مملکت یشاوچیلریدن بیرقطاری نینگ ایتیشلریچه، افغانستانده اسلامی امارت حاکم بولگنی و مرکزی بانک پولی ذخیرهلری نینگ باغلنگنیدن سونگ، اون شامل دستلبکی مادهلر بهاسی نیچه برابر یوقاری کیتگن و اهالیگه ساتیب آلیش کوچی یوق دیر.
اوتگن کون دنیا نینگ ۲۰ سرمایهدار مملکتی نینگ رهبرلری، افغانستان گه انساندوستلیک یاردم بیریش اوچون، خاص مجازی ییغین یولگه قویدی.
مذکور ییغینده دنیا رهبرلریدن قطاری طالبان بیلن علاقهلر سقلهنیشی اوستیگه تأکیدلب بیراق ایتیشلریچه، بو طالبان نینگ رسمیت گه تانیش معناسیگه کیلمهیدی.
کامایر هوایی شرکتی نینگ پاکستان گه پروازلری توختهتیلگن. کامایر هوایی شرکتی مسئوللری نینگ ایتیشلریچه، نیچه کوندن بویان پاکستان ایچکی ایشلر وزیرلیگی ینگی قانونلر یرهتیش بیلن، یولاوچیلرنی کابل دن اسلامآباد گه انتقال بیریش اوچون اولرنینگ اوچاغی گه رخصت بیرمهیدی.
آقینه بندری ده تیل ساتیووچیلر بیرلشمهسی اعضالری نینگ ایتیشلریچه، بانکدارلیک سیستمی زیان کورگنی باعث، اوشبو بیرلشمه سقوط قیلیش عرفهسیده قرار تاپگن.
عصمتالله وردک، هرات صنعتی شهرچهسیده «کابل فولاد» ایشخانهسی نینگ مسئولی دیر. اونینگ ایتیشیچه، ۱۲ ییل آلدین ۲۰ میلیون دالر پول بیلن، بو ایشخانه نی قورگن ایکن. عصمتالله وردک نینگ ایتیشیچه، مملکتده سونگی اوزگریشلیکلر، بانکلرنینگ باغلنیشی، خام ماده یوقلیگی و ایشخانه ده موجود موادلرنینگ ساتیلمهگنی باعث، حاضر ایشخانهسی نینگ فعالیتی توختهگن.
آقینه بندری سوداگرلریدن بیرقطاری نینگ «تیسیآرسی/TCRC» ناملی بیر شرکت نینگ اخاذلیگیدن تنقید قیلیب ایتیشلریچه، اوشبو شرکت مافیایی دیر و تیل و گاز کیفیتینی تیکشیریش مقصد ده هر بیر تُن تواردن ۸ دالر پول آلهدی.
قالین صادر قیلووچیلر بیرلشمهسی نینگ حسابدارلیک مدیری عبدالودود خان نینگ ایتیشیچه، اسلامی امارت حاکم بولگنیدن سونگ، قالین نینگ صادراتی توختهگن و شونینگدیک، مملکتده هم ایستک کمهیگن.
برشنا شرکتی نینگ نشرات سرپرستی احمد مسعود نیکزاد، وارداتی برق قرضلری نینگ کوپهیشیدن خبر بیرگن. جناب نیکزاد نینگ ایتیشیچه، برشنا شرکتی ایران، اوزبیکستان، تاجیکستان و ترکمنستان مملکتلریدن کمیده ۶۲ میلیون دالر قرضدار دیر و بو شرکت نینگ بودجهسیده یالغیز ۵۰ میلیون دالری بار.
بوگون “دوشنبه” افغانستان سوداگرلیک و سرمایه یاتقیزووچی اتاقی، بیر اعلامیه نشر قیلیب قوشنی مملکتلر جملهدن پاکستان، ایران، اوزبیکستان و ترکمنستاندن افغانستان یشاوچیلری زیان کورمسلیگی اوچون اوشبو مملکت بیلن سوداگرلیک رابطهلرنی دوام بیریشلرینی سورهگن.
اوتگن کون کابل بوییچه چین ایلچیسی وانگ یو، بیر توییت آرقهلی سابق دولت سقوط قیلگنیدن کیین، مملکتی انساندوستلیک یاردملریدن بیرینچی محمولهسینی افغانستان یوبارگنی نی اعلام قیلدی. کابل بوییچه چین ایلچیسی نینگ ایتیشیچه، مذکور یاردملرگه کمپل و ایسیق کییملر شامل بولهدی.
افغانستان ایشلری بوییچه پاکستان باشوزیری نینگ خاص نمایندهسی محمدصادق خان، توییتر صحیفهسیده یازیشیچه، افغانستان دن وارد ایتیلهدیگن تازه میوهلردن (افغانستان دن پاکستان گه صادر ایتیلهدیگن میوه) مالیه نی کوتارگن.
رویترز کوندهلیگی تامانیدن نشر ایتیلگن گزارشگه کوره، چین تشقی ایشلر وزیری وانگ یی افغانستانگه قرشی اقتصادی تحریملر کوتاریلیشینی ایستهگن. رویترز گه کوره، چین تشقی ایشلر وزیری بو مسلهنی «گروه ۲۰» ییغینیده بیان قیلگن.
اونینگ ایتیشیچه، اوتگن ییل ۲۰ مینگ تن اوزوم صادر قیلگن ایدیلر، لیکن جاری ییلده ۴ مینگ تن هم صادر قیلیشگه موفق بولمهگنلر. اونینگ ایتیشیچه، ایکینچیلر خرهجتلرینی تامینلش اوچون اوزوملرینی زمانیده تیارلشگه موفق بولگن.
آذیق-آوقت و اساسی نیرسهلرگه علاوه، سونگی پیتلرده شونینگدیک دارولرنینگ بهاسی هم یوقاری کیتگن. افغانستان درمانی خذمتلر انجمنی باشلیغی اسدالله کاکر نینگ ایتیشیچه، طالبان نینگ حکومتی فعالیت گه باشلهشی بیلن، دارولرنینگ قیمتی ۱۰ الی ۱۵ فایز کوپهیگن.
پکتیا مرکزی گردیز ده طالبان حکومتی ایش گه باشلمهسیدن آلدین سوداگرلیک معاملهلر و حمل و نقل گه افغانی پولدن قوللنهدی ایکن، بیراق حاضر پاکستان نینگ پولی کوپ رواجلنگن. اوشبو شهر دکاندارلری نینگ ایتیشلریچه، سوداگرلیک معاملهلرده افغانی پولدن قوللهنیش اوچون حرکت قیلهدیلر، بیراق طالبان حکومتی کیلگنیدن بویان کلدار پولیدن کوپ فایدهلنهدیلر.
سابق حکومت بیرقطار ایشلاوچیلری و بیلیم یورتلر اوقیتووچیلری نینگ ایتیشلریچه، اسلامی امارت مسووللری اولردن ایشلریگه حاضر بولیشلرینی سورهگن، لیکن حقوقلری کمهیتیریلگنیدن خبر بیرگنلر.
