نیچه مدت آلدین مرکزی بانک بیر اعلامیه ترقه‌تیب، خصوصی بانک‌لرده شخصی اکونتی بولگن کیشی‌لر هفته ده ۵۰ مینگ افغانی گه تینگ ۶۰۰ دالر آلیش‌لرینی تعیینله‌گن؛ بیراق مذکور بانک‌لر نینگ مجازلری (مشتری‌لری) گه کوره، اوشبو بانک‌لر مرکزی بانک نینگ بویروغینی عملی قیلمه‌گن.
میوند بانک مشتری‌سی ممتاز الکوزی و عزیزی بانک مشتری‌سی متین بیگ نینگ ایتیشلریچه، بانک دن هفته ده بیر مرته یا که ایکی هفته ده یالغیز ۱۰۰ دالر آله‌دیلر.
میوند بانک مشتری‌سی ممتاز الکوزی نینگ ایتیشیچه: «ایکی ییل ده بیر مینگ دالر پول نی چیقره آلمه‌دیم، هفته ده بیر مرته ۱۰۰ دالر بیره‌دی کوپ قیینچیلیک بیلن دوچ میز، ایشلاوچیلر معاشینی بیریب و خام مواد آلیشیمیز کیره‌ک، ۱۵ کون ایچیده بو ۱۰۰ دالر قیسی دردیمیزنی دوا قیلسین.»
بیزلرنینگ فیسبوک صحیفه‌میزگه باش اورینگ!
عزیزی بانک مشتری‌سی متین بیگ گه کوره: «پولیمیز بند قالگن، پول آزلیگی بیلن روپه‌ره‌میز، تانیشی بولگن‌لر گه ۲۰۰ دالر بیریشه‌دی و باشقه‌لر گه ۱۰۰ دالرنی قیین‌لیک بیلن بیره‌دیلر، مرکزی بانک هفته ده ۶۰۰ دالر بیریلیشینی تعیین قیلگن، لیکن عملی قیلینمه‌یدی.»
باشقه تاماندن، مرکزی بانک ترقه‌تگن سونگی بیانیه‌سیده، شرکت‌لر آیی ده اوز اکونت‌لریدن ۴۰ مینگ دالر چیقریش گه حقی بارلیگینی تعیینله‌گن؛ بیراق اولر گه کوره، قریب ایکی ییل ایچیده اکونت‌لریدن هیچ پول چیقریشمه‌گن.
شرکتی اکونتی بولگن رحمان رحمانی و رفیع ابراهیمی نینگ ایتیشلریچه، پولی قیینچیلیک باعث ایش و تجارت‌لرینی قولدن بیرگنلر.
رحمان رحمانی گه کوره: «بیر یریم ییل دن بیری پول بیریشمه‌یدی، بانک گه مراجعت قیلسک کوتینگ‌لر دییشه‌دی، حاضر تیریکچیلیک اوچون پولیمیز یوق، هیچ بولمسه هفته ده ۵ فایز، ۳ فایز یا که ۱ فایز بیرسین‌لر.»
رفیع ابراهیمی نینگ کوپه‌یتیریشیچه: «قریب بیر یریم ییل دن بیری حتا بیر افغانی آلگن یوق‌میز، قیینچیلیگیمیز کوپ، ۹۰ فایز پولیمیز بانک‌لرده بند قالگن بولسه شرکت قچانگچه فعالیت قیله‌دی؛ سالیق قیینچیلیگیمیز بار، برق دن قرضدارمیز، ایشلاوچیلر معاشی قالگن و فعالیت قیله آلمه‌یپمیز.»
بیزلرنینگ توییترده هم تعقیب قیلینگ!
برچه‌سی بیلن، عزیزی بانک ده بیر منبع نینگ سلام‌وطندار گه ایتیشیچه، عمومن آلگنده مملکت ده بانکدارلیک بولیمی پول تنقیص‌لیگی بیلن روپه‌ره دیر.
عین‌حالده، مرکزی بانک سوزلاوچیسی حسب نوری، اولکه یشاوچیلری گه قیینچیلیک‌لر تیزلیک بیلن حل ایتیلیشیدن ایشانچ بیره‌دی.
اونگه کوره: «اوشبو بانک رهبریتی هفته ده تجارتی بانک‌لر رسمی‌لری بیلن ییغین اوتکزیب و مشتری‌لری بیلن یخشی مناسبت ده بولیشنی ایسته‌یدی، یشاوچیلر گه تیزلیک بیلن موجود قیینچیلیک‌لر گه چیک قوییلیشیدن ایشانچ بیره‌میز.»
ایتیش کیره‌ک که، افغانستان مرکزی بانکی ۱۴۰۲_ییل حمل آیی ده بیر اعلامیه ترقه‌تیب بانک‌لردن پول آلیش مقدارینی کوپه‌یتیردی؛ بیراق اوشبو اعلامیه بانک‌لر تامانیدن حاضرگچه عملی بولمه‌گن.