تورکیه دولت رهبری رجب طیب اردوغان، شنبه کونی، ۲۷ جوزا/ ۱۷ جون، اروپا اتفاقی کمیسیونی باشلیغی اورزولا فون بیلن تیلیفونی صحبتیده، اوشبو مملکت نینگ اروپا اتفاقی گه بوتونلی اعضا بولیشینی طلب قیلیب و مذکور اتحادیه تورکیهسیز بوتون ایمسلیگینی ایتگن.
نیچه مدت آلدین مرکزی بانک بیر اعلامیه ترقهتیب، خصوصی بانکلرده شخصی اکونتی بولگن کیشیلر هفته ده ۵۰ مینگ افغانی گه تینگ ۶۰۰ دالر آلیشلرینی تعیینلهگن؛ بیراق مذکور بانکلر نینگ مجازلری (مشتریلری) گه کوره، اوشبو بانکلر مرکزی بانک نینگ بویروغینی عملی قیلمهگن.
پنجشنبه کونی، ۲۵ جوزا، عامه منفعت وزیرلیگی سرپرستی محمدعیسا ثانی بیلن اوچرهشگن افغان_روس فیرمه باشلیغی رحیم سلیمان، سالنگلر قتناو یولینی تعمیرلش و قیته قوریش اوچون مذکور فیرمه نینگ علاقهمندلیگینی کورستگن.
سلاموطندار نینگ، سابق مسئوللر و حاضرگی تینچ اویلر یا که عیاللر نینگ قوللب_قوتلاوچی مرکزلر مسئوللری بیلن اوتکزگن صحبتلری نتیجهسیدن آلینگن خلاصهلر گه کوره، سابق حکومت زمانیده تشکیل ایتیلگن ۲۷ تینچ اوی دن حاضر یالغیز بیر تینچ اوی فعال بولیب و قالگنی یاپیلگن.
بوگون (پنجشنبه، ۲۵ جوزا) ناروی ده ایکی کون آلدین باشلنگن «فورم اسلو» ییغیلیشی سونگی کونی دیر. مذکور ییغیلیش ده افغانستان وضعیتی و انسان حقلری بحث گه آلینیشی ایتیلگن بولسه ده، بیراق اوشبو گزارش یازیلگونچه مذکور موضوعلر حقیده بحث ایتیلمهگن و بو ییغیلیش اوشبو ییل میدیالر حضورسیزلیگی بیلن یولگه قوییلگن.
میدانوردک تومنلریدن قطاری و میدانشهر یشاوچیلری، اوتگن اوروشلر جریانیدن پارتلمهی قالگن مادهلر و ماینلر بارلیگیدن شکایت قیلیب ایتیشلریچه، مذکور مادهلر پارتلشی، دایم اوشبو ولایت یشاوچیلری اینیقسه بالهلردن قربانلیک آلگن.
خبرچی عیاللردن بیر قطاری، خبری ییغینلردن قطاری گه شرکت قیله آلمسلیکلریدن تنقیدلب ایتیشلریچه، اولر برابریده یرهتیلگن چیکلاولر، ایشلری خصوصیده سلبی تاثیر قویگن دیر.
ناگرانلر و شهیدلر وزیرلیگی مسئوللری، بوگون (چهارشنبه کونی، ۲۴ جوزا)، کابل ده مطبوعاتی ییغیلیش ده ایتیشلریچه، مملکت بویلب ناگرانلر و شهیدلر عایله اعضالری نینگ بایومتریک قیلیش جریانی باشلنگن، بایومتریک بولمهگنلر مرکز و ولایتلرده ثبت نام قیلیشلری ممکن.
طبیعی آفتلرنی باشقریش ایشلری بوییچه دولت وزیرلیگی مسئوللری نینگ ایتیشلریچه، افغانستان ده ۲۰۲۳_ییل باشلهنیشیدن حاضرگه قدر اوتگن اوروشلردن قالگن ماینلر و یراغلر پارتلشی عاقبتیده، قریب ۳۰۰ کیشی هلاک بولگن.
جوزجان، غزنی و بادغیس ولایتلریده یالغیز سهشنبه کونی، ۲۳ جوزا، اوچ کیشی اوزلرینی دار گه آسیب یا ده آتیب اولدیرگنلر. جوزجان امنیه قوماندانلیگی سوزلاوچیسی عبدالستار حلیمی نینگ سلاموطندار گه ایتیشیچه، اوتگن کونی توش چاغی ساعت ۱۲:۳۰ اطرافی ده، اوشبو ولایت نینگ قرقین تومنی «شورتیپه» قیشلاغیده ۱۷ یاشر بیر قیز اوزینی دار گه آسیب اولدیرگن.
هرات خوفسیزلیک مسئوللری نینگ سلاموطندار گه ایتیشلریچه، اوشبو ولایتده بیر کیچه و کوندوزده ایکی حامله عیال اولدیریلگن.
ینگیلیکده، خلقارا آزیق_آوقات دستوری اورین باسری کارل سکاو بیلن اوچرهشگن اسلام امیرلیگی باش وزیرلیگی نینگ اداری اورین باسری عبدالسلام حنفی، دنیا تامانیدن یرهتیلگن تحریملر سرپرست حکومت نینگ سیاستلری اوستیده تأثیر قیلمهی و دنیا اوز تحریملری گه یکون بیریشی کیرهک دیگن.
اسلام امیرلیگی ییگولیک ماده و دارو ملی اداره مسئوللری، بوگون (سهشنبه، ۲۳ جوزا) کابل ده مملکت ده ایشلب چیقریلگن دارو کورگزمهسیده ایتیشلریچه، افغانستان یشاوچیلری هر ییلی بیر میلیارد دالرلیک دارو مصرف قیلهدیلر.
ایکینچیلیک، چاروهچیلیک و سوغاریش وزیرلیگی سهشنبه کونی، ۲۲ جوزا، اوز توییتری ده، اوشبو وزیرلیک سرپرستی تورکمنستان ایلچیسی بیلن اوچرهشگنیدن خبر بیرگن.
جناب زرداری، اسلام امیرلیگی حاکمیتیدن کیین پاکستان ده عصیانچی گروهلر هجومی کوچهیشیدن خواطر بیلدیرسه ده، بیراق دنیا مملکتلریدن اسلام امیرلیگی بیلن تعامل قیلیشلرینی طلب قیلگن. اسلام امیرلیگی پاکستان تشقی ایشلر وزیری نینگ اوشبو بیاناتی گه مناسبت بیلدیریب ایتیشیچه، پاکستان نینگ ایچکی مسئلهلری اسلام امیرلیگی گه تیگیشلی ایمس دیر.
تورکیه میدیالری نینگ معلوماتی اساسیده، اوشبو مملکت دولت رهبری رجب طیب اردوغان، بوگون (دوشنبه، ۲۲ جوزا/۱۲ جون) محلی وقت بیلن ساعت ۱۱:۴۰ ده شمالی قبرس گه سفر قیلگن.
