فراه ولایتی معارف رسمیلری، اوشبو ولایتده ۱۷ مکتب فایدهلنیشگه تاپشیریلگنینی معلوم قیلهدیلر. فراه معارف باشلیغی اخترمحمد زعیم نینگ سلاموطندار گه ایتیشیچه، دوشنبه کونی، ۶-حمل، مذکور ولایتده ۱۷ مکتب فایدهلنیشگه تاپشیریلگن. اونگه کوره، اوشبو مکتبلر ۱۰ میلیون ۵۷۷ مینگ افغانی خرهجت کوتاریب قوریلگن. زعیم جنابلری نینگ کوپهیتیریشیچه، بو ولایتده بیر قنچه مکتبلر بناسی اۉتگن اۉروشلر طفیلی بوزیلگن و قیته تعمیرلنیشی کېرهک.
سرپرست حکومت سۉزلاوچیسی ذبیحالله مجاهد گه کوره، اسلام امیرلیگی پاکستان بیلن مناسبتی یخشی بولیشینی اېستهیدی و افغانستان توپراغیدن باشقه مملکتلر اېنیقسه پاکستان گه قرشی فایدهلنیش اوچون هېچ کیمگه رخصت بیرمهیدی.
ارزگان مرکزی ترینکوت شهری ده بنگیوار مادهلر گه چلینگنلرنی دوالش یالغیز مرکزده، ۲۵ مینگ معتاد دوالنیشنی کوتماقده.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی اېرته (سهشنبه، ۷-حمل)، مملکت نینگ ۲۳ ولایتیده کوچلی قار و یامغیر یاغیب و بوران یوز بیریش احتمالیدن آگاهلنتیرگن.
احصائیه و معلومات ملی اداره گه کوره، ۱۴۰۲ ییل ده مملکتده اوچ میلیون ۱۲۴ کیشی گه برقی/الکترونیکی کیملیک توزیع قیلگنلر.
خلقارا سوو کونیدن «سوو ملی سرمایه دیر و اونی قوریقلش گه برچهمیز مسئول میز» عنوانیده کابل بیلیم یورتیده نشانلندی. اوشبو احتفالده کابل بیلیم یورتی مسئوللری، کابل شهریده ییر آستی سوولری سېزیلرلی درجهده پس توشهیاتگنیدن خواطر بیلدیریب ایتیشلریچه، کابلده سۉنگی ۱۵ ییل ایچیده ییر آستی سوولری ۱۵ متر پس توشگن.
اسلام امیرلیگی بوگون (یکشنبه، ۵-حمل) حکومت یېتکرمهلر مرکزی ده سرپرست حکومت ییریک رسمیلری و کابینه اعضالری نینگ حضوری بیلن، برق ایشلب چیقریش و سوداگرلیک مرکزلرنی قوریش بولیملریده تورت میلیارد افغانیلیک تورت لایحه شرطنامهسینی خصوصی شرکتلر بیلن امضالهگن.
ننگرهار معلومات و مدنیت ریاستی نینگ اطلاعات آمری صدیقالله قریشی گه کوره، تورخم بندری پاکستان رسمیلری تامانیدن، یولاوچیلر یوزی گه یاپیلگن. اونینگ کوپهیتیریشیچه، اوشبو بندر بوگون (یکشنبه، ۵-حمل) توشدن آلدین ساعت ۹:۰۰ اطرافیده یاپیلگن و پاکستان رسمیلری مذکور بندر نینگ یاپیش حقیده حاضرگچه هېچ نرسه دیمهگنلر.
معلومات و مدنیت وزیرلیگی سۉزلاوچیسی خبیب غفران بوگون (شنبه، ۴-حمل) سلاموطندار گه ایتیشیچه، اوشبو وزیرلیک نینگ مدنیت و صنعت معینی عتیقالله عزیز کابل ده چین امسیسی شرکت ینگی باشلیغی سونگ ون بینگ بیلن اۉچرهشگن.
پاکستانده سرپرست حکومت ایلچیسی سردار احمد شکیب نینگ سلاموطندار گه ایتیشیچه، اۉتگن کون اوشبو مملکت نینگ افغانستان ایشلری بوییچه مخصوص وکیلی آصف درانی بیلن اۉچرهشووده، پاکستان نینگ افغانستان گه هجوملری تکرار بولمسلیگی حقیده کېلیشگنلر.
سرپرست حکومت تشقی ایشلر وزیرلیگی بیر بیانیه ترقهتیب، روسیه پایتختی مسکو ده «موسیقه کنسرتی» ده اۉیوشتیریلگن هجومنی قارهلب و اونی «ترورچیلیک» دیگن.
روسیه ده موسیقه کنسرت سالونیده یوز بیرگن هجومده ۴۰ کیشی هلاک بولیب و باشقه ۱۰۰ دن آرتیق کیشی یرهلنگن.
قندهار ولایتی خوفسیزلیک رسمیلری، اوشبو ولایتده خودکش هجوم یوز بیرگنیدن خبر بیرهدیلر. قندهار امنیه قوماندانلیگی سۉزلاوچیسی اسدالله جمشید نینگ سلاموطندار گه ایتیشیچه، قندهار شهری بیرینچی خوفسیزلیک حوزه حدودلری «ینگی کابل بانک» یقینیده اۉیوشتیریلگن خودکش هجوم ده، اوچ کیشی هلاک بولیب و باشقه ۱۲ کیشی یرهلنگن.
افغانستان سرپرست حکومت معارف وزیرلیگی مسئوللری ۱-حمل، چهارشنبه کونی، کابل شهری امانی لیسهسی مکتبیده قونغیراقنی چلیش بیلن، ینگی اوقوو ییلنی «قیز اوقووچیلر» نینگ حضورسیزلیگی بیلن باشلهدیلر.
امریکا نمایندهلر کینگشی نینگ تشقی مناسبتلر ایشلری بوییچه کمیتهسی ۲۹-حوت، سهشنبه کیچه، امریکا اردوسی قۉشمه ستاد سابق باشلیغی جنرال مارک میلی و امریکا مرکزی قوماندانلیگی (سنتکام) سابق باشلیغی جنرال کنت مکنزی نی جوابگرلیکّه تارتیب و افغانستاندن امریکا نینگ چیقیشی خصوصیده ایضاح کېریتیشلرینی سۉرهگن.
اسلام امیرلیگی باش وزیری نینگ اداری اۉرین باسری عبدالسلام حنفی، افغانستان بویلب خوفسیزلیک تأمین اېتیلیشی، بنگیوار مادهلر و اداری فساد گه چېک قوییش اسلام امیرلیگی نینگ یوتوقلریدن بولیب و بو حکومت هېچ کیم یا گروه گه افغانستان توپراغیدن باشقه مملکتلر خوفسیزلیگی گه قرشی فایدهلنیش گه رخصت بیرمسلیگینی اېتگن.
