پاکستان مدافعه وزیری خواجه محمدآصف، اوتگن کون (سهشنبه، ۱۳-سرطان)، تاجیکستان مدافعه وزیری شیرعلی میرزو بیلن اوچرهشیب ایتیشیچه، ایکی مملکت افغانستان بیلن قوشنی بولگنی سبب، خوفسیزلیک تهدیدلر بیلن روپهرهلر.
سهشنبه کونی، ۱۳ سرطان، هندوستان شانگهای همکارلیکلر تشکیلاتی گه اعضا مملکتلر باشلیغلری نینگ آنلاین ییغیلیش میزبانی ایدی، اوشبو ییغیلیش ده افغانستان ده عصیانچی گروهلر، بنگیوار مادهلر گه قرشی کورهش، همه شمول حکومت شکللنیشی، انسان حقلری رعایت ایتیلیشی و افغانستان گه انسان پرورلیک یاردملر دوام ایتیش موضوعلری بحث گه آلینگن.
بیرلشگن ملتلر تشکیلاتی نینگ افغانستان اوچون اورین باسرلیک هیاتی (یوناما) ایکی ییللیک ینگی استراتیژیسینی شریک قیلدی، مذکور تشکیلات نینگ استراتیژیسی اساسیده، کیلهسی ایکی ییل گچه افغانستان ده فعالیتلرینی دوام بیرهدی. اوشبو استراتیژی اساسیده، یوناما افغانستان ده انسان پرورلیک یاردملری و انسان حقلریدن مدافعه قیلیش نی اوستون قرار بیرهدی.
دنیا کاتولیک مسیحیلر رهبری پاپ فرانسیس، مسلمانلر نینگ مقدس کتابی (قرآن کریم) آلاو بیریلیشی اونی عصبی قیلگنینی ایتگن. پاپ دوشنبه کونی، ۱۲ سرطان/۳ جولای، الاتحاد کوندهلیگی بیلن اوتکزگن صحبتیده ایتیشیچه: «هر بیر کتاب مقدس سنلهدی، اعتقادی بولگنلر گه حرمت قیلیش اوچون کتابلر حرمت قیلینیشی کیرهک.»
خلقارا ییتکیرمهلر نینگ معلوماتی اساسیده، اسرائیل حربی کوچلری اوتگن ییگیرمه ییل ده کرانهی باختری گه قیلگن اینگ بویوک عملیاتلریدن بیری ده، دوشنبه کونی، ۱۲ سرطان/۳ جولای، کرانهی باختری جنین شهری گه هوایی هجوم قیلگن.
فرانسه ده بیر یاش ییگیت مذکور مملکت پولیسی تامانیدن آتیب اولدیریلیشی گه قرشی اعتراضلر دوام ایتر ایکن، حاضرگچه ۸۷۱ عمومی مکان آلاو بیریلگن.
افغانستان چیگره خوفسیزلیک مسئوللری، یکشنبه، ۱۱ سرطان، بامداد چاغی ساعت ۱:۰۰ اطرافی ده، ایران چیگرهچیلری افغانستانلیک بیش کیشینی چیگره حدودلرده آتیب اولدیرگنیدن خبر بیرگنلر. نیمروز چیگره خوفسیزلیک اوچینچی کندک سوزلاوچسی عبدالرحیم منور نینگ ایتیشیچه، قاچاق روشده ایران گه اوتیشنی قصد قیلگن مذکور بیش کیشی، ایران چیگرهچیلری تامانیدن آتیب اولدیریلگنلر.
فاریاب دهگی محلی منبعلر نینگ ایتیشلریچه، اوشبو ولایت نینگ خواجهسبزپوش تومنیده ماین پارتلشی عاقبتیده اوچ کیشی هلاک بولیب و باشقه اوچ کیشی یرهلنگن. منبعلر گه کوره، مذکور حادثه یکشنبه کونی، ۱۱ سرطان، توش چاغی ده خواجهسبزپوش تومنی «شباختو» منطقهسیده بالهلر بیر حولی ده اوینش پیتیده یوز بیرگن.
ایش ادارهسی عمومی ریاستی نینگ اداری اصلاحات و ملکی خذمتلر ادارهسی، ایکینیچلیک، سوغاریش و چاروهچیلیک وزیرلیگی بیلن، چهارشنبه کونی، ۱۷ جوزا، مذکور وزیرلیک نینگ اداری ایشلرینی قولیلشتیریش مقصدیده کیلیشونامه امضالهگنلر.
فرانسه ییتکیرمهلری نینگ معلوماتی اساسیده، اوشبو مملکت ده پولیس تامانیدن بیر یاش ییگیت آتیب اولدیریلیشی گه دایر بیشینچی کیچه ناراضیلیکلر دوامیده، یوزلب کیشی حبس گه آلینگن.
جمعه کونی، ۹ سرطان/ ۳۰ جون، مغولستان نینگ «اولانباتور» شهری ده ییغیلیش اوتکزگن فرانسه، جرمنی، اندونیزیا، لیختناشتاین، مغولستان و جنوبی آفریقا اولکهلری نینگ عیال تشقی ایشلر وزیرلری، افغانستان ده اسلام امیرلیگی تامانیدن عیاللر گه یرهتیلگن چیکلاولردن تنقید ایتگنلر.
فاریاب مرکزی میمنه شهری بلدیهسی مسئوللری، شهر ترتیبی اوچون بیر آی دن بویان ایسکی دکانلرنی بوزیب و قیته قوریش جریانی باشلنگنیدن خبر بیرهدیلر.
تخار خوفسیزلیک مسئوللری اوشبو ولایت مرکزی و تومنلریده خوفسیزلیک تدبیرلر آلینگنیدن خبر بیریب ایتیشلریچه، هییت کونلریده اهالی گه تشویش ایجاد بولمهسلیگی اوچون هیچ کیم گه رخصت بیریلمهیدی.
کابل یشاوچیلریدن قطاری اسلام امیرلیگی رسمیلریدن، هییت کونلریده گوجوملیک کوچهیشی و مغرض کیشیلر نینگ سوءاستفاده قیله آلمسلیگی اوچون، خوفسیزلیگ چاره تدبیر کوریشلرینی طلب قیلهدیلر.
اسلام امیرلیگی حاکمیتیدن قریب ایکی ییل اوتسه ده؛ بیراق دنیا همجمعیت نینگ ظاهری روشده تلاشلری بیلن، افغانستان ده حاضر هم سیاسی، اقتصادی و انسان حقلری وضعیتی بحرانلی دیر.
«مرکزی ۳۱۳» قول اردو اورین باسری امینالله طیب، سلاموطندار بیلن اوتکزگن صحبتیده، قربان هییت بیرمی کونلریده مرکزی زون اینیقسه کابل خوفسیزلیگینی تأمینلش اوچون، ۱۰ مینگ عسکر وظیفهلنتیریلگنینی ایتگن. مرکزی ۳۱۳ قول اردو اورین باسری نینگ کوپهیتیریشیچه، اسلام امیرلیگی حاکمیتیدن کیین اولکه بویلب امنیت تأمینلنگن بولسه ده؛ بیراق هییت کونلریده هیچ واقعه صادر بولمسلیگی مقصدیده سعیوحرکت قیلماقدهلر.
