استرالیا تشقی ایشلر وزیری پنی وانگ، امریکا و ایران دن آتیش کیسین‌نی سقله‌ب و مذاکره‌لر‌نینگ قیته باشلش‌نی سوره‌گن. الجزیره خبری ترماغی‌نینگ گزارشی اساسیده، استرالیا ییتکرمه‌لری ترقه‌تگن بیانیه‌ده وانگ‌نینگ ایتیشیچه…
ینگی‌لیکده لبنان جنوبی‌گه اسرائیل‌نینگ اویوشتیرگن هجوملری نتیجه‌سیده، کمیده ۱۸ کیشی قربان بولیب و مارچ آیی‌دن حاضرگچه اوشبو هجوملر قربانلری‌نینگ توپلم سانی ۲ مینگ کیشی‌دن آشگن.
امریکا جمهور باشلیغی اورین‌باسری جی‌دی ونس‌نینگ بوگون (۲۳-حمل/۱۲-اپریل، یک‌شنبه)، اعلام قیلیشیچه، مذاکره قیله‌دیگن گروهی ۲۱ ساعت مذاکره‌دن کیین، ایران بیلن بیر کیلیشووگه ایریشمس‌دن پاکستان‌نی ترک قیلگن.
نوار غزه‌نینگ مرکزی و جنوبی بولیم‌لری‌گه اسرائیل‌نینگ اویوشتیرگن هجوملری نتیجه‌سیده، کمیده ییتی فلسطین‌لیک قربان بولیب و باشقه بیر قطار کیشی یره‌لنگن.
ایران هیئتی امریکا بیلن اوت آچیش‌نی توخته‌تیش بوییچه مذاکرهلر اوچون پاکستان پایتختی اسلام‌آباد گه ییتیب بارگن. ایران ایسنا آژانسی، بوگون (۲۲ حمل/۱۱ اپریل، شنبه) ترقه‌تگن خبری‌ده، بو مملکت هیئتی اسلام‌آباد گه ییتیب بارگنینی بیلدیرگن. معلوم قیلینیشیچه، ایران پارلمان باشلیغی محمدباقر قالیباف و بو مملکت تشقی ایشلر وزیری سیدعباس عراقچی باشچیلیگیده هیئت اسلام‌آباد ده مذاکره اوتکزه‌دی.
اسلام امیرلیگی قاچقینلر وزیرلیگی‌نینگ اعلام قیلیشیچه، پاکستان قماقخانه‌لری‌دن ۸۴ افغانستان‌لیک قوییب یوباریلگن.
لبنان جنوبی‌گه اسرائیل‌نینگ اویوشتیرگن هوا هجوملری نتیجه‌سیده، کمیده ۱۴ کیشی قربان بولیب و بیر قطار کیشی یره‌لنگن. الجزیره‌نینگ اوتگن کون کیچ قورون (۲۱-حمل/ ۱۰-اپریل، جمعه)، گزارش بیریشیچه، یاردم بیرووچی کوچلر آرقه‌لی حاضرگچه ویرانه‌لر آستیده قالگن کیشیلرنینگ اختریلیشی دوام قیلیب و قربانلر سانی‌نینگ کوپه‌یشی ممکن.
ایران قیزیل آی جمعیتی، امریکا و اسرائیل‌نینگ ایران گه قیلگن هجوملری عاقبتیده، ۱۲۵ مینگ ۶۳۰ تینچ اهالی جایی ضرر کورگنینی بیلدیردی.
ایران و امریکا اورته‌سیده اعلان قیلینگن ایکی هفته‌لیک صلح‌دن نیچه ساعت اوتیب، اسرائیل لبنان حدودی بویلب کینگ کولملی هوا هجوملرینی باشله‌دی.
بیرلشگن ملتلر تشکیلاتی باش کاتبی آنتونیو گوترش، اسرائیل‌نینگ لبنان گه هجوملری و تینچ اهالی اولدیریلیشینی قاره‌له‌دی.
امریکا جمهور باشلیغی دونالد ترامپ‌نینگ اعلام قیلیشیچه، «حقیقی کیلیشوو» نینگ بوتونلی عمل‌گه آشیریلگنی‌گه قدر، امریکا حربی کوچلری ایران اطرافیده قاله‌دی.
امریکا شرمنده‌لی مغلوبیت گه اوچره‌دی. بونی ایران رسمی‌لری ایتماقده. امریکا جمهور باشلیغی دونالد ترامپ ایسه ماجراده‌گی مهم استراتیژیک نقطه حسابلنگن هرمز بوغوزینی آچیش شرطی بیلن ایران‌نی بمباردمان قیلیشنی ایکی هفته گه توخته‌تیشگه راضی بولگنینی بیلدیردی و اوروش یکونی امریکا فایده‌سیگه ایشله‌یاتگنینی ادعا قیلدی.
الجزیره، بوگون (۲۰ حمل/۹ اپریل، پنج‌شنبه) غزه‌ده اسرائیل هجوملری نتیجه‌سیده خبرچیلریدن بیری اولگنینی معلوم قیلدی. اوشبو گزارش گه کوره، الجزیره مباشر خبرچیسی محمد ویشا، غزه شهری غربی‌ده اسرائیل تامانیدن اویوشتیریلگن دران هجومی نتیجه‌سیده اولگن. میلادی ۲۰۲۳ ییل اکتوبر آیی‌دن بیری غزه‌ده اسرائیل هجوملری نتیجه‌سیده حاضرگچه الجزیره‌نینگ ۱۲ خبرچیسی اولگن.
روسیه خوفسیزلیک کینگشی باشلیغی‌نینگ اورین باسری دیمیتری مدودف، امریکا جمهور باشلیغی دونالد ترامپ‌نینگ ۱۰ بند دن عبارت ریجه‌نی محاکمه قیلیشگه راضی‌لیک بیرگنی‌نینگ اوزی ایران اوچون موفقیت ایکنینی ایتدی.
اسرائیل باش وزیری بنیامین نتانیاهو، امریکا و ایران اورته‌سیده آتیش کیسین کیلیشووینی قوللب-قوتلب و لبنان بو کیلیشوو گه شامل ایمس‌لیگینی بیلدیرگن. نتانیاهو، بوگون (۱۹ حمل/۸ اپریل، چهارشنبه) ایکس صحیفه‌سیده بیر بیانیه ترقه‌تیب امریکا اسرائیل گه ایران بیلن بولیب اوته‌دیگن کیلگوسی مذاکره‌لرده عمومی مقصدلریگه ایریشیش گه صادق قالیش ایشانچینی بیرگنینی ایتگن.
امریکا و ایران ایکی هفته‌لیک آتیش کیسین اعلان قیلگنیدن سونگ، نفت قیمتی سیزیلرلی درجه‌ده پس توشگن. الجزیره، بوگون (۱۹ حمل/۸ اپریل، چهارشنبه) ترقه‌تگن گزارشیده، بو اوزگریش بازارلر تینچلنیشیگه سبب بولیب و هرمز بوغوزی آرقه‌لی نفت و گاز تشیش جریانی باشلنیشی گه دایر امیدلرنی قیته کوچه‌یتیرگن. امریکا جمهو باشلیغی دونالد ترامپ اوشبو ایکی هفته‌لیک آتیش کیسین‌نی تصدیقلب و اوزاق مدتلی کیلیشوو گه ایریشیش اوچون مذاکرهلر دوام ایتماقده‌لیگینی ایتگن.
