قندهار ۵۰۰۰ تُن سرب و جستی ساتیلدی
اسلام امیرلیگی کانلر و پترولیم وزیرلیگی، قندهار۵۰۰۰ تُن سرب و جستی، شفاف داوطلبلیکده ساتیلگنینی بیلدیردی.
اسلام امیرلیگی کانلر و پترولیم وزیرلیگی، قندهار۵۰۰۰ تُن سرب و جستی، شفاف داوطلبلیکده ساتیلگنینی بیلدیردی.
تخار ولایتی ایکینچیلیک، سووغاریش و چاروهچیلیک ریاستی، تجارتی باغدارلیکنی رواجلنتیریش و ایکینچیلیک محصولاتلری آشیریلیشی مقصدیده، اوشبو ولایتنینگ بیش تومنیده «املوک» باغلرینی قوریش جریانینی باشلهگن. تخار ایکینچیلیک ریاستی مسئوللریگه کوره، ایکینچیلیک ریاستینینگ تخنیکی هیئتی تامانیدن شرطنامه امضالهگن شرکت آرقهلی تیارلنگن ۲ مینگ ۸۰۰ املوک کوچت تېکشیریلگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن جبری شکلده اوچ مینگ بیش افغانستانلیک چیقریلگن.
افغانستان مرکزی بانکی مسئوللری، اوشبو قویاش ییل باشیدن حاضرگچه، تورلی لایتلردن قریب ۳ میلیارد افغانی اېسکیرگن پولنی ییغیب و آلاو بیرگنلرینی معلوم قیلهدیلر. اولر گه کوره، بازار احتیاجلرینی نظر گه آلیش و پولی سیاستلرنی رعایت قیلیش بیلن، آلاو بیریلگن پوللر عوضیگه، اوشبو مقدارده ینگی پولنی بازار گه ترقهتگنلر.
پروان قیشلاقلرنی رواجلنتیریش و قیته قوریش ریاستیده محلی مسئوللرنینگ ایتیشلریچه، بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف) مالی حمایتی بیلن، اوشبو ولایت بگرام تومنیده سوو ییتکزیش بیر ترماق قوریلهدی.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن تورت مینگ ۳۰۱ افغانستانلیک مملکت گه قیتریلگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ۵ مینگ ۷۶۴ افغانستانلیکنینگ جبری شکلده چیقریلگنینی معلوم قیلگن.
تورکیهنینگ بیر مینگ ۲۷۱ تُن آغیرلیگی بولگن ۱۲-انسان سیورلیک یاردملری، بوگون (۱۹-قوس/۱۰-دیسمبر، چهارشنبه) روزنگ تیمیر یولی آرقهلی هرات گه یېتیب کیلدی.
اۉزبېکستان و قزاقستان تیمیر یول قتناوینی آشیرهدی
اۉزبېکستان و قزاقستان کونلیک تیمیر یول قتناوینی آشیریش گه قرار قبول قیلگن. اۉزبېکستان یېتکرمهلریگه کوره، ایکی مملکت وکیللری تاشکینت شهریده اوچرهشووده بوندهی قرارنی قبول قیلگنلر.
معلوماتلر اساسیده، اوشبو اوچرهشوده دان و آزیق-آوقت محصولاتلرینی تشیش مسئلهلری محاکمه قیلینگن. مذاکرهلر نتیجهسیده اۉزبېکستان هر کونی کمیده ۱۰ ته دان آرتیلگن و بیشته آزیق-آوقت محصولاتلری یوکلنگن کامیوننی قبول قیلیشگه تیارلیگینی بیلدیرگن.
کیچیکیشلرنینگ آلدینی آلیش اوچون تامانلر تیمیر یول یولَکلری و برچه خذمتلرنی، جملهدن دم آلیش کونلری و بیرهملرده هم اوزلوکسیز فعالیتینی تأمینلشگه کیلیشیب آلگنلر.
جاری ییلنینگ دستلبکی ۱۱ آییده قزاقستان و اۉزبېکستان اورتهسیدهگی یوک تشیش حجمی ۲۸.۵ میلیون تُن گه یېتگن، اوتگن ییل گه نسبتن ۱۶ فایز گه آشگن. دان تشیش حجمی اېسه ۳۲ فایز گه کوپهیب، ۵.۶ میلیون تُن گه یېتگن.
هرات سودا و سرمایه یاتقیزیش اتاق مسئوللری، قویاش ۱۴۰۴-ییلنینگ بیرینچی ۹ آییده، ۳۰ میلیون ۳۵ مینگ دالر قیمتی گه، افغانستان زعفرانی دنیا بازارلریگه صادر قیلینگنینی معلوم قیلدیلر.
افغانستانده اروپا اتفاقی نمایندهلیگی، آغاخان جمغرمهسی همکارلیگی بیلن کابلده جایلشگن «بالاحصار»نی قیته تعمیرلشینی اعلان قیلدی. اوشبو نمایندهلیک، ۱۷-قوس/۸-دیسمبر، دوشنبه کونی ایتیشیچه، اوشبو تاریخی آبدهنی قیته تعمیرلش یانیده، ۳۰ کیشی گه عملی اوقیش امکانیتی یرهتیلهدی.
بدخشان ولایتی محلی رسمیلری، اوشبو ولایتده ۱۳ قنار چرس قاچاق قیلینیشی آلدی آلینگنیدن خبر بیرهدیلر.
هراتده پلاستیک صناعتی اویوشمهسی، اوشبو ولایتده ۸ بوجی و پلاستیک ایشلب چیقرووچی کارخانه فعالیت یوریتماقدهلیگینی اعلان قیلدی. هراتده پلاستیک صناعتی اویوشمهسی گه کوره، بو کارخانهلرده هر کونی ۱۰۰ تُن بوجی و پلاستیک ایشلب چیقریلهدی. اوشبو کارخانهلرده ایشلب چیقریلگن توارلر، هرات و باشقه ولایتلرنینگ بازارلریگه ساتیلهدی.
اسلام امیرلیگی کانلر و پترولیم وزیرلیگی، آمودریا حوزهسی قشقری حدودلریدن قزیب چیقریلگن ۱۸ مینگ تُن خام نفت، ساتیلگنینی بیلدیردی. کانلر و پترولیم وزیرلیگی، بوگون (۱۷-قوس/۸-دیسمبر، دوشنبه) بیر بیانیه ترقهتیب، اوشبو مقدار خام نفت ۱۰ میلیون ۵۰۰ مینگ دالر قیمتی گه ساتیلگنینی معلوم قیلدی.
تخار ایکینچیلیک، سووغاریش و چاروهچیلیک ریاستی، اوشبو ولایتنینگ چال تومنیده دهقانلر گه ۲۰ فلزی ایسیقخانه ترقهتیلگنینی معلوم قیلگنلر.
بلخ ولایتیده بیر سوداگرنینگ آلتی میلیون دالر سرمایه کیریتیشی بیلن، پلاستیکی «بوجی» و «ایپ» ایشلب چیقروچی بیر فابریکه ایشگه باشلهدی. اوشبو فابریکه، ۱۵-قوس/۶-دیسمبر، شنبه کونی، محلی مسئوللرنینگ اشتراکی بیلن، بلخ ولایتی مرکزی مزارشریف شهرینینگ صناعتی پارکلریده ایشگه باشلهدی.