خلق‌ارا ییتکرمه‌لرنینگ معلوماتیگه کوره، امریکا و ایران، هفته‌لر توقنشوودن کیین پاکستان‌نینگ واسطه‌چیلیگی بیلن ایکی هفته‌لیک آتیش کیسین گه کیلیشگنلر. تامانلر اوشبو آتیش کیسین‌ده، توقنشوولرنی توخته‌تیب و هرمز بوغوزیدن نفت تشووچی کیمه‌لر اوتیشی و اوزاق مدتلی کیلیشوو اوچون مذاکره‌لر گه زمینه یره‌تیلیشیگه کیلیشگنلر.
ایران سپاه پاسداران، امریکا تهران تامانیدن تعیین ایتیلگن «قرمز چیزیغ»دن اوتسه، ایران بو هجوم گه جواباً منطقه‌دن تشقریگه هجوم قیلیشی حقیده آگاه‌لنتیردی.
الجزیره، بوگون (۱۸ حمل/۷ اپریل، سه‌شنبه) بیر گزارش ترقه‌تیب ایتیشیچه، امریکا کانگرسی بیرقطار اعضالری اوشبو مملکت جمهور باشلیغی دونالد ترامپ‌نی لوازمیدن چیتلشتیریلیشینی سوره‌گنلر.
غزه ساغلیق‌نی سقلش رسمی‌لری، غزه مرکزیگه اسرائیل‌نینگ ینگی هجوملری عاقبتیده چمه‌سی ۱۰ کیشی قربان بولیب و اونلب کیشی یرهلنگنینی معلوم قیلدیلر. الجزیره گه کوره، اسرائیل ۱۷ حمل/۶ اپریل، دوشنبه کونی غزه مرکزیده المغازی اردوگاه‌‌سی یقینیده‌گی حدودلرنی نشانگه آلگن. میلادی ۲۰۲۵ ییل اکتوبر آیی‌ده آتیش کیسین بوزیلگنیدن سونگ، اسرائیل غزه تورلی حدودلریگه هجوملرینی دوام بیرگن.
اسرائیل اردوسی‌نینگ لبنان ایریم حدودلری جمله‌دن بو مملکت پایتختی بیروت گه اویوشتیرگن هوا هجوملری عاقبتیده چمه‌سی ۱۴ کیشی اولگن.
اسرائیل ساغلیق‌نی سقلش وزیرلیگی، میلادی ۲۰۲۶ ییل، ۲۸ فبروری کونی امریکا و اسرائیل‌نینگ ایران گه قرشی اوروش‌نی باشله‌گنیدن بیری، ۶۹۵۱ اسرائیل‌لیک تینچ اهالی یره‌لنیب و کسلخانه‌لر گه آلیب باریلگنینی بیلدیردی.
اپل کمپنیه‌سی آیفون ۱۸ پرو تورکومیده‌گی عقللی/هوشمند تلفونلری کلاسیک قاره رنگ‌ده چیقریلمسلیگینی بیلدیردی.
امریکانینگ یاقیلغی ماده تشووچی سی-۱۳۰ اوچاغی، ایران‌نینگ اصفهان ولایتی جنوبی حدودلریده اوریب توشیریلگن.
ییتکرمه‌لرنینگ معلوماتیگه کوره، امریکا مخصوص کوچلری جمعه کونی ایران‌ده اوریب توشیریلگن اف ۱۵ قیروچی اوچاق‌نینگ ایکینچی پیلوتینی بوگون (۱۶ حمل/۵ اپریل، یک‌شنبه) ایرته‌لب قوتقرگن.
ایران بیلن امریکا و اسرائیل اورته‌سیده ۳۶ کوندن بیری اوروش دوام ایتماقده ایکن، آذربایجان ۲۰۰ تُن انسان پرورلیک یاردم ایران گه یوبارگن.
تیز آره‌ده اوروش توگه‌یدی. ۱ اپریل کونی امریکا جمهور باشلیغی دونالد ترامپ ایران بیلن باغلیق حربی عملیات یقین هفته‌لرده یکونلنیشینی ایتدی. بیراق، آره‌دن بیر کون اوتیب ترامپ آق اوی‌ده قیلگن مراجعتیده ایران حدودیگه جوده کوچلی ضربه‌لر بیریب، اونی «تاش دوریگه» قیترماقچی‌لیگینی بیلدیردی. ترامپ‌نینگ بیر-بیریگه ضد بیانات‌لری ینگره‌یاتگن بیر پیتده، ایران جمهور باشلیغی مسعود پزشکیان هم اوروش‌نی توگه‌تیشگه تیارلیگینی، بیراق بو فقط ایران قویگن شرط‌لر بجریلگنده‌گینه عملگه آشیریلیشی ممکن‌لیگینی بیلدیردی.
ایران سپاه پاسداران، هرمز بوغوزی (تنگه هرمز) ده اسرائیل کیمه‌سی نشانگه آلینگنیدن خبر بیردی.
تورکیه ترانسپورت وزیری عبدالقادر اورال‌اوغلو، بوگون (۱۵ حمل/۴ اپریل، شنبه) تورکیه بیراغی بیلن ایکینچی کیمه هرمز بوغوزیدن اوتگنینی بیلدیردی.
امریکا مدافعه وزیرلیگی (پنتاگون) ایران بیلن امریکا و اسرائیل اورته‌سیده اوروش باشلنگنیدن بیری، بو مملکت‌نینگ جمعی ۳۶۵ عسکری یرهلنگنینی بیلدیردی.
ایران حدودیده امریکا قیروچی اوچاغی اوریب توشیریلگنی حقیده‌گی خبرلردن سونگ، ایران ییتکرمه‌لری کتاپولت (تشقریگه تشلاوچی چوکی) آرقه‌لی چیقیب کیتگن ایکی اوچووچی‌دن بیری بو مملکت جنوبیگه توشگن بولیشی ممکن‌لیگینی معلوم قیلدی.
اسلام امیرلیگی سوزلاوچیسی اورین‌باسری حمد‌الله فطرت، ۱۳-حمل، پنج‌شنبه کیچه کیچ قورون اکس صحیفه‌سیده، افغانستان گه پاکستان‌نینگ اویوشتیرگن ینگی هجوملری نتیجه‌سیده، ۲۷ کیشی‌نینگ «شهید» و یرهلنگنینی معلوم قیلگن. جناب فطرت‌نینگ یازیشیچه، اوتگن کوندن بیری پاکستان کوچلری آرقه‌لی…
