قطر پایتختی دوحه شهری ده بیرلشگن ملتلر تشکیلاتی میزبانلیگی بیلن چمهسی ۱۰ کوندن سونگ افغانستان وضعیتی گه دایر مهم ییغیلیش اوتکزیلیشی کوتیلهدی، بیراق اسلام امیرلیگی اوشبو ییغیلیش ده وکیلی نینگ اشتراک قیلیشی یا که قیلمسلیگی خصوصیده حاضرگچه نهایی قرار آلمهگن.
پاکستان ده پارلمانی و ایالتی سیلاولر بوگون (پنجشنبه، ۱۹-دلو) خوفسیزلیک جدی چارهتدبیر کوریلیشی بیلن باشلنگن.
اسلام امیرلیگی تشقی ایشلر وزیرلیگی سرپرستی امیرخان متقی، کابل ده اوزبیکستان ایلچیسی یادگار خواجه شادمانوف بیلن اوچرهشگن.
تورکمنستان ده روسیه نینگ تجارتی نمایندهلیگی باشلیغی الکساندر الیزاروف بو مملکت ده افغانستان ایلچیخانهسی سرپرستی فضلمحمد صابر بیلن اوچرهشوو ده، روسیه شرکتلریدن بیرقطاری افغانستان ده «عامالمنفعه» پروژهلر اوستیگه سرمایه یاتقیزیش گه قیزیققنلرینی ایتگن.
معلوماتلر گه کوره، اسراییل سوریه حربی کوچلری نینگ بیر قطار قرارگاهلری و حمص ولایتیده هوا قرارگاهسینی راکته بیلن نشانگه آلگن.
عالی اوقوو وزیرلیگی یشش محیط دن حفاظت قیلیش ملی اداره همکارلیگی بیلن ننگرهار بیلیم یورتی ده اوشبو هفته «اقلیم اوزگریش» عنوانی ده خلقارا ییغیلیش دن میزبانلیک قیلیشی کوتیلهدی.
چین پایتختی بیجینگ ده افغانستان ایلچیخانهسی، افغانستان نینگ اوشبو مملکت دهگی فقرالری گه پاسپورت توزیع قیلیش جریانی باشلنگنیدن خبر بیرگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۱۶-دلو، دوشنبه کونی، ۱۷ میلیون امریکالیک دالرنی داوطلبلیک آرقهلی لیلام قیلیشینی یازگن.
افغانستان سرپرست حکومت تشقی ایشلر وزیرلیگی سوزلاوچیسی عبدالقهار بلخی، ۱۴-دلو، شنبه کیچه، ایکس اجتماعی ترماغی ده، افغانستان ده بیرلشگن ملتلر تشکیلاتی اورین باسرلیک هیئت دفتر باشلیغی روزا اوتونبایوا و بیرگه هیئتی، تشقی ایشلر وزیرلیگی سرپرستی امیرخان متقی بیلن اوچرهشگنیدن خبر بیرگن.
کابل ده امریکا ایلچیخانهسی آچیلیشی گه دایر گزارشلر ترقهلیشیدن سونگ، سرپرست حکومت سوزلاوچیسی ذبیحالله مجاهد نینگ ایتیشیچه، امریکا کابل ده ایلچیخانهسینی آچگن حالده، اسلام امیرلیگی خوش قرشی لهیدی.
بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهری ده بیر کیشی، عایلهسی نینگ تورت اعضاسینی اولدیرگن.
لوگر امنیه قوماندانلیگی مسئوللری گه کوره، اوشبو ولایت ده بیر کیشی عایلهسی نینگ آلتی اعضاسینی آتیب اولدیرگن. بو واقعه ۱۳-دلو، جعه کونی عصر پیتی، مذکور ولایت نینگ خوشی تومنی «بالاده» قیشلاغیده یوز بیرگن.
ایچکی ایشلر وزیرلیگی گه کوره، سونگی ایکی ییل ده دولتی و خصوصصی نهادلر تامانیدن ۲۵۱ سایبری جنایی واقعه، اوشبو وزیرلیک نینگ سایبری جنایی واقعهلر گه قرشی کورهش ادارهسی تامانیدن ثبت بولگن.
امریکا نمایندهلر کینگشی نینگ خارجی مناسبتلر کمیتهسی ۱۱-دلو، چهارشنبه کونی بو مملکت سابق حربی کوچلری نینگ حضوری بیلن «اسلام امیرلیگی افغانستان ده امریکا حربی کوچلری نینگ سابق همکارلری دن قصاص آلیشنی تیکشیریش» عنوانی ده ییغیلیش اوتکزدی.
اسلام امیرلیگی ملی مدافعه وزیرلیگی سرپرستی محمدیعقوب مجاهد، اوتگن کون اوزبیکستان استخبارات و چیگرهلر باشلیغی عبدالسلام عزیزاوف و بیرگه هیئتی بیلن ایکی مملکت چیگرهلری خوفسیزلیگی، ایکی تامانلمه مناسبتلر مستحکملنیشی، اقتصادی و ترانزیتی همکارلیک و باشقه مسئلهلر حقیده بحث ایتگنلر.
سرپرست حکومت سوزلاوچیسی ذبیحالله مجاهد، چین ده اوشبو حکومت ایلچیسی بلال کریمی نینگ اعتبارنامهسی چین جمهور باشلیغی تامانیدن قبول قیلینیشینی بویوک یوتوق عنوان قیلگن.
