کلمبیا ده ۱۲۵ یولاوچیسی بولگن حربی بیر اوچاقنینگ قولهگنی طفیلی، کمیده ۳۴ کیشی اولیب و باشقه اونلب کیشی یرهلنگن.
الجزیرهنینگ بوگون (۴-حمل/ ۲۴-مارچ، سهشنبه)، گزارش بیریشیچه، مذکور واقعه اوشبو مملکت «پوتومایو» ولایتیده، عسکرلرنینگ انتقال بیریلیشی پیتده یوز بیرگن.
گزارش اساسیده، عسکرلرنی باشقه بیر ییرگه انتقال بیرهدیگن کلمبیا هوا کوچلرینینگ «C-130» هراکولس اوچاغی، اوچیش نقطهسیدن فقط ۱.۵ کیلومتر اوزاقلیکده قولب توشگن.
کلمبیا مدافعه وزیری پدرو سانچزنینگ اعلام قیلیشیچه، اوچاقده یانغین یوز بیرگنی قورال-یراقنینگ پارتلشیگه سبب بولگن. اونینگ کوپهیتیریشیچه، تشقی یا-ده ناقانونی گروهلر آرقهلی بیر هجوم اویوشتیریلگنیدن هیچ بیر بیلگی کوریلمهگن.
شونینگدیک کلمبیا هوا کوچلری قوماندانی کارلوس فرناندو سیلوا گه کوره، یرهلنگنلرنینگ بوگوتا و باشقه منطقهلردهگی کسلخانهلرگه تاشیش اوچون ایکی اوچاق یوباریلگن.
