پاکستان تشقی ایشلر وزیری بلاول بوتوزرداری شنبه کونی الجزیره بیلن اوتکزگن صحبتیده، افغانستان ده اسلام امیرلیگی حاکمیتیدن کیین، پاکستان ده عصیانچی گروه‌لر نینگ هجومی کوچه‌یشینی معلوم قیلگن.
جناب زرداری، اسلام امیرلیگی حاکمیتیدن کیین پاکستان ده عصیانچی گروه‌لر هجومی کوچه‌یشیدن خواطر بیلدیرسه ده، بیراق دنیا مملکت‌لریدن اسلام امیرلیگی بیلن تعامل قیلیش‌لرینی طلب قیلگن.
اسلام امیرلیگی پاکستان تشقی ایشلر وزیری نینگ اوشبو بیاناتی گه مناسبت بیلدیریب ایتیشیچه، پاکستان نینگ ایچکی مسئله‌لری اسلام امیرلیگی گه تیگیشلی ایمس دیر.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی اورین باسرلریدن بلال کریمی نینگ سلام‌وطندار گه ایتیشیچه، اسلام امیرلیگی بیلن تعامل قیلیش اوچون تلاش‌لرنی خوش قرشی له‌یدیلر، بیراق اسلام امیرلیگی برچه مملکت‌لرده دایمی صلح و ثبات برقرار ایتیلیش طرفداری دیر.
او نینگ کوپه‌یتیریشیچه: «پاکستان نینگ ایچکی مسئله‌لری افغانستان گه هیچ علاقه‌سی یوق، اسلام امیرلیگی حاکمیتیدن کیین افغانستان ده صلح و ثبات تأمینلنگن، اسلام امیرلیگی برچه اولکه‌لرده امنیت تأمین ایتیلیش طرفداری دیر.»
افغانستان ده ایکینچی مرته اسلام امیرلیگی حاکمیتیدن کیین، پاکستان سان_سناق‌سیز قانلی هجوم‌لر گواهی بولیب و مذکور هجوم‌لر نینگ کوپ سانده مسئولیتینی پاکستان‌لیک طالبلر تحریکی (تی‌تی‌پی) تن آلگن؛ اوشبو گروه اسلام امیرلیگی بیلن یقین مناسبتی بارلیگی ایتیله‌دی.
ایش بیلرمان‌لر نینگ ایشانچی گه کوره، پاکستان «تی‌تی‌پی» تهدیدلریدن خواطرده بولسه ده، بیراق تشقی سیاستی اوچون بو مسئله دن قوللنماقده.
سیاسی ایش بیلرمان طارق فرهادی گه کوره: «بلاول بوتو تی‌تی‌پی گروهی حقیده گپیره‌دی، چونکه پاکستان ده اوشبو گروه هر کونی عملیات قیلیب و عسکرلرینی اولدیره‌دی.»
بیزلرنینگ توییترده هم تعقیب قیلینگ!
خلق‌ارا مناسبت‌لر ایش بیلرمانی نورالرحمان ثاقب نینگ ایتیشیچه: «پاکستان بو مسئله دن فایده‌لنیش گه مجبور دیر، کونسه‌یین امنیت کیسکین‌لشماقده و دنیا اولکه‌لریدن افغانستان نینگ حاضرگی حکومتی بیلن تعامل قیلیشنی ایسته‌یدی.»
پاکستان رسمی‌لری نیچه مرته افغانستان ده «تی‌تی‌پی» اعضالری نینگ فزیکی حضوری بارلیگینی ایتگن، بیراق اسلام امیرلیگی بو بیانات‌لرنی رد قیلیب و افغانستان توپراغیده هیچ بیر گروه گه خارجی مملکت‌لر گه قرشی فعالیت قیلیش اجازه‌سی بیریلمسلیگیدن ایشانچ بیرگن.
