غور یشاوچیلری، غور-کابل و غور-هرات قتناو یولی نینگ قربانیلرینی حقلریدن مدافعه قیلیش اوچون، بو قتناویول نی باغلهگنلر. اولر ۴ مادهلیک بیر قطعنامه صادر قیلیش بیلن آگاهلنتیریشلریچه، بو قتناویول خوفسیزلیگی تأمینلنیب و اهالی ایستهکلریگه ایریشگونگه قدر، قتناویول نی کیلیب-کیتیش یوزیگه آچمهیدیلر.
مملکت ملی خوفسزلیک مصلحتچیسی حمدالله محب، آمریکا ملی خوفسیزلیک مصلحتچیسی جیک سالیوان بیلن تلفنی صحبت اوتکزگن. ملی خوفسیزلیک کینگش دفتری بیر خبرنامه ترقهتیش بیلن ایتیشیچه، مذکور تلفنی سوزلشوو ده ایکی تامان امنیتی و ترورچیلیککه قرشی همکارلیکلر توغریسیده بحث قیلیشگن.
قشاقلیک و ایشسیزلیک هر ییل کوپینچه ییگیتلرنی مملکت نی ترک قیلیش گه زورلنتیرهدی و اولر یارقین بیر کیلهجک امیدی بیلن باشقه مملکتلر تامان کیتیشهدی. بولردن بعضیلری ایستهکلریگه ایریشیش اوچون قانونی یوللرنی تعقیب قیلهدی، بیراق باشقه بیر قطاری ایسه، مالی قیینچیلیک باعث مهاجرلیک اوچون ناقانونی یوللرنی تنلهیدی.
قویاش ۱۴۰۰- تعلیمی ییل باشلنگنیدن ایکی آی اوتماقده، بامیانلیک اوقووچیلر هر کون شور و شوق بیلن مکتب تامان کیتهدی و بیلیم اورگهنیش اوچون اوزون و قیین یوللرنی طی قیلیشهدی.
اوقووچیلرنینگ آنهلری و آتهلری فرزندلری مکتب کیتیشی اوچون، قیینچیلیکلرنی تحمل قیلیش بیلن قیشلاقلرده چاروا باقیشهدی.
محمداسلم تیمور فاریاب مرکزی میمنه شهریده دنیا گه کیلگن. او، عالی تعلیماتنی جوزجان بیلیم یوریتی نینگ مهندسلیک فاکولتهسیگه یکونلنتیرگن. جناب تیمور میدیا ده علاقمند بولگنی سبب، افغانستان میدیالریگه فعالیت قیلگن و حاضر سویس ده کمره ایشلرینی تخصصی شکلده اورگنگن.
جناب پاینده، فسادگه عیبلنگن کیشیلرنینگ کیملیکلرینی نمایندهلر کینگشی ییغینیده فاش قیلیشینی بیلدیرگن ایدی، لیکن فاش قیلمهگن.
عینحالده، نمایندهلر کینگشی اعضالریدن بیرقطاری نینگ تاکید قیلیشلریچه، گمرکلرده فساد ده عیبلنگن کیشیلرنینگ ناملرینی فاش ایتیلیشی کیرهک.
بوگون چهارشنبه افغانستان ده بالهلر ایشی نینگ محو قیلیش پروژه باشلهنیش برنامهسیده، ایش و اجتماعی ایشلر وزیرلیگی نینگ ایش معینی اجمل شاهپور نینگ ایتیشیچه، عایلهلرنینگ خبرسیزلیگی و بالهلر برابریده قویی باقیش، اولرنینگ ضرر کوریشی گه سبب بولگن. اونگه کوره، افغانستان ده بالهلر وضعیتی خواطرلی دیر.
بوگون “چهارشنبه” ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده کرونا ویروسیگه شبههلی ۳ مینگ و ۱۸۸ کیشی دن آلینگن نمونهلر سیناودن اوتکزیلگن و بوجملهدن ۶۲۳ تهسی نینگ نتیجهسی ایجابی تانیلگن.
قندهار نینگ ارغنداب، پنجوایی، ژیری و میوند تومنلری، ۵ آیدن بویان جدی آتیشمهلرگه شاهد دیر و ارغنداب تومنی ایسه، منطقهلریدن کوپینچهسی ماین دن تولیق بولگن بیر تومن دیر.
قندهار معارف ریاستی نینگ رسانه مسئولی نظرمحمد صمیمی نینگ سلاموطندارگه ایتیشیچه، اوروش باعث بو تومنده یوزلرچه عایله بدرغه بولگن.
بوگون “سهشنبه” باش قارهلاوچیلیک ادارهسی سوزلاوچیسی جمشید رسولی نینگ کابلده خبری بیر ییغین اوتکزیب ایتیشیچه، ۱۴۰۰- مالی ییل نینگ بیرینچی ربع ده اداری فساد گه عیبلنگن ۱۳۵۳ دوسیه تیکشیریلگن.
لغمان ولایتی نینگ بیرقطار تومنلریده طالبان جنگریلریگه قرشی حربی عملیات دوام قیلماقده و دولت رسمیلری نینگ ایتیشلریچه، طالبان نینگ هجومی کیینگه اوریلگن.
لغمان حاکمی اورین باسری رحمتالله یارمل نینگ ایتیشیچه، مذکور عملیاتلرده طالبان کوپ قطار جنگریلری هلاک و یرهلگن، لیکن طالبان سوزلاوچیسی ذبیحالله مجاهد نینگ ایتیشیچه، لغمان ده تصرف ایتیلگن منطقهلر حاضرده هم نظارتلریگه دیر.
ساغلیک وزیرلیگی نینگ اعلام قیلیشیچه، اوتگن ۲۴ ساعت ده مملکتده کرونا گه چلینگن ۱۹ کسل جان بیرگن و شونینگدیک ۸۴۰ ینگی ایجابی واقعه قید ایتیلگن. ساغلیک وزیرلیگی بوگون (سهشنبه ۴- جوزا) کرونا ویروسی توغریسیده کوندهلیک گزارشی نینگ ترقهتیش بیلن ایتیشیچه، اوتگن بیر کیچهوکوندوز ده کرونا گه شبههلی ۳ مینگ و ۴۸۹ کسل تیکشیریلگن.
بو ییر نیمروز شهری نینگ سونگی حدودلریدن دیر و مهاجرلیکدن قیتگن کیشیلردن کوپینچهسی، بو ییرده یشهیدی. مهاجرلیکدن قیتگن مهاجرلرنینگ ناقانونی مهاجرلیک یوللری و روزگارلریدن اَچیق حکایهلری بار.
افغانستان تشقی ایشلر وزیرلیگی تامانیدن نشر ایتیلگن مکتوب ده هند بوییچه افغانستان ایلچیخانهسی ایشلاوچیلریدن ۸ تهسی نینگ ایشی یکونلنگنی ایتیلگن.
اوشبو مکتوب اداغیده تشقی ایشلر وزیرلیگی نینگ سیاسی بولیمی اورین باسری میرویس ناب نینگ امضاسی بار و ۱ جوزا ده نشر ایتیلگن.
سیاسی ایش بیلرمانلردن بیری نورشاه نورانی نینگ ایتیشیچه، تینچلیک و چیتایللیک کوچلرنینگ چیقیش جریانی باشلنگن، انهشوو سبب، دولت و طالبان گروهی اهالینی توپلش بیلن اولرنینگ حمایتلرینی جلب قیلیش اوچون سعی و حرکت قیلهدیلر.
اوتگن کیچه مرکزی بغلان تومنی نینگ عمرخیل قیشلاغیده، ۷ حربی و ۳ تینچاهالی قماقخانه نینگ دیواری نی تخریب قیلگندن کیین، قاچیب و اوزلرینی حربی بیر قرارگاه گه ییتیشتیرگن. قاچیش گه موفق بولگن عسکرلردن بیری محمدالله نینگ ایتیشیچه، ۴۵ کون آلدین پلخمری شهری نینگ عمومی قتناویولیدن اوغیرلنگن ایکن.
