کانگو دمکراتیک جمهورلیگی شرقیده جایلشگن «روبایا» کُلتان کانی قولشی عاقبتیده، ۲۰۰ دن آرتیق کیشی هلاک بولگن. قربانلر آرهسیده کان ایشلاوچیلری، بالهلر و کان محلیدهگی بازارده نرسه ساتووچی عیاللر شامل دیر.
ایران تشقی ایشلر وزیری سیدعباس عراقچینینگ ایتیشیچه، مملکتی امریکا بیلن «عدالتلی» و «انصافلی» مذاکرهلرنی اوتکزیشگه تیار دیر. او، اوتگن کون تورکیه گه قیلگن سفری و اوتکزیلگن خبری بیر ییغیلیشده، ایراننینگ مذاکره اوچون هیچ بیر قیینچیلیگی بولمهگنی، لیکن تهدید آستیدهگی مذاکرهنینگ قبول قیلمسلیگینی بیان قیلگن.
امریکا، نوار غزه ده بوزیلگن آتیش کیسین و منطقهده کیسکینلیکلر دوام قیله یاتگن شرایطده، اسرائیل گه ۶.۶۷ میلیارد دالر ارزشیگه حربی قوراللر ساتیشینی تصدیقلهگن.
روسیه جمهور باشلیغی ولادیمیر پوتین، امریکا جمهور باشلیغی دونالد ترامپنینگ ایستهگینی انابت گه آلیب و اوکراین گه بیر هفته دوامیده هجوم قیلمسلیککه قرار قیلگن. ییتکرمهلرنینگ معلوماتیگه کوره، ۹ دلو/ ۲۹ جنوری، پنجشنبه کونی دونالد ترامپ آقسرایده ژورنالیستلر بیلن صحبتده بوندهی قرار قبول قیلینگنینی بیلدیردی.
تورکیه و اوزبیکستان دولت رهبرلری رجب طیب اردوغان و شوکت میرضیایف، بو ایکی مملکت اورتهسیدهگی دوستلیک و همکارلیکلرنی مستحکملش و کینگهیتیریش مقصدیده، تورلی ساحهلرده شرطنامه امضالهدیلر.
امریکاده کوچلی قار بورانی عاقبتیده اولگنلر سانی ۷۰ کیشیدن آشگن.
میلادی ۲۰۲۶ ییلنینگ ۱ جنوری گچه، اوزبیکستاننینگ دایمی اهالیسی سانی ۳۸ میلیون ۲۳۶ مینگ ۷۰۴ کیشینی تشکیل ایتگن.
اوزبیکستان جمهور باشلیغی شوکت میرضیایف، تورکیه جمهور باشلیغی رجب طیب اردوغاننینگ تکلیفی گه بناً بوگون اوشبو مملکت گه بارهدی. اوزبیکستان جمهورلیک ریاستی، ۸ دلو / ۲۸ جنوری، چهارشنبه کونی بیر بیانیه ترقهتیب میرضیایف جنابلری بوگون تورکیه گه باریشینی بیلدیرگن. بیانیه گه کوره، انقره شهریده ایکی دولت رهبرلری باشچیلیگیده استراتیژیک همکارلیک کینگشینینگ تورتینچی ییغیلیشینی اوتکزیش ریجهلشتیریلگن.
کلمبیا عملدارلری، اوشبو مملکتده اوچاق قولشی نتیجهسیده چمهسی ۱۵ کیشی اولگنینی اعلان قیلدیلر.
ایران جمهور باشلیغی مسعود پزشکیان، سعودی عربستان ولیعهدی محمد بن سلمان بیلن تلیفونی علاقهده، امریکا تهدیدلری عاقبتلریگه نسبت آگاهلنتیریش بیلن اورغولشیچه، منطقهده برقرارسیزلیک هیچ بیر مملکت فایدهسیگه ایمس.
سریلانکاده ملی باغلردن بیریده روسیهلیک سیاحلرنینگ موتریگه «فیل» هجوم قیلدی.
حزبالله حرکتی، امریکا ایران گه هجوم قیلسه اولرگه تأثیر قیلیب و جواب بیریش گه تیار ایکنینی بیلدیردی. ییتکرمهلرنینگ معلوماتیگه کوره، اوشبو حرکت ییتکچیسی نعیم قاسم، ۶ دلو/ ۲۶ جنوری، دوشنبه کونی بوندهی دیگن. نعیم قاسم، سوزلریده هر قندهی احتمالی هجومده نشانگه ایلنیشی و اوزلرینی حمایه قیلیش گه تیار ایکنلرینی ایتگن.
امریکانینگ ییریک رسمیلریدن بیرینینگ ایتیشیچه، غزه بوییچه آتیش کیسین کیلیشووی اساسیده، حماسنی قورالسیزلشتیریش اوشبو جنبش اعضالری اوچون «معلوم توردهگی عفو» بیلن بیرگه عملگه آشیریلهدی.
اوکراین جمهور باشلیغی ولودیمیر زلنسکی، امریکانینگ بو مملکتگه خوفسیزلیک کفالتلری حجتینینگ بوتونلی شکلده تیارلگنیدن خبر بیرگن.
ییتکرمهلرنینگ معلوماتیگه کوره، امریکاده کوچلی قار بورانی عاقبتیده ۷ کیشی اولگن. معلوماتلر اساسیده، اوشبو کیشیلر ۵ دلو/ ۲۵ جنوری، یکشنبه کونی امریکانینگ تگزاس، میزوری و کانزاس ایالتلریده اولگنلر. بو مملکتنینگ تورلی حدودلریده کوچلی قار بورانیده، شونینگدیک بیر میلیوندن آرتیق استعمالچی برقسیز قالگنی ایتیلگن.
فیلیپین رسمیلرینینگ اعلام قیلیشیچه، بوگون ایرتهلب (۶-دلو/ ۲۶-جنوری، دوشنبه)، فیلیپین جنوبیده ۳۵۰ دن آرتیق یولاوچیسی بولگن بیر کیمهنینگ چوککنی عاقبتیده، کمیده ۱۵ کیشی اولیب و باشقه ۲۸ کیشی یوقالگن.
