فیلیپین چیگره‌چیلری، اوشبو مملکت‌نینگ پالاوان ولایتیده مشهور سیاحلیک حدودلریدن بیری یقینیده یولاوچی تاشووچی کیمه‌ده یانغین چیقیشی عاقبتیده کمیده بیش کیشی هلاک بولگن و ینه ۸۷ کیشی بی‌درک یوقالگنینی ایتگنلر.
ایران اسلام انقلابی قوریقچیلری، هرمز بوغوزی‌ده امریکانینگ ایکی کیمه‌سی و ۸ نفت تانکرینی نشانگه آلگنینی بیلدیردی. ایران اسلام انقلابی قوریقچیلری، بوگون (۱۸ سنبله/۹ سپتمبر، چهارشنبه) بیر بیانیه ترقه‌تیب، بو هجوملر امریکانینگ ایران بیش نفت تانکریگه قیلگن هجومیگه جواباً عملگه آشیریلگنینی یازگن.
اوکراین چیگره‌چیلری، روسیه اوتگن کیچه دران‌لر بیلن اوکراین و مولداوی چیگره‌سیده‌گی یول‌نی نشانگه آلگنینی بیلدیردی. رویترز، بوگون (۱۸ سنبله/۹ سپتمبر، چهارشنبه) ترقه‌تگن خبری‌ده، اوشبو هجوم عاقبتیده ایریم کیشیلر اولیب و یره‌لنگن و شونینگدیک واقعه طفیلی یانغین چیققنینی بیلدیرگن.
تورکیه‌نینگ آنتالیا و آدانا ولایت‌لریده اورمان یانغین‌لری چیققن.
هندوستان پایتختی ینگی دهلی‌ده، کوپ قووتلی بنا قولب توشدی و اونینگ عاقبتیده کمیده آلتی کیشی هلاک بولگن و ینه اونلب کیشی ویرانه‌لر آستیده قالیب کیتگن. خلق‌ارا ییتکرمه‌لر، بوگون (۱۷ سنبله/۸ ستمبر، سه‌شنبه) گزارش بیریشیچه، اوشبو بناده یشاوچیلرنینگ اکثریتی طلبه‌لر ایکن.
یمن حوثی‌لری سعودی عربستان‌نینگ شمالی‌ده الجوف ولایتی مرکزی الحزم شهریده‌گی قماقخانه گه اویوشتیرگن هوا هجومی عاقبتیده ییتی کیشی قربان بولگنینی و ینه ییتی کیشی یرلنگنینی معلوم قیلدی. الجزیره، بوگون (۱۷ سنبله/۸ ستمبر، سه‌شنبه)، اوشبو هجوم سعودی عربستان بیلن چیگره‌داش یمن حدودیده‌گی الجوف ولایتیده جایلشگن اصلاح و تربیت مرکزیگه اویوشتیریلگنینی ایتگن.
اسرائیل حربی کوچلری‌نینگ لبنان جنوبی حدودلریگه اویوشتیرگن هوا هجوملری عاقبتیده کمیده ۱۱ کیشی جمله دن ایکی باله و ایکی نفر قوتقروچی قربان بولگن، ینه بیش کیشی یرلنگن.
امریکا جمهور باشلیغی دونالد ترامپ‌نینگ ایلچیلری استیف ویتکاف و جرد کوشنر کی‌یف گه ایلک سفرلری چاغیده اوکراین جمهور باشلیغی ولودیمیر زلنسکی بیلن اوچره‌شیب، روسیه و اوکراین اورته‌سیده‌گی اوروشنی توگه‌تیش مسئله‌سینی کوریب چیقدیلر. خلق‌ارا ییتکرمه‌لر، بوگون (۱۶ سنبله/۷ سپتمبر، دوشنبه) امریکا ایلچیلری بو مذاکره‌لرنی «مهم و جدی» دیگنلر.
کنگو دموکراتیک جمهوریتیده توی مراسمی وقتیده یوز بیرگن یانغین عاقبتیده ۲۲ کیشی اولگن و ینه بیر نیچه کیشی جراحتلنگن.
میلادی ۲۰۲۶-ییلگی بوتون جهان کوچمنچیلر تورنمنتی کوکپر فینالیده، قرغیزستان اولاق/اوغلاق ملی تیرمه جماعهسی قزاقستان گه غلبه قازانیب و بو تورنمنت قهرمانی بولدی.
ایران اسلام انقلابی قوروقچیلری، بو مملکت‌نینگ دینگیز کوچلری هرمز بوغوزی‌ده امریکانینگ ناخداسی بولمهگن کیمهسیگه هجوم قیلگنینی معلوم قیلدی.
قرغیزستان و قزاقستان اولاق/اوغلاق ملی تیرمه جماعهلری رقیبلریگه غلبه قازانیب، ۲۰۲۶-ییلگی بوتون جهان کوچمنچیلر تورنمنتی اویینلرینینگ فینالیده یول تاپدیلر.
بولیوی عملدارلری، اوشبو مملکت‌نینگ ویاچا شهریده حربی آست قوریلمه‌‌سیده ایکی پارتلش عاقبتیده چمه‌سی ۱۰ کیشی هلاک بولگن و ینه اونلب کیشی یره‌لنگنینی اعلان قیلدیلر.
نیپال‌ده یوز بیرگن کوچلی سوو تاشقینی عاقبتیده هلاک بولگنلر سانی بیر مینگ ۳۴۲ کیشی گه ییتگن. خلق‌ارا ییتکرمه‌لرنینگ معلوماتیگه کوره، اوشبو طبیعی آفت عاقبتیده بیر مینگ ۳۴۲ کیشی هلاک بولگن و ینه تورت مینگ ۸۹۸ کیشی بی‌درک یوقالگن.
اوزبیکستان پایتختی تاشکینت شهرینینگ میرزا اولوغ تومنی «شهلا» محلهسیده بیر قیزنینگ اوز جانیگه قصد قیلیشگه اورینیشینینگ آلدی آلیندی.
چین جمهور باشلیغی شی جین‌پینگ، بیشکک شهریده بولیب اوتگن شانگهای همکارلیک تشکیلاتی ییغیلیشیدن سونگ، ۱۰ ییلدن کیین رسمی تشریف بیلن مصر گه باردی.
