ننگرهارده «شرق لبنیاتی/ ختیځ لبنیات» ایشخانه مسئوللری نینگ ایتیشلریچه، کونیده ۳۰۰۰ کیلوگرام سوت و تورلی خیل لبنیات ایشلب چیقارهدیلر که ننگرهار گه علاوه، مملکت نینگ باشقه منطقهلری گه یوباریلهدی.
باش پناه ایزلاوچیلر بوییچه بیرلشگن ملتلر تشکیلاتی نینگ عالی کمیشنری، افغانستان فاجعهسی نینگ یمانلنگنی خصوصیده خواطر بیلدیریب ایتگن که، اوشبو مملکت نظیری کوریلمهگن درجهده توییب آوقاتلنمسلیک و ییمک ناتینچلیگی بیلن روپهرو دیر.
قرهقل تیریسی بیر تیپ قوزی نینگ تیریسی دیر. قوزی نینگ توغیلیشی بیلن ذبح بولیب و تیریسی اوشبو صنعت اوچون آلینهدی. قرهقل تیریسی افغانستانده مملکتدن تشقی گه صادر بولیش و قرهقل کلاه توزهتیش اوچون قوللنیلهدی و اوشبو صنعت اوتمیشلرده افغانستان نینگ اینگ بویوک درآمد منبعلردن بیری ایدی؛ بیراق حاضر ایسه مملکتده قرهقل صنعتی تنزل گه یوزتوتتگن.
هرات ولایتی عیاللر صنعت و سوداگرلیک اتاقی مسئوللری نینگ ایتیشلریچه، اولر، بیرقطار مملکتلر، سوداگرلر و اسلامی امارت نینگ آرقهداشلیگی بیلن اوشبو ولایت عیاللر صنعت و سوداگرلیک اتاقینی قیتهدن فعال قیلگنلر.
افغانستان برق ییتکزیش شرکتی یا-ده برشنا، اوتگن کیچه بیر خبرنامه آرقلی هراتده سلما توغانی نینگ اوچینچی توربینی قیته فعال بولگنیدن خبر بیریب و ایتگن که، اوشبو توغان نینگ برق تولیدی نارمل حالتیگه قیتگن. برشنا شرکتی نینگ کوپهیتیریشیچه، اوشبو شرکت نینگ تخنیک ایشلاوچیلری، سلما توغانی نینگ اوچینچی توربینی نی توزهتیب و قیته برق شبکهسی گه شامل قیلگنلر.
باختر دولت آژانسی نینگ گزارشی اساسیده، اسلامی امارت کانلر و پترولیم وزیرلیگی، هرات ولایتی غوریان تومنیده تیمر کانی و غور ولایتی تولک تومنیده سُرب کانینی قازیب چیقریشنی قرارداد گه بیرهدی. باش وزیر بیرینچی اورین باسری ملا عبدالغنی برادر ییتکچیلیگیده، اسلامی امارت اقتصادی کمیسیونی، مذکور ایکی کان نینگ قازیب چیقریش رخصتینی صادر قیلگن.
افغانستان مرکزی بانکی بوگون بیر خبرنامه ترقهتیب ایتیشیچه، افغانی پول برابریده دالر نرخینی پس توشیریش اوچون ۱۳ میلیون دالرنی لیلام شکلده ساتهدی. مذکور بانک نینگ خبرنامهسی اساسیده، اوشبو مقدار پول نینگ داوطلبلیگی ایرته (یکشنبه، ۲۱ حمل) یولگه قوییلیشی کوتیلهدی.
اروپا، فرانسه، آلمان، ایتالیا، ناروی، بریتانیا و آمریکا بیرلشمه ایالتلری نینگ خاص نمایندهلری اوتگن کون (جمعه، ۱۹-حمل) قوشمه بیر اعلامیهده ایتگنلر که، بوندن کیین اولر نینگ یاردملری اسلامی امارت نینگ رفتاری گه باغلیق دیر.
لغمان یشاوچیلریدن قطاری نینگ ایتیشلریچه، اسلامی امارت سابق حکومتده باشلنگن و ایشی یریم قالگن اوشبو ولایتدهگی پروژهلر نی، تکمیل قیلیشی کیرهک. اولر، پروژهلر نی بیللی زمانیده تطبیق قیلمهگنلری اوچون سابق حکومت مسئوللریدن تنقید قیلگنلر.
اسلامی امارت سوداگرلیک و صنعت وزیرلیگی نینگ ایتیشیچه، افغانستان بیرینچی مرته قزاقستان گه قاغاز صادر قیلگن. اوشبو وزیرلیک بوگون افغانستان کان و صنعتلر اتاقیدن نقل قیلیب توییتر صحیفهسیده یازگن که…
سرپل معلومات و مدنیت باشلیغی فخرالدین عمیر سرپلی نینگ سلاموطندار گه ایتیشیچه، اسلامی امارت باش وزیری نینگ بیرینچی اورین باسری ملا عبدالغنی برادر، بوگون بیر هیأت ییتکچیلیگیده اوشبو ولایت سفر قیلگن ایدی، قشقری نفت کانینی افتتاح قیلدی.
جوزجان ولایتی نینگ ایکی تومنی و مرکزیده ۷۰۰ دهقان عیال گه اوی باغچهلری و ایش اسبابلری توزیع بولدی. جوزجانده اکتید دفتری باشلیغی امانالله امین نینگ ایتیشیچه، عایلهلرینی سرپرستلیک قیلهدیگن دهقان عیاللرنی قوللب قوتلش و اولر نینگ اقتصادیاتینی کوچهیتیریش مقصدیده، بو پروژهنی یولگه قویگنلر.
فراه محلی مسئوللری و یشاوچیلری اوشبو ولایتده خرما درختلرینی ییتیشتیریشی کوپهیگنیدن خبر بیرگنلر. اولر گه کوره، خرمانی ییتیشتیریش و رشدی اوچون فراه نینگ هواسی مناسب دیر و سونگی نیچه ییلده مذکور ولایتده اونلب خرما باغلری ایجاد ایتیلگن.
قندهارده سوداگرلردن بیرقطاری نینگ ایتیشلریچه، سپینبولدک قتناو یولیده قیینچیلیک کوپهیشی باعث، اوشبو یولده تجارت ۵۰ فایز کمهیگن. اولر گه کوره، سپینبولدک قتناو یولیده سوداگرلردن سالیق آلیشگه علاوه، ایریم بهانهلر بیلن اولردن پول آلینهدی و یوک تاشووچی موترلر اوچون ترانسپورت ریاستی تامانیدن شماره ایجاد بولگن و هر موتر نوبتیده سوداگرلر مالینی یوکلشگه مجبور دیر.
افغانستان بوییچه آمریکا ایلچیخانهسی نینگ سرپرستی یان مککری، مملکتده کوکنار و برچه نشهلی مخدره مادهلر ایکیلمسلیگی خصوصیده اسلامی امارت رهبری هبتالله آخوندزاده نینگ بویروغینی خوش قرشیلهگن.
کابل شهری دهگی عمده ساتوووچیلردن قطاری نینگ ایتیشلریچه، روسیه و اوکراین اوروشی ییگولیک مادهلر قیمتی اوستیگه تاثیر قیلیب و قریب ایکی هفتهدن بویان آزیق-اوقت نرخی آشگن. اولر نینگ ایتیشلریچه، اون، یاغ، شکر و برنج قیمتی ۲۰۰ دن ۳۰۰ افغانی گه آشگن.
