمران خان نینگ التماسی و پاکستان جمهوررئیسی نینگ تصدیقی بیلن منحل بولگندن کیین، پاکستان حکومتی کابینهسی، عمرانخاننی باش وزیر لوازمیدن بر طرف ایتدی
پاکستان ارتشی ستاد باشلیغی جنرال قمر جاوید باجوه، اسلامآباده اوتکزیلگن خوفسیزلیگ ییغینده ایتیشیچه، افغانستان بیلن همکارلیک بولمهگن تقدیرده، قاچقینچیلیک بحرانی نه فقط حل بولمهیدی؛ بلکه عصیانچی گروهلر گه ۱۱ سپتامبر هجوملرینی عملی قیلیش گه زمینه یرهتیشی ممکن.
ایمرجنسی کسلخانهسی نینگ اعلام قیلیشیچه، بوگون توشدن آلدین کابل شهری شهزاده سراییده اویوشتیریلگن پارتلش نتیجهسیده، ۱ هلاک و ۵۹ یرهلی کیشی اوشبو کسلخانه گه انتقال بیریلگن. ایمرجنسی کسلخانهسی توییتریده یازیشیچه، ۳۳ دن آرتیق یرهلی کیشی مذکور کسلخانه گه قبول قیلینگن.
پاکستان میدیالری نینگ معلوماتی اساسیده، اوشبو مملکت باش وزیری عمرانخان گه ایشانچ آواز بیرمسلیک طرحی، بوگون پاکستان پارلمانیده آواز بیریش گه قویلیشی کوتیلر ایدی، بیراق مجلس رهبری تامانیدن رد بولگن. عینحالده، مذکور مملکت جمهور باشلیغی، عمرانخان نینگ التماسی گه بناً، پارلماننی منحل قیلگن.
بیرلشگن ملتلر تشکیلاتی نینگ بالهلردن حمایت قیلووچی صندوقی یا یونیسف، افغانستانده پارتلمهی قالگن ماینلر پارتلشی نتیجهسیده بالهلر تلفاتی کوپهیشیدن خواطر بیلدیرگن.
اسلام امیرلیگی رهبری هبتالله آخوندزاده، بیر حکم صادر قیلیب، بوتون مملکتده کوکنار و برچه بنگیوار مادهلر ایکیلیشینی تقیق لهگن. اوشبو بویروغ اساسیده، کوکنار ایکیش مملکت برچه حدودلریگه «مطلق روشده منع دیر و هیچ بیر کیشی نینگ اوشبو مادهلرنی ایکیش گه حقی یوق دیر.»
بیرلشگن ملتلر تشکیلاتی نینگ مهاجرلر ایشلری بوییچه عالی کمیشنری فیلیپو گراندی، دنیا جماعهسیدن افغانستاندن قوشنی مملکتلرده آواره بولگن مهاجرلردن آرقه داشلیک بیلدیریشینی سورهگن.
بیرلشگن ملتلر تشکیلاتی نینگ باش کاتبی آنتونیو گوترش ۶- صنفدن یوقاری قیز اوقوچیلر یوزیگه مکتبلر باغلنگنی دوامیدن خواطر بیلدیریب ایتیشیچه، اوشبو قرار بشر حقوقی برابریده اساس سیز دیر و بوتون مملکت اوندن ضرر کورهدی.
هرات حوزوی کسلخانه باشداکتری محمدعارف جلالی نینگ سلاموطندار گه ایتیشیچه، اوشبو واقعهدن ۴ جسد و ۲۵ یرهدار مذکور کسلخانه گه انتقال بیریلگن. باشقه بیر تاماندن، باختر دولتی خبرگزارلیگی نینگ اعلام قیلیشیچه…
افغانستان قوشنیلری تشقی ایشلر وزیرلری نینگ اوچینچی ییغینی مشترک بیر بیانیه ترقهتیش بیلن یکونلندی. اوشبو هفته نینگ چهارشنبه و پنجشنبه کونلریده اوتکزیلگن ییغینده، ایران، چین، روسیه، پاکستان، اوزبیکستان، تورکمنستان و تاجیکستان تشقی ایشلر وزیرلری اشتراک ایتگن ایدیلر.
