بیرلشگن ملتلر تشکیلاتی باش کاتبی آنتونیو گوترش، سودان شرقیده جایلشگن دارفور ایالتیدهگی «الدعین» کسلخانهسیگه اویوشتیریلگن راکته هجومی نتیجهسیده، بالهلر و طبیات خادملری شامل کمیده ۶۰ کیشینینگ اولدیریلگنینی قارهلهگن.
گوترشنینگ بوگون ایرتهلب (۵-حمل/ ۲۵-مارچ، چهارشنبه)، اکس صحیفهسیده یازیشیچه، ۲۰۲۳-ییلدن حاضرگچه سودان دهگی ساغلیقنی سقلش مرکزلریگه ۲۰۰ دن آرتیق هجوم اویوشتیریلیب و نتیجهده، ایکی مینگدن آرتیق کیشی قربان بولگن.
بیرلشگن ملتلر تشکیلاتی باش کاتبی، برچه تامانلردن، انسانسیورلیک خلقارا حقوق اساسیده اوز تعهدلریگه توختهشلرینی سورهگن. شونینگدیک او، توقنشوو تامانلریدن تیزلیککه کیسکینلیکلرنی کمهیتیریش و توقنشوولر توختهتیلیشی توغریسیده کیلیشیشنی ایستهگن.
گوترشنینگ کوپهیتیریشیچه، بیرلشگن ملتلر تشکیلاتی سودان دهگی اوروشنی یکونلش و برقرار تینچلیک سری یول آچیش اوچون حقیقی آدیملرنی قوللب-قوتلشگه تیار دیر.
تیزکار قوللب-قوتلش کوچلری و سودان اردوسی آرهسیدهگی توقنشوو، ۲۰۲۳-ییل اپریل آییده بوتون مملکت بویلب کینگ کولملی اوروش گه اَیلنگن. ساغلیقنی سقلش تشکیلاتینینگ معلوماتی گه کوره، اوشبو توقنشوولرده حاضرگچه، کمیده ۴۰ مینگ کیشی اولیب و ۱۲ کیشی کیشی بیجای بولگن.
